ವಿಶ್ವ ಪ್ರಳಯಕ್ಕೆ ಆಧಾರವೆಂಬಂತೆ ಒಂದು ಆಧಾರವೂ ಇದೀಗ ಲಭ್ಯವಾಗಿದೆ. ಅದೇ `ಅಘೋರೇಶ್ವರ ದೇವಾಲಯದಲ್ಲಿರುವ ಹಲ್ಲಿಗಳು…’

0
3453

ಶಿವಮೊಗ್ಗ ಜಿಲ್ಲೆಯ ಸಾಗರ ತಾಲೂಕಿನ ಇಕ್ಕೇರಿಯಲ್ಲಿರುವ ಅಘೋರೇಶ್ವರ ದೇವಸ್ಥಾನವು ಶಿವನಿಗೆ ಮುಡಿಪಾದ ಒಂದು ಪುರಾತನ ಭವ್ಯ ದೇವಾಲಯವಾಗಿದೆ. ದೇವಾಲಯದ ಎರೆಡೂ ಬದಿಗಳಲ್ಲಿ ಕೆರೆಗಳಿದ್ದು, ಅವುಗಳಿಂದಲೇ ಈ ಊರಿಗೆ ಇಕ್ಕೇರಿ (ಎರೆಡು + ಕೆರೆ = ಇಕ್ಕೆರೆ) ಎಂಬ ಹೆಸರು ಬಂದಿದೆ ಎಂಬ ಊಹೆ ಇದೆ. ಪ್ರಸ್ತುತ ಭಾರತೀಯ ಪುರಾತತ್ವ ಇಲಾಖೆಯಿಂದ ನಿರ್ವಹಿಸಲ್ಪಡುತ್ತಿರುವ ಈ ದೇವಸ್ಥಾನವು ವಿಜಯನಗರ ಹಾಗು ದ್ರಾವಿಡ ಶೈಲಿಯ ಆಕರ್ಷಕ ಶಿಲ್ಪ ಕಲೆಯಿಂದ ಕಂಗೊಳಿಸುತ್ತದೆ. ಈ ದೇವಾಲಯವನ್ನು ಸಂಪೂರ್ಣವಾಗಿ ಗ್ರಾನೈಟ್ ಕಲ್ಲುಗಳನ್ನು ಬಳಸಿ ಕಟ್ಟಲಾಗಿದೆ. ಕೆಳದಿ ಅರಸರ ಆಳ್ವಿಕೆಯ ಕಾಲದಲ್ಲಿ ಇದನ್ನು ಹೊಂಬುಚದ ವೆಂಕಟಯ್ಯ ಎಂಬ ಶಿಲ್ಪಿ ಕಟ್ಟಿದನೆಂದು ದೇಗುಲದಲ್ಲಿನ ಕಲ್ಲಿನ ಹಳೆಗನ್ನಡದ ಬರಹವೊಂದು ಹೇಳುತ್ತದೆ.

ಈ ದೇವಾಲಯದ ಕಲ್ಲಿನ ಗೋಡೆಗಳು ಸಂಕೀರ್ಣ ಕೆತ್ತನೆಗಳು, ವಿಗ್ರಹಗಳು, ಎರೊಟಿಕ್, ದೇವಾಲಯದ ಮಾದರಿ, ಆನೆಗಳ ಹಾಗೂ ಹಳೆಯ ಕನ್ನಡ ಹಸ್ತ ಪ್ರತಿಗಳ ಕೆತ್ತನೆಗಳಿಂದ ಕಂಗೊಳಿಸುತ್ತಿದೆ. ದೇವಾಲಯದ ಪಶ್ಚಿಮ, ಪೂರ್ವ ಹಾಗೂ ಉತ್ತರದ ದಿಕ್ಕುಗಳಲ್ಲಿ ಅಲಂಕೃತ ಬಾಗಿಲುಗಳಿವೆ. ಅಲ್ಲದೇ ದೇವಾಲಯದ ಉತ್ತರ ದ್ವಾರದಲ್ಲಿ ಎರಡು ಆನೆಗಳ ಪ್ರತಿಮೆಗಳನ್ನು ಕಾಣಬಹುದು.

ಮಹಾಶಿವನಿಗೆ ಸಮರ್ಪಿತವಾದ ಅಥವಾ ಮುಡಿಪಾದ ದೇವಾಲಯಗಳು ಸಾವಿರಾರು ಸಂಖ್ಯೆಯಲ್ಲಿವೆ. ಇತರೆ ದೇವರುಗಳ ದೇವಾಲಯಗಳಿಗೆ ಹೋಲಿಸಿದಾಗ ಶಿವನಿಗೆ ಸಮರ್ಪಿತವಾದ ದೇವಾಲಯಗಳು ಒಂದು ರೀತಿಯಾಗಿ ವಿಶೀಷ್ಟವಾಗಿರುತ್ತವೆ. ಈ ದೇವಾಲಯವು ಒಂದು ವಿಶಿಷ್ಟತೆಯನ್ನು ಹೊಂದಿದೆ. ಈ ಅಘೋರೇಶ್ವರ ದೇವಾಲಯ ಅತ್ಯಂತ ಪುರಾತನವಾದ ದೇಗುಲ. ಶಿಲ್ಪಕಲಾ ವೈವಿಧ್ಯತೆಗಳನ್ನೊಳಗೊಂಡ ಈ ದೇಗುಲ `ವಿಶ್ವ ಪ್ರಳಯ’ದ ಸುದ್ದಿಯನ್ನು ಹೇಳುತ್ತಿದೆ. ಅದೇನೆಂದರೆ, ಇಲ್ಲಿನ ದೇವಸ್ಥಾನದಲ್ಲಿ ಒಂದು ಗೆರೆಯಿಂದ ಬೇರ್ಪಟ್ಟಿರುವ ಎರಡು ಹಲ್ಲಿಗಳನ್ನು ಜೊತೆಗೆ ಒಂದು ಚೇಳನ್ನೂ ಕೆತ್ತಲಾಗಿದ್ದು ಆ ಹಲ್ಲಿಗಳು ಒಂದಕ್ಕೊಂದು ಮುಟ್ಟಿದಾಗ ಪ್ರಳಯವಾಗುತ್ತದೆ, ಆದರೆ ಅಲ್ಲಿರುವ ಚೇಳು ಅವನ್ನು ತಡೆಯುತ್ತದೆ ಎಂಬ ಐತಿಹ್ಯವಿದೆ. ಇದು ಊಹಾಪೋಹ ಕಟ್ಟು ಕತೆ ಎಂದು ಹೀಗಳೆಯಬೇಡಿ. ಈ ಹಲ್ಲಿಗಳು ಪರಸ್ಪರ ಸನಿಹವಾಗುತ್ತಿವೆ ಎಂಬುದಕ್ಕೆ ಮೊದಲಿನಿಂದಲೂ ಇದನ್ನು ಗಮನಿಸುತ್ತಿದ್ದ ಬಂದಿರು ಅನೇಕ ಮಂದಿ ಸಾಕ್ಷಿಯಾಗಿದ್ದಾರೆ.