ದೋಸೆಯ ಕ್ಯಾಪಿಟಲ್ ಸಿಟಿ ಎಂದು ಪ್ರಸಿದ್ದಿ ಪಡೆದಿರುವ ಬೆಂಗಳೂರಿನಲ್ಲಿ ದೋಸೆ ಸಿಗುವ 20 ಸೂಪರ್ ಜಾಗಗಳು ಇಲ್ಲಿವೆ ನೋಡಿ..

0
1196

ಬೆಂಗಳೂರಲ್ಲಿ ದೋಸೆ ತಿನ್ನಬೇಕಾದರೆ ಇಲ್ಲಿಗೆ ಹೋಗಿ.

ಬೆಂಗಳೂರು ಯಾವುದಕ್ಕೆ ಹೆಸರು ವಾಸಿಯಾಗಿದೆ ಗೊತ್ತಿಲ್ಲ, ಆದ್ರೆ ದೋಸೆಗೆ ಮಾತ್ರ ಕ್ಯಾಪಿಟಲ್ ಸಿಟಿ ಅಂತ ಹೆಸರು ಪಡೆದಿದೆ. ಈ ರಾಜಧಾನಿಯಲ್ಲಿ ಸಿಗುವ ಗರಿಗರಿಯಾದ ಗೋಲ್ಡ್ ಕಲರ್ ದೋಸೆ ಸವಿಯುವುದೇ ಒಂದು ರೋಚಕ ಎನ್ನಬಹುದು. ಇಂತಹ ದೊಡ್ಡ ನಗರಕ್ಕೆ ಬಂದು ದೋಸೆ ತಿನ್ನದೇ ಯಾರ್ ಹೋಗ್ತಾರೆ ಹೇಳಿ? ಹಾಗಾದ್ರೆ ಇಷ್ಟೊಂದು ಪ್ರಶಿದ್ದವಾದ ರುಚಿರುಚಿಯಾದ ದೋಸೆಗಳು ಸಿಗುವ ಸ್ಥಳಗಳು ಇಲ್ಲಿವೆ ನೋಡಿ.

Also read: ಈ ಹೋಟೆಲ್-ನ ದೋಸೆಗೆ ಎಷ್ಟು ಬೇಡಿಕೆ ಇರುತ್ತೆ ಅಂದ್ರೆ, ಘಂಟೆಗಟ್ಟಲೆ ಕಾದ್ರೂನು ಸಿಗೋದು ಕೇವಲ Half-ದೋಸೆ!!

20 ಸೂಪರ್ ಅಡ್ಡಾಗಳು

1. 99 ವೆರೈಟೀಸ್ – ಕೋರಮಂಗಲ/ಇಂದಿರಾನಗರ.
ಹೆಸರೇ ಹೇಳುತ್ತೆ – ಬೇರೆಬೇರೆ ತರ ದೋಸೆಗಳ್ನ ಮಾಡ್ತಾರೆ. ಮೂರು ತರ ಚಟ್ನಿ ಕೊಡ್ತಾರೆ. ದೋಸೆ ಜೊತೆಗೆ ನೂಡಲ್ಸ್, ಪನೀರ್, ಪಾವ್ ಭಾಜಿ… ಎಲ್ಲಾ ಸಿಗುತ್ತೆ.!

2. ಸ್ಕಂದ ದೋಸೆ ಕ್ಯಾಂಪ್ – ಕೇಂಬ್ರಿಡ್ಜ್ ಲೇಔಟ್
ಇಂದಿರಾನಗರ ಮತ್ತು ಸುತ್ತಮುತ್ತಲಲ್ಲಿ ಇಲ್ಲಿಗಿಂತ ಚೆನ್ನಾಗಿ ದೋಸೆ ಸಿಗಲ್ಲ ಅನ್ನಬಹುದು! ಕೇಂಬ್ರಿಡ್ಜ್ ರೋಡಲ್ಲಿ ಸಾಯಿ ಬಾಬಾ ದೇವಸ್ಥಾನದ ಪಕ್ಕ ಇದೆ. ಇಲ್ಲಿಯ ತುಪ್ಪದ ದೋಸೆ / ಸಾದಾ ದೋಸೆ ಒಮ್ಮೆ ತಿಂದರೆ ಸಾಕು, ಇನ್ನೂ ಬೇಕು ಇನ್ನೂ ಬೇಕು ಅಂತೀರಿ!

3. ಜನತಾ ಹೋಟೆಲ್ – ಮಲ್ಲೇಶ್ವರ.
ಮಲ್ಲೇಶ್ವರದ ಗಲ್ಲಿಗಳಲ್ಲಿ ಹುಡುಕಿಕೊಂಡು ಹೋಗಬೇಕು ನೀವು ಈ ಹಳೇ ಹೋಟೆಲ್ನ. ಇಲ್ಲೀ ದೋಸೆ ಜತೆಗೆ ಒಂದು ಸೂಪರ್ ಫಿಲ್ಟರ್ ಕಾಫಿ ಕುಡಿದರೆ ಸ್ವರ್ಗ!

4. ಸಿದ್ದಪ್ಪ ಹೋಟೆಲ್ – ಸಂಪಂಗಿರಾಮ ನಗರ
ಬಾಳೆಲೆ ಮೇಲೆ ತುಪ್ಪದ ದೋಸೆ ಅಂದ್ರೆ ಇಲ್ಲೀಗೆ ಬರಬೇಕು! ಇಲ್ಲಿ ಇದನ್ನ ಬಿಟ್ಟರೆ ಇಡ್ಲಿ ಮತ್ತೆ ರೈಸ್ ಬಾತ್ ಮಾತ್ರ ಸಿಗೋದು.

5. ಶ್ರೀ ಸಾಗರ್ – ಮಲ್ಲೇಶ್ವರ
ಈ ಹೋಟೆಲ್ನ ಮೊದಲು CTR ಅಂತಾ ಇದ್ರು. ಬೆಂಗಳೂರಲ್ಲಿ ಪ್ರಾಯಶಃ ಇಲ್ಲಿಗಿಂತ ಗರಿಗರಿ ದೋಸೆ ಇನ್ನೆಲ್ಲೂ ಸಿಗೋದಿಲ್ಲವೇನೋ! ಇವರ ಬೆಣ್ಣೆ ಮಸಾಲೆ ದೋಸೆಗೆ 40 ರೂ, ಅಷ್ಟೆ. ಒಂದೆರಡಾದರೂ ಬಾರಿಸಬಹುದು

6. ಕೊನಾರ್ಕ್ – ರೆಸಿಡೆನ್ಸಿ ರಸ್ತೆ
ಇದೂ ಬೆಂಗಳೂರಿನ ಹಳೇ ಹೋಟೆಲ್ಗಳಲ್ಲಿ ಒಂದು. ಇಲ್ಲೂ ಹಲವು ಬಗೆಯ ದೋಸೆ ಸಿಗುತ್ತೆ. ಇವರ ಚೀಸ್ ದೋಸೆ ಒಮ್ಮೆ ಟ್ರೈ ಮಾಡಿ ನೋಡಿ!

7. ಮಾವಳ್ಳಿ ಟಿಫಿನ್ ರೂಂ – ಲಾಲ್ಬಾಗ್
MTR ಮಸಾಲೆ ದೋಸೆ ಅಂದ್ರೆ ಕೇಳಬೇಕಾ? ಇಡೀ ಪ್ರಪಂಚದಲ್ಲೇ ವರ್ಲ್ಡ್ ಫೇಮಸ್ಸು… ಇವರ ಚಟ್ನೀನೂ ಅಷ್ಟೇ!

8. ಅಡಿಗಾಸ್ – ಬೆಂಗಳೂರಲ್ಲಿ ಎಲ್ಲಾ ಕಡೆ ಇದೆ
ಇವರ ದೋಸೆ ಎಷ್ಟು ಗರಿಗರಿ ಇರುತ್ತೆ ಅಂದರೆ ನಂಬಕ್ಕಾಗಲ್ಲ! ಚಟ್ನಿ + ಸಾಂಬರ್ ಎರಡೂ ಸೇರಿಸಿ ಬಾರಿಸಿ!

9. ರಾಮು ಟಿಫನ್ ಸೆಂಟರ್ – ವಿವಿ ಪುರಂ
ವಿವಿಪುರಂ ನಲ್ಲಿ ತಿಂಡಿಪೋತರ ಬೀದಿ ಅಂತಾನೇ ಒಂದಿದೆ! ಅದರಲ್ಲಿ ರಾಮು ಟಿಫನ್ ಸೆಂಟರ್ ದೋಸೆ ಅಂದ್ರೆ ಬೆಂಗಳೂರಲ್ಲೇ ವರ್ಲ್ಡ್ ಫೇಮಸ್ಸು. ಬಿಡಬೇಡಿ, ಜಮಾಯಿಸಿ!

10. ಸ್ಟ್ರೀಟ್ ಫುಡ್ – ಜುವೆಲರ್ಸ್ ಸ್ಟ್ರೀಟ್
ಈ ಹೋಟೆಲ್ನ ವಯಸ್ಸಾದ ಗಂಡ-ಹೆಂಡತಿ ನಡೆಸ್ತಾರೆ… ಕರ್ಮಶ್ರಿಯಲ್ ಸ್ಟ್ರೀಟಲ್ಲಿ ಇಲ್ಲಿಗಿಂತ ಒಳ್ಳೆ ದೋಸೆ ಸಿಗೋದು ಕಷ್ಟ ಅನ್ನಬಹುದು! ದುಡ್ಡೂ ಅಂತ ಜಾಸ್ತಿ ಇಲ್ಲ. ಶಾಪಿಂಗ್ ಮಾಡಿ ಹೊಟ್ಟೆ ಹಸಿದರೆ ನೆನಪಿಸಿಕೊಳ್ಳಿ.

11. ಎಸ್.ಎಲ್.ವಿ. ರಿಫ್ರೆಷ್ಮೆಂಟ್ಸ್ – ಬನಶಂಕರಿ
ಇಲ್ಲೀ ಮಸಾಲೆ ದೋಸೆ ತಿನ್ನಕ್ಕೆ ದಿನಾ ಬೆಳಗ್ಗೆ ದೊಡ್ಡ ಕ್ಯೂ! ಇವರ ದೋಸೆ ಒಳಗಿನ ಮಸಾಲೆ ಒಂತರಾ ಸ್ಪೆಶಲ್ಲು. ದೋಸೆ ಇಷ್ಟ ಪಡೋರು ತಿನ್ನಲೇಬೇಕು…

12. ದಾವಣೆರೆ ಬೆಣ್ಣೆ ದೋಸೆ – ಬಸವೇಶ್ವರನಗರ
ಬೆಣ್ಣೆ ದೋಸೆ ತಿನ್ನಕ್ಕೆ ದಾವಣಗೆರೆಗೆ ಹೋಗಬೇಕಾಗಿಲ್ಲ… ಇಲ್ಲಿ ತಿಂದರೆ ಅದೇ ಸ್ವರ್ಗಕ್ಕೆ ಡೈರೆಕ್ಟು! ಬೆಣ್ಣೆ ದೋಸೆಯ ರುಚಿಯನ್ನ ಗಗನಕ್ಕೇರಿಸುತ್ತೆ!

13. ಮೈಸೂರು ಮೈಲಾರಿ ಹೋಟೆಲ್ – ಗಾಂಧಿ ಬಜ಼ಾರ್
ಮೈಸೂರಿನ ಹೋಟೆಲ್ ತರಾನೇ ಇಲ್ಲೂ ಸಾಗು ಮಸಾಲೆ ಸಕ್ಕತ್ ಫೇಮಸ್!

14. ಮಯ್ಯಾಸ್ – ಜಯನಗರ
ತುಂಬ ಜನ ಇರ್ತಾರೆ, ಆದರೆ ಅದಕ್ಕೆ ಕಾರಣ ಇದೆಯಲ್ಲ…?! ಜಯನಗರ ಮತ್ತು ಸುತ್ತಮುತ್ತಲಲ್ಲಿ ಇವರ ದೋಸೆ ಮೀರಿಸೋರಿಲ್ಲ!

15. ಏರ್ಲೈನ್ಸ್ ಹೋಟೆಲ್ – ಲಾವೆಲೆ ರೋಡ್
ಮರದ ಕೆಳಗೆ ಕೂತು ಚಿಂದಿ ದೋಸೆ ತಿನ್ನಬೇಕಾ? ಜೊತೆಗೆ ಒಂದು ಫಿಲ್ಟರ್ ಕಾಫಿ ಸೇರಿಸಿಕೊಂಡುಬಿಟ್ಟರೆ ನಿಮ್ಮ ಸಂಜೆ ಸಾರ್ಥಕ!

16. ಇಂಡಿಯಾ ಕಾಫಿ ಹೌಸ್ – ಚರ್ಚ್ ಸ್ಟ್ರೀಟ್
ಬೆಂಗಳೂರಿನ ಹಳೇ ಹೋಟೆಲ್ಗಳಲ್ಲಿ ಒಂದಿದು. ಬಿಳೀ ತಟ್ಟೆಗಳ ಮೇಲೆ ಸೂಪರ್ ಪ್ಲೇನ್ ದೋಸೆ ಕೊಡ್ತಾರೆ, ಜೊತೆಗೆ ಇವರ ಕಾಫಿ ಕುಡಿದ್ರೆ ಸ್ವರ್ಗಕ್ಕೆ ಒಂದೇ ಗೇಣು!

17. ಶ್ರೀ ಕೃಷ್ಣ ಕೆಫೆ – ಕೋರಮಂಗಲ
ಪುದೀನಾ ದೋಸೆ ಎಲ್ಲಾರೂ ಕೇಳಿದೀರಾ? ಇಲ್ಲಿ ತಿನ್ನಬೇಕು! ಜೊತೆಗೆ ಇವರ ಚಟ್ನೀನೂ ಸೂಪರ್.

18. ಇಂದ್ರಪ್ರಸ್ಥ – ವಿಜಯನಗರ
ವಿಜಯನಗರ ಮತ್ತು ಸುತ್ತಮುತ್ತಲಲ್ಲಿ ಇದು ದೋಸೆಯ ದೇವಸ್ಥಾನ ಇದ್ದಂಗೆ. ಸೆಟ್ ದೋಸೆಗೆ ಫೇಮಸ್. ಹಾಗು ಇತರೆ ಎಲ್ಲ ತರದ ತಿಂಡಿಗಳು ಸಿಗುತ್ತೆ.

19. ಶಿವ ಸಾಗರ್ – ಕಮರ್ಶಿಯಲ್ ಸ್ಟ್ರೀಟ್
ಪೇಪರ್ ದೋಸೆ ಅಂದ್ರೆ ಇಲ್ಲೀದು. ಎಷ್ಟೊಂದು ಉದ್ದವಾಗಿ ಗರಿಗರಿಯಾಗಿರುತ್ತೆ.

20. ವಿದ್ಯಾರ್ಥಿ ಭವನ – ಬಸವನಗುಡಿ.
1938ರಿಂದ ಈ ಹೋಟೆಲು ಅದೇನು ಮ್ಯಾಜಿಕ್ ಮಾಡ್ತಿದೆ ಅಂತ ಗೊತ್ತಾಗೋದೇ ಕಷ್ಟ! ಅವರ ದೋಸೆ ಎಷ್ಟು ಗರಿಗರಿ ಅಂದ್ರೆ… ನಂಬಕ್ಕಾಗಲ್ಲ! ಬರೀ ತುಪ್ಪದಲ್ಲಿ ಮಾಡಿರ್ತಾರೆ. ಬಂದು ಬಂದು ಚಟ್ನಿ ಬಡಿಸ್ತಾರೆ…