ಸೆಪ್ಟೆಂಬರ್ 9ರಿಂದ ರಾಜಧಾನಿ, ಶತಾಬ್ದಿ, ಡುರೊಂಟೊ ರೈಲು ಬೆಲೆ ಹೆಚ್ಚಾಗಲಿದೆ

0
540

ಹೊಸದಿಲ್ಲಿ: ರಾಜಧಾನಿ, ಶತಾಬ್ದಿ ಮತ್ತು ಡುರೊಂಟೊ ರೈಲುಗಳಲ್ಲಿ ಸಂಚರಿಸುವ ಪ್ರಯಾಣಿಕರು ಟಿಕೆಟ್ ದರದಲ್ಲಿ 10% ನಿಂದ 50% ವರೆಗೆ ಹೆಚ್ಚು ಹಣ ಜಾಸ್ತಿಯಾಗಲಿದೆ.

ವೇಗದ ಈ ಮೂರು ರೈಲುಗಳಲ್ಲಿ 10% ಆಸನಗಳನ್ನು ಮೊದಲು ಸಾಮಾನ್ಯ ದರದಲ್ಲಿ, ನಂತರದ ಪ್ರತಿ 10% ಆಸನಗಳಿಗೆ 10% ದರ ಏರಿಕೆ ಮಾಡಲಾಗುತ್ತದೆ. ಗರಿಷ್ಠ 50%ವರೆಗಿನ ಆಸನಗಳಿಗೆ ಮಾತ್ರ ಈ ಏರಿಕೆ ಇರುತ್ತದೆ.

ಪ್ರಸಕ್ತ ಸಾಲಿನಲ್ಲಿ 500 ಕೋಟಿ ರೂ. ಹೆಚ್ಚುವರಿ ಆದಾಯ ಸಂಗ್ರಹಕ್ಕೆ ಕಣ್ಣಿಟ್ಟಿರುವ ರೈಲ್ವೆ ಸಚಿವಾಲಯ, ಈ ನಿಟ್ಟಿನಲ್ಲಿ ಸೆಪ್ಟೆಂಬರ್ 9ರಿಂದ ‘ಕ್ರಿಯಾತ್ಮಕ ಪ್ರಯಾಣ ದರ ಏರಿಕೆ ವ್ಯವಸ್ಥೆ’ಯನ್ನು ಜಾರಿಗೆ ತರಲು ಉದ್ದೇಶಿಸಿರುವುದೇ ಇದಕ್ಕೆ ಕಾರಣ.

ರಾಜಧಾನಿ, ಶತಾಬ್ದಿ ಮತ್ತು ಡುರೊಂಟೊ ರೈಲುಗಳ ಸೆಕೆಂಡ್ ಕ್ಲಾಸ್ ಎಸಿ, ಥರ್ಡ್ ಕ್ಲಾಸ್ ಎಸಿ, ಚೇರ್ ಎಸಿ ವಿಭಾಗಗಳಲ್ಲಿ ‘ಕ್ರಿಯಾತ್ಮಕ ಪ್ರಯಾಣ ದರ ಏರಿಕೆ ವ್ಯವಸ್ಥೆ’ಯನ್ನು ಇದರಿಂದ ಹೊರಗಿಡಲಾಗಿದೆ ಎಂದು ರೈಲ್ವೆ ಮಂಡಳಿ ಸದಸ್ಯ ಮೊಹಮ್ಮದ್ ಜಮ್ ಶೆಡ್ ತಿಳಿಸಿದ್ದಾರೆ.

ಒಟ್ಟಾರೆ 42 ರಾಜಧಾನಿ ರೈಲುಗಳು, 46 ಶತಾಬ್ದಿ ಮತ್ತು 54 ಡುರೊಂಟೊ ರೈಲುಗಳಿಂದ ಈ ವರ್ಷ 500 ಕೋಟಿ ರೂ. ಹೆಚ್ಚುವರಿ ಆದಾಯ ಗಳಿಸುವುದು ರೈಲ್ವೆಯ ಉದ್ದೇಶವಾಗಿದೆ.