ನಿತ್ಯ ಭವಿಷ್ಯ ಅಕ್ಟೋಬರ್ 1, 2017 (ಭಾನುವಾರ)

0
430

ಮೇಷ

01-Mesha

ಇಂದಿನ ವ್ಯಾಪಾರ, ವ್ಯವಹಾರದಲ್ಲಿ ಅಧಿಕ ಲಾಭಾಂಶ ಕಂಡುಬರುವುದು. ನಿಮ್ಮ ಕ್ರಿಯಾಶೀಲ ಮತ್ತು ಯೋಜನಾಬದ್ಧ ಪ್ರಾವೀಣ್ಯವು ನಿಮಗೆ ಗೌರವ ಆದರಗಳನ್ನು ತಂದು ಕೊಡುವುದು. ಹಿತಶತ್ರುಗಳ ಬಗ್ಗೆ ಎಚ್ಚರದಿಂದ ಇರಿ.

ವೃಷಭ

02-Vrishabha

ಮನೆಯ ವಿಚಾರಗಳಲ್ಲಿ ಕಾಳಜಿಯನ್ನು ವಹಿಸಲು ಮುಂದಾಗುವಿರಿ. ಇದು ನಿಮ್ಮ ಸಂಗಾತಿಯ ಹರ್ಷಕ್ಕೆ ಕಾರಣವಾಗುವುದು. ಅನೇಕ ದಿನಗಳಿಂದ ನಿಶ್ಚಯಿಸಿದ್ದ ಕಾರ‍್ಯಗಳಿಗೆ ಚಾಲನೆ ದೊರೆಯುವುದು.

ಮಿಥುನ

03-Mithuna

ಸ್ಟಾಕ್‌ ಮಾರ್ಕೆಟ್‌ನ ವ್ಯವಹಾರದಲ್ಲಿ ಹಣ ತೊಡಗಿಸುವುದರಿಂದ ಸದ್ಯಕ್ಕೆ ಅನುಕೂಲಕ್ಕಿಂತ ಅನನುಕೂಲವೇ ಹೆಚ್ಚಾಗುವುದು. ಎರಡು ಬಾರಿ ಯೋಚಿಸಿ ಹಣ ಹೂಡಿಕೆಯನ್ನು ಮಾಡಿರಿ. ಸದ್ಯದ ಪರಿಸ್ಥಿತಿಯಲ್ಲಿ ತಟಸ್ಥರಾಗಿರುವುದು ಒಳ್ಳೆಯದು.

ಕಟಕ

04-Kataka

ಕಿರು ಪರಿಚಯದೊಂದಿಗೆ ಬೆಳೆದ ಆತ್ಮೀಯತೆಯೇ ಪ್ರಣಯಕ್ಕೆ ತಿರುಗುವ ಸಂಭವ. ಆದರೆ ಈ ಪ್ರೇಮ ಪ್ರಕರಣವು ಹಿರಿಯರ ಒಪ್ಪಿಗೆ ಇಲ್ಲದೆ ಮುರಿದು ಬೀಳುವುದು. ಕುಲದೇವತಾ ಪ್ರಾರ್ಥನೆ ಮಾಡಿರಿ.

ಸಿಂಹ

05-Simha

ಉತ್ಸಾಹ ಹಾಗೂ ಸಮರ್ಪಕ ನಡೆ-ನುಡಿಗಳಿಂದಲೇ ಜನರನ್ನು ಆಕರ್ಷಿಸುವಿರಿ. ಪ್ರಶಂಸೆಗಳ ಸುರಿಮಳೆಯಾಗುವುದು. ಹಣಕಾಸಿನ ಪರಿಸ್ಥಿತಿ ಉತ್ತಮವಾಗಿರುತ್ತದೆ. ಕೌಟುಂಬಿಕ ಜೀವನದಲ್ಲಿ ಮಾನಸಿಕ ನೆಮ್ಮದಿ ದೊರೆಯುವುದು.

ಕನ್ಯಾ

06-Kanya

ನಿಮ್ಮ ವಿಚಾರಧಾರೆಗಳು ಇತರರ ಮೇಲೆ ಪರಿಣಾಮ ಬೀರುವುದು. ನಿಮ್ಮನ್ನು ವಿರೋಧಿಸುತ್ತಿದ್ದವರು ಇಂದು ನಿಮ್ಮ ನಿಲುವನ್ನು ಸಮರ್ಥಿಸುವರು. ವೈಜ್ಞಾನಿಕ ವಿಚಾರಗಳು ನಿಮ್ಮನ್ನು ಸಮಾಜದಲ್ಲಿ ಅತಿ ಎತ್ತರಕ್ಕೆ ನಿಲ್ಲಿಸುವವು.

ತುಲಾ

07-Tula

ಕುಟುಂಬಕ್ಕೆ ಸಂಬಂಧಿಸಿದ ಆಸ್ತಿಯ ವಿಚಾರದಲ್ಲಿ ಬಂಧುಗಳೊಬ್ಬರು ಪರಿಹಾರ ಸೂಚಿಸುವರು. ಮನೆಯಲ್ಲಿ ಸಂತಸದ ವಾತಾವರಣ ಇರಲಿದೆ. ಮಕ್ಕಳ ಕಲರವು ಮನೆಯಲ್ಲಿ ಸಂತಸವನ್ನು ಹರಡುವುದು. ಗುರುವಿನ ಸ್ತೋತ್ರ ಪಠಿಸಿರಿ.

ವೃಶ್ಚಿಕ

08-Vrishika

ಈ ದಿನ ಬರುವ ಅಡೆ-ತಡೆಗಳನ್ನು ಧೈರ್ಯವಾಗಿ ಎದುರಿಸುವಿರಿ. ಗುರುವು ನಿಮ್ಮ ಬೆಂಗಾವಲಿಗೆ ನಿಲ್ಲುವರು. ಹಲವು ಬದಲಾವಣೆಗಳಿಗೆ ಇಂದು ಸಾಕ್ಷಿಯಾಗುವ ಸಂಭವವಿದೆ. ಆಂಜನೇಯ ಸ್ತೋತ್ರವನ್ನು ಪಠಿಸಿರಿ. ಆರ್ಥಿಕ ಸ್ಥಿತಿ ಉತ್ತಮವಾಗಿರುವುದು.

ಧನು

09-Dhanussu

ಕೆಟ್ಟ ಸ್ನೇಹಿತರು ಬೆಟ್ಟಿಂಗ್‌ಗೆ ಒತ್ತಡ ತಂದುಬಿಡಬಹುದು. ಅದಕ್ಕೆ ಮನಸೋಲದಿರಿ. ಜೂಜು ಎಂದಿಗೂ ಶುಭ ತರದು. ಗಳಿಸಿದ ಹಣವೂ ನೀರಿನಂತೆ ಕರಗುವುದು. ಹಾಗಾಗಿ ಈ ದಿನ ಉತ್ತಮ ಸ್ನೇಹಿತರ ಜೊತೆ ವಿಚಾರ ವಿನಿಮಯ ಮಾಡಿಕೊಳ್ಳಿರಿ.

ಮಕರ

10-Makara

ಬಹುತೇಕ ಘನತೆ ತರುವ ಕಾರ್ಯವು ಇಂದು ನಿಮ್ಮಿಂದ ಆಗುವುದು. ಇದರಿಂದ ಸಾಮಾಜಿಕವಾಗಿ ಮತ್ತು ರಾಜಕೀಯವಾಗಿ ಗುರುತಿಸಿಕೊಳ್ಳುವಿರಿ. ಹಿತೈಷಿಗಳು ನಿಮ್ಮನ್ನು ಕೊಂಡಾಡುವರು.

ಕುಂಭ

11-Kumbha

ನಿಮ್ಮ ವಿರೋಧಿಗಳೇ ನಿಮ್ಮನ್ನು ಆರಾಧಿಸುವ ಅನಿರೀಕ್ಷಿತ ಬೆಳವಣಿಗೆ ಉಂಟಾಗುವುದು. ಇದರಿಂದ ನಿಮಗೆ ಸೋಜಿಗವಾದರೂ ಭಗವಂತನ ಸಂಕಲ್ಪಕ್ಕೆ ನೀವು ತಲೆಬಾಗಬೇಕಾಗುವುದು.

ಮೀನ

12-Meena

ಹಲವು ದಿನಗಳಿಂದ ಭೇಟಿಯಾಗಿರದ ಆಪ್ತರು ಭೇಟಿಯಾಗಲಿದ್ದಾರೆ. ನಿಮ್ಮ ಪ್ರತಿಭೆಗೆ ಸಾಮಾಜಿಕ ಮನ್ನಣೆ ಗೌರವ ದೊರೆಯಲಿದೆ. ಈ ದಿನ ಯೋಜಿಸಿದ ಕಾರ್ಯಗಳಲ್ಲಿ ಗೆಲುವು ಸಿಗಲಿದೆ. ಹಣಕಾಸಿನ ಸ್ಥಿತಿಯು ಉತ್ತಮವಾಗಿರುತ್ತದೆ.