ಜೇನು ತುಪ್ಪದಿಂದ ಯಪ್ಪಾ ಇಷ್ಟೆಲ್ಲ ಲಾಭ ಇದೆ ಅಂತ ಮೊದ್ಲೇ ಗೊತ್ತಾಗಿದ್ರೆ ದೇವ್ರಿಗಿಂತ ಮುಂಚೆ ದೇಹಕ್ಕೆ ನೈವೇದ್ಯ ಮಾಡ್ಕೋತಿದ್ರಿ!!!

0
3642

ಕೆಮ್ಮು, ದಮ್ಮು, ಬಹುಮೂತ್ರ, ಮೂತ್ರದ ಉರಿ ನಿವಾರಣೆಗೆ:

ಪ್ರತಿದಿನ ಮಲಗುವುದಕ್ಕಿಂತ ಮುಂಚೆ ಎರಡು ಚಮಚ ಜೇನು ತುಪ್ಪವನ್ನು ಕಾಯಿಸಿ ತಣಿಸಿದ ಒಂದು ಸಣ್ಣ ಕಪ್ಪು ನೀರಿನಲ್ಲಿ ಚೆನ್ನಾಗಿ ಮಿಶ್ರ ಮಾಡಿ ಸೇವಿಸಿದರೆ ಮೇಲಿನ ಸಮಸ್ಯೆ ನಿವಾರಣೆಯಾಗುತ್ತದೆ.

ಬಲಶಕ್ತಿ ಹೆಚ್ಚಲು, ನಿತ್ರಾಣ ನಿವಾರಣೆಗೆ, ನರಶಕ್ತಿಗಾಗಿ:

ಪ್ರತಿ ದಿನ ಬೆಳಿಗ್ಗೆ ಎರಡು ಚಮಚ ಜೇನನ್ನು, ಅರ್ಧ ಹೋಳು ನಿಂಬೆ ರಸದೊಂದಿಗೆ ಬೆರಿಸಿ, ಅರ್ಧ ಲೋಟ ನೀರಿನಲ್ಲಿ ಕಲಕಿ ಶರಬತ್ತಿನಂತೆ ಕುಡಿದರೆ ದೇಹಾರೋಗ್ಯ ವೃದ್ಧಿಯಾಗುತ್ತದೆ.

ಹೃಧಯಾಘಾತ, ಹೃದ್ರೋಗ ತಡೆಗೆ:

ಪ್ರತಿದಿನ ರಾತ್ರಿ ಮಲಗುವುದಕ್ಕಿಂತ ಮುಂಚೆ ಎರಡು ಚಮಚ ಜೇನನ್ನು ಮಿಶ್ರ ಮಾಡಿ ಕುಡಿಯುತ್ತಿರಬೇಕು.

ಎಲ್ಲ ಬಗ್ಗೆ ಹುಣ್ಣುಗಳು ಮಾಯಲು:

ರಕ್ತ, ಕೀವು ಸೋರುವುದನ್ನು ತಡೆಗಟ್ಟಲು ಜೇನುತುಪ್ಪವನ್ನು ಆಗಾಗ ಸವರುತ್ತಿರಬೇಕು. ಅಳಲೆಕಾಯಿ, ತಾರೇಕಾಯಿ, ನೆಲ್ಲಿಕಾಯಿ -ತ್ರಿಫಲಾ ರಸದಲ್ಲಿ, ಇಲ್ಲವೇ ತುಳಸಿ ಕೊಪ್ಪಿನ ಕಷಾಯದಲ್ಲಿ ತೊಳೆದು ಜೇನು ತುಪ್ಪವನ್ನು ಲೇಪನ ಮಾಡಿದರೆ ಹುಣ್ಣು ಗಾಯಗಳು ಬೇಗನೆ ಮಾಯುವವು.

ಸುಟ್ಟ ಗಾಯಗಳು, ಬೊಬ್ಬೆ, ಗುಳ್ಳೆಗಳಿಗೆ:

ಸುಟ್ಟ ಗಾಯಗಳಿಗೆ ಜೇನು ತುಪ್ಪವನ್ನು ಸವರಬೇಕು.

ಕುರು, ಬಾವು, ಗುಳ್ಳೆಗಳಿಗೆ:

ಕುರು ಉಂಟಾಗಿದ್ದರೆ, ಕುರು ಉಂಟಾಗುವಂತಿದ್ದರೆ ಜೇನುತುಪ್ಪವನ್ನು ಸದರಿ ಜಾಗದ ಮೇಲೆ ದಪ್ಪನಾಗಿ ಲೇಪನ ಮಾಡಿದರೆ, ಕುರು ಒಡೆಯುವುದು.

ಮಕ್ಕಳ ನಾಯಿ ಕೆಮ್ಮು ಮತ್ತು ಇತರ ಕೆಮ್ಮುಗಳಿಗೆ:

ಜೇನು ತುಪ್ಪ ಒಂದು ಚಮಚ, ಬೆಳ್ಳುಳ್ಳಿ ರಸ ಅರ್ಧ ಚಮಚ ಎರಡು ಮಿಶ್ರ ಮಾಡಿ ಮಗುವಿಗೆ ನೆಕ್ಕಿಸಬೇಕು.

ವಾಕರಿಕೆ, ವಾಂತಿ, ಉಬ್ಬಳಿಕೆ ನಿವಾರಣೆಗೆ:

ಜೇನು ತುಪ್ಪದಲ್ಲಿ ಅಳಲೆಕಾಯಿಯ ನುಣ್ಣನೆ ಚೂರ್ಣವನ್ನು ಕಲಿಸಿ ನೆಕ್ಕಿಸುತ್ತಿದ್ದರೆ ವಾಕರಿಕೆ, ವಾಂತಿ ನಿವಾರಣೆಯಾಗುವುದು.

ಚರ್ಮದ ಸುಕ್ಕು, ಮುಖ,ಮೈ-ಕೈಗಳ ಸುಕ್ಕು ನಿವಾರಣೆಗೆ:

ಒಂದು ಚಮಚ ಜೇನು ತುಪ್ಪದಲ್ಲಿ ಕ್ಯಾರಟ್ ಇಲ್ಲವೇ ಸೌತೆಕಾಯಿ ರಸ ನಾಲ್ಕೈದು ಚಮಚದಲ್ಲಿ ಮಿಶ್ರ ಮಾಡಿ ಸುಕ್ಕುಬಂದಿರುವ ಭಾಗಗಳಿಗೆಲ್ಲ ಲೇಪನ ಮಾಡಿ ಒಂದೆರಡು ಗಂಟೆಗಳ ನಂತರ ಬಿಸಿ ನೀರಿನಲ್ಲಿ ತೊಳೆದುಕೊಳ್ಳಬೇಕು.

ಮೊಡವೆ, ಪ್ರಯಾಯದ ಬೊಕ್ಕೆ, ಚಿಬ್ಬು, ಕಲೆಗಳ ನಿವಾರಣೆಗೆ:

ಬೆಳಿಗ್ಗೆ ಮುಂಚಿತವಾಗಿ ಎದ್ದು ಅರ್ಧ ಚಮಚ ಜೇನುತುಪ್ಪವನ್ನು ಒಂದು ನಿಂಬೆಹಣ್ಣಿನ ರಸದಲ್ಲಿ ಚೆನ್ನಾಗಿ ಮಸೆದು ಮೊಡವೆ,ಬೊಕ್ಕೆ,ಚಿಬ್ಬು ಮುಂತಾದ ಕಲೆಗಳಿಗೆ ದಪ್ಪನಾಗಿ ಲೇಪಿಸಿಕೊಂಡು ೨-೩ ಗಂಟೆಗಳ ನಂತರ ಬಿಸಿನೀರಿನಿಂದ ತೊಳೆದುಕೊಳ್ಳಬೇಕು.

ಹೊಟ್ಟೆ ಹುಣ್ಣು, ಅಲ್ಸರಗೆ:

ಎರಡು ಚಮಚ ಜೇನು ತುಪ್ಪಕ್ಕೆ ಒಂದು ಪೂರಾ ನಿಂಬೆಹಣ್ಣಿನ ರಸ / ಕಿತ್ತಳೆ ಹಣ್ಣಿನ ರಸ/ ಮೋಸಂಬಿ ಹಣ್ಣಿನ ರಸ ಬೆರೆಸಿ ಚೆನ್ನಾಗಿ ಕಲಕಿ ದಿನದಲ್ಲಿ ಮೂರುಬಾರಿ ಊಟಕ್ಕೆ ಮುಂಚೆ ಕುಡಿಯುತ್ತಾ ಬಂದರೆ ಹೊಟ್ಟೆ ಹುಣ್ಣು ತಾನಾಗಿಯೇ ಕರಗಿ ಹೋಗುವುದು.

ಅನೀಮಿಯಾ, ರಕ್ತಹೀನತೆಗೆ:

ಜೇನಿನಲ್ಲಿ ತಾಮ್ರ, ಕಬ್ಬಿಣ,ಮುಂತಾದ ಲೋಹಾಂಶಗಳಿದ್ದು ಕೆಂಪು ಕಣಗಳನ್ನು ವೃದ್ಧಿಗೊಳಿಸುವುದು.

ವೃದ್ದಾಪ್ಯ ತಡೆಗೆ:

ಒಂದು ಕಪ್ಪು ಬಿಸಿನೀರಿನಲ್ಲಿ ಒಂದು ಚಮಚ ಜೇನು ತುಪ್ಪವನ್ನು ಮಿಶ್ರಣಮಾಡಿ ಸ್ವಲ್ಪ ಬಿಸಿ ಇರುವಾಗಲೇ ಪ್ರತಿದಿನ ಬೆಳಿಗ್ಗೆ ಕುಡಿದಲ್ಲಿ ವೃದ್ಯಾಪದ ನಿತ್ರಾಣವನ್ನು ಹೋಗಲಾಡಿಸಿ ವೃದ್ದಾಪ್ಯವನ್ನು ಮುಂದೂಡುವುದು.

ನಿದ್ರಾಹೀನತೆಗೆ:

ಒಂದು ಚಮಚ ಜೇನಿನಲ್ಲಿ, ನುಣ್ಣಗೆ ಪುಡಿ ಮಾಡಿ ಮಾಡಿದ ಸಬ್ಬಸಿಗೆ ಬೀಜದ ಚೂರ್ಣವನ್ನು ಒಂದು ಚುಟುಕಿಯಷ್ಟು, ಒಂದು ಅರ್ಧ ಕಪ್ಪು ನೀರಿನಲ್ಲಿ ಮಿಶ್ರ ಮಾಡಿ ಮಲಗುವುದಕ್ಕಿಂತ ಮುಂಚೆ ಕುಡಿದಲ್ಲಿ ನಿದ್ರೆ ಬರುವುದು.

ಕೇಶವೃದ್ಧಿಗೆ ಕೂದಲು ಸೊಂಪಾಗಿ ಬೆಳೆಯಲು:

ಶುದ್ಧವಾದ ಜೇನನ್ನು ಆಲ್ಕೋಹಾಲ್ ನೊಂದಿಗೆ, ಬೇಕಾಗುವಷ್ಟು ಚೆನ್ನಾಗಿ ಕಲಿಕಿ ಮಿಶ್ರ ಮಾಡಿ ನೆತ್ತಿ, ಕೂದಲುಗಳ ಬುಡಕ್ಕೆ ಹಚ್ಚಿ ೨-೩ ಗಂಟೆಗಳ ನಂತರ ಬಿಸಿ ನೀರಿನಲ್ಲಿ ತೊಳೆದುಕೊಳ್ಳಬೇಕು.ಕೂದಲು ಪ್ರಫುಲ್ಲವಾಗಿ, ಉದ್ದವಾಗಿ ಬೆಳೆಯುತ್ತದೆ.

ಸ್ತೂಲಕಾಯ ನಿವಾರಣೆಗೆ:

ಎರಡು ಚಮಚ ಜೇನುತುಪ್ಪ, ನಿಂಬೆ ಹಣ್ಣಿನ ರಸ ಎರಡು ಚಮಚವನ್ನು ಒಂದು ಗ್ಲಾಸ್ ಬಿಸಿ ನೀರಿನಲ್ಲಿ ಮಿಶ್ರ ಮಾಡಿ ಬೆಳಿಗ್ಗೆ ಎದ್ದ ಕೂಡಲೇ ಬರಿ ಹೊಟ್ಟೆಯಲ್ಲಿ ಸತತ ಮೂರು ತಿಂಗಳುಗಳ ಕಾಲ ಸೇವಿಸಿದರೆ ದೇಹದ ಕೊಬ್ಬು ಕರಗಿ ಸ್ತೂಲ ಕಾಯ ನಿವಾರಣೆಯಾಗುತ್ತದೆ..