ನಿತ್ಯ ಭವಿಷ್ಯ ಸೆಪ್ಟೆಂಬರ್ 13, 2017 (ಬುಧವಾರ)

0
524

ಸೆಪ್ಟೆಂಬರ್ 13, 2017 (ಬುಧವಾರ)
ಪಂಚಾಂಗ: ಹೇವಿಳಂಬಿನಾಮ ಸಂವತ್ಸರ
ದಕ್ಷಿಣಾಯನ ಪುಣ್ಯಕಾಲ,
ವರ್ಷಋತು, ಭಾದ್ರಪದ ಮಾಸ,
ಕೃಷ್ಣ ಪಕ್ಷ, ಅಷ್ಟಮಿ ತಿಥಿ,
ರೋಹಿಣಿ ನಕ್ಷತ್ರ,

ಮೇಷ

01-Mesha

ನಿಮ್ಮ ದೌರ್ಬಲ್ಯಗಳ ಉಪಯೋಗವನ್ನು ಅನ್ಯರು ಮಾಡಿಕೊಳ್ಳುವರು. ಹಾಗಾಗಿ ನಿಮ್ಮ ಸ್ವಂತ ವಿಷಯಗಳನ್ನು ಎಲ್ಲರ ಮುಂದೆ ಪ್ರಸ್ತಾಪ ಮಾಡುವುದು ಸರಿಯಲ್ಲ. ಹೊಸತನವೇ ಬದುಕಿನ ಯಶಸ್ಸಿನ ಮಂತ್ರ. ಇದರಿಂದ ನಿಮಗೆ ಲಾಭವಾಗುವುದು.

ವೃಷಭ

02-Vrishabha

ನಿತ್ಯದ ರಗಳೆಗಳ ನಡುವೆ ಬಹುದಿನಗಳ ಕನಸು ನನಸಾಗಲಿದೆ. ದಿನದ ವೇಳಾಪಟ್ಟಿಯಲ್ಲಿ ಸಕಾರಾತ್ಮಕ ಅಂಶಗಳನ್ನು ಗುರುತು ಮಾಡಿಕೊಳ್ಳಿರಿ. ಸಂಗಾತಿಯ ಸಕಾಲದ ಮುನ್ನೆಚ್ಚರಿಕೆಯಿಂದ ಮನೆಯಲ್ಲಿ ಸಂತಸ ವಾತಾವರಣ ಮೂಡುವುದು.

ಮಿಥುನ

03-Mithuna

ದುಡ್ಡಿದ್ದವನೇ ದೊಡ್ಡಪ್ಪ ಎನ್ನುವ ಹಳೆಯ ಗಾದೆ ಮಾತು. ಆದರೆ ಇತ್ತೀಚಿನ ದಿನದಲ್ಲಿ ಡೆಬಿಟ್‌ ಮತ್ತು ಕ್ರೆಡಿಟ್‌ ಕಾರ್ಡ್‌ ಉಪಯೋಗಿಸುವವನೇ ಸಭ್ಯ ನಾಗರಿಕ ಎಂಬ ಚಾಲನೆ ಪ್ರಚಲಿತವಿದೆ. ನಿಮ್ಮ ಬುದ್ಧಿಮತ್ತೆಯು ಈ ದಿಶೆಯಲ್ಲಿ ಯೋಚಿಸುತ್ತದೆ.

ಕಟಕ

04-Kataka

ಅವಸರವೇ ಇಂದು ನಿಮ್ಮನ್ನು ಬಾಧಿಸುತ್ತದೆ. ಆಲಸ್ಯ ಬೇಡ. ಆಲಸ್ಯಂ ಅಮೃತಂ ವಿಷಂ ಎನ್ನುವಂತೆ ಆಲಸ್ಯತನವು ಮನಸ್ಸಿಗೆ ಮುದ ನೀಡಿದರೂ ಅದು ನಿಮಗೆ ವಿಷವಾಗಿ ಪರಿಣಮಿಸುವ ಸಾಧ್ಯತೆ ಇರುತ್ತದೆ.

ಸಿಂಹ

05-Simha

ಸ್ವಕೀಯ ಜನರಿಂದಲೇ ಟೀಕೆ-ಟಿಪ್ಪಣಿಗಳು ಎದುರಾಗುವುದರಿಂದ ಮನಸ್ಸಿಗೆ ನೋವಾಗುವುದು. ಇದರಿಂದ ಯಾವುದೇ ಕೆಲಸ ಮಾಡಲು ಮನಸ್ಸು ಬರುವುದಿಲ್ಲ. ಅವರ ಟೀಕೆ ಧನಾತ್ಮಕವಾಗಿದ್ದರೆ ಅದನ್ನು ಒಪ್ಪಿಕೊಳ್ಳುವ ಜಾಣ್ಮೆ ತೋರಿರಿ.

ಕನ್ಯಾ

06-Kanya

ಈ ದಿನ ನಿಮಗೆ ಕೀರ್ತಿಯು ಅರಸಿ ಬರುವುದು. ನಿಮ್ಮನ್ನು ಅಣಕಿಸಿದವರೆ ನಿಮ್ಮ ಬಳಿ ಬಂದು ಕ್ಷ ಮೆ ಯಾಚಿಸುವ ಸಂದರ್ಭ ಒದಗಿ ಬರುತ್ತದೆ. ಅಂಗಾಲು ಉರಿಯು ಜಾಸ್ತಿ ಇದ್ದು ಮನೆ ವೈದ್ಯರನ್ನು ಸಂಪರ್ಕಿಸಿ ಚಿಕಿತ್ಸೆ ಪಡೆಯಿರಿ.

ತುಲಾ

07-Tula

ಆರ್ಥಿಕ ಸ್ಥಿತಿಯಲ್ಲಿ ಚೇತರಿಕೆ ಕಂಡುಬರುವುದು. ಹಾಗಂತ ನಿರಾಳರಾಗದಿರಿ. ದಾರಿಯಲ್ಲಿನ ಏರು-ತಗ್ಗುಗಳನ್ನು ಸರಿಪಡಿಸುವತ್ತ ಶ್ರಮ ವಹಿಸಿ. ಅರ್ಥಾತ್‌ ತುರ್ತಾಗಿ ಪಾವತಿಸಬೇಕಾದ ಸಾಲದ ಮರುಪಾವತಿ ಮಾಡಿರಿ ಒಳಿತಾಗುವುದು.

ವೃಶ್ಚಿಕ

08-Vrishika

ಕುಟುಂಬದಲ್ಲಿ ಗಣನೀಯವಾದ ಶುಭ ಶೋಭನಾದಿ ಘಳಿಗೆಗಳಿಗೆ ಸುಮೂರ್ತ ಕಂಡು ಬರುವುದು. ಈ ದಿನ ಮಹತ್ವದ ನಿರ್ಣಯವನ್ನು ತೆಗೆದುಕೊಳ್ಳುವಿರಿ. ಇದರಿಂದ ನಿಮ್ಮ ಕುಟುಂಬದ ಸದಸ್ಯರು ಹರ್ಷಚಿತ್ತರಾಗುವರು.

ಧನು

09-Dhanussu

ಸಂಕಟ ಬಂದಾಗ ವೆಂಕಟರಮಣ ಎನ್ನುವಂತೆ ಈ ದಿನ ಗ್ರಹಸ್ಥಿತಿಯು ನಿಮಗೆ ಪೂರಕವಾಗಿಲ್ಲದ ಕಾರಣ ಗೋವಿಂದನ ಮೊರೆ ಹೋಗುವುದು ಅನಿವಾರ್ಯ. ಭಗವಂತ ನೇರವಾಗಿ ಬಂದು ದರ್ಶನ ನೀಡದೆ ಇರಬಹುದು. ಆದರೆ ಸೂಕ್ತ ವ್ಯಕ್ತಿಯನ್ನು ಸೂಚಿಸುವನು.

ಮಕರ

10-Makara

ಸಾಧನೆಗೆ ಸಾಧ್ಯತೆಗಳು ಹೇರಳವಾಗಿರುತ್ತದೆ. ಯಾವುದೆ ಕಾರಣಕ್ಕೂ ಜಡತ್ವ ಬೇಡ. ಬಾಳಸಂಗಾತಿಯ ವಿಶ್ವಾಸ ಪಡೆದು ಆಕೆಯ ಇಷ್ಟಾ-ನಿಷ್ಟಗಳನ್ನು ತಿಳಿದು ಅವಳನ್ನು ಸಂತೋಷ ಪಡಿಸಿರಿ. ಆರ್ಥಿಕ ಸ್ಥಿತಿ ಉತ್ತಮವಾಗಿರುತ್ತದೆ.

ಕುಂಭ

11-Kumbha

ಅಲೌಕಿಕ ವಿಷಯವೊಂದರ ಬೆನ್ನು ಹಿಡಿಯುವ ನಿಮಗೆ ಇಂದು ಸಾಕ್ಷಾತ್ಕಾರವಾಗುವ ಸಾಧ್ಯತೆಯಿದೆ. ದೇವಿ ದುರ್ಗಾಮಾತೆಯು ನಿಮ್ಮ ಮನಸ್ಸಿನ ತಾಕಲಾಟಕ್ಕೆ ಶೀಘ್ರ ಪರಿಹಾರ ಸೂಚಿಸುವರು. ಹಾಗಾಗಿ ಈ ದಿನ ದುರ್ಗಾ ದೇವಿಯನ್ನು ಸ್ತುತಿಸಿರಿ.

ಮೀನ

12-Meena

ಮನಸ್ಸಿನ ಜಯವೇ ಎಲ್ಲಾ ಜಯದ ಮೂಲ. ಹಾಗಾಗಿ ಶ್ರೀ ಆಂಜನೇಯ ಸ್ತೋತ್ರ ಪಠಿಸಿ ಮನಸ್ಸಿನ ಕಲ್ಮಶಗಳನ್ನು ಹೊರಹಾಕಿರಿ. ಶ್ರೀರಾಮನ ದರ್ಶನವಾಗದಿದ್ದರೂ ಅಂತಹ ಗುಣಗಳಿರುವ ಸಾಧು-ಸಂತರ ದರ್ಶನವಾಗುವುದು.