ಕರೋನ ಮಹಾಮಾರಿಗೆ ಆಯುರ್ವೇದ ಫಲಕಾರಿ ಔಷಧಿ ಕಂಡುಹಿಡಿದ ವೈದ್ಯ ಗಿರಿಧರ್ ಹೇಳಿರುವ ಈ ಕ್ರಮಗಳನ್ನು ಪಾಲಿಸಿ, ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸಿಕೊಳ್ಳಿ!!

0
7994

ರೋಗ ನಿರೋಧಕ ಶಕ್ತಿ ಹೆಚ್ಚಿಸಿಕೊಳ್ಳುವುದೇ ಕೊರೊನಾ ಮಣಿಸಲು ಇರುವ ಹೆದ್ದಾರಿ. ಆಯುರ್ವೇದದಲ್ಲಿರೋಗ ನಿರೋಧಕ ಶಕ್ತಿ ಹೆಚ್ಚಿಸಿಕೊಳ್ಳಲು ಹಲವು ದಾರಿಗಳಿವೆ ಎನ್ನುತ್ತಾರೆ ಆಯುರ್ವೇದ ವೈದ್ಯರಾದ ಡಾ. ಗಿರಿಧರ ಕಜೆ. ಔಷಧೀಯ ಸಸ್ಯಗಳನ್ನು ಬಳಸಿಕೊಂಡು ಮನೆ ಮದ್ದು ಹಾಗೂ ಕಷಾಯ ತಯಾರಿಸಿಕೊಂಡು ಕೊರೊನಾದಿಂದ ರಕ್ಷಿಸಿಕೊಳ್ಳಬಹುದು ಎನ್ನುವುದು ಡಾ. ಕಜೆ ಅವರ ಅನುಭವದ ಮಾತು. ಜನರೇ ಮನೆಯಲ್ಲಿಸುಲಭವಾಗಿ ತಯಾರಿಸಿಕೊಳ್ಳುವ ಹಾಗೂ ಅಡ್ಡ ಪರಿಣಾಮಗಳಿಲ್ಲದ ಮನೆಮದ್ದಿಗೆ ಒತ್ತು ನೀಡಬೇಕು ಎಂದು ಡಾ.ಕಜೆ ಕಿವಿಮಾತು ಹೇಳಿದ್ದಾರೆ.

1. ಒಂದು ಲೀಟರ್‌ ನೀರು ಕುದಿಸಿ, ಅದಕ್ಕೆ ಐದಾರು ತುಳಸಿ ಎಲೆಗಳನ್ನು ಹಾಕಿ ತಣ್ಣಗಾದ ನಂತರ ಕುಡಿಯಬೇಕು. ಒಬ್ಬ ವ್ಯಕ್ತಿ ದಿನಕ್ಕೆ ಒಂದು ಲೀಟರ್‌ ನೀರು ಕುಡಿಯಬೇಕು.

2. ಒಂದು ಲೋಟ ಹಾಲಿಗೆ ಕಾಲು ಅಥವಾ ಅರ್ಧ ಚಮಚ ಅರಿಶಿನ ಪುಡಿ ಹಾಕಿ ಮೂರು ನಿಮಿಷ ಕುದಿಸಿ ಸೋಸಿ ಕುಡಿಯಬೇಕು. ರುಚಿಗೆ ಬೇಕೆಂದರೆ ಸಕ್ಕರೆ, ಬೆಲ್ಲಹಾಕಬಹುದು.

3. ನೆಲ ನೆಲ್ಲಿ, ಭದ್ರಮುಷ್ಠಿ, ಅಮೃತಬಳ್ಳಿ- ಈ ಮೂರರಲ್ಲಿಯಾವುದಾದರೂ ಒಂದನ್ನು ತೆಗೆದುಕೊಂಡು ಒಂದು ಲೋಟ ನೀರಿಗೆ ಹಾಕಿ ಕುದಿಸಿ ಕಷಾಯ ತಯಾರಿಸಿ ಕುಡಿಯಬೇಕು. ನೆಲ ನೆಲ್ಲಿಯ ಬೇರು, ಎಲೆ, ಕಾಂಡ ಯಾವುದಾದರೂ ಭಾಗವನ್ನು ತೆಗೆದುಕೊಳ್ಳಬಹುದು. ಪ್ರತಿ ದಿನ ಕಷಾಯ ಸೇವಿಸಿದರೆ ಉತ್ತಮ.

4. ಹಿಪ್ಪಲಿ ಔಷಧೀಯ ಸಸ್ಯಗಳಲ್ಲೊಂದು. ಇದು ಕರಿಮೆಣಸಿನಂತೆಯೇ ಇರುತ್ತದೆ. ಹಿಪ್ಪಲಿಯನ್ನು ಅರ್ಧ ಚಮಚ ಜೇನು ತುಪ್ಪದೊಂದಿಗೆ ತೇದು ಮಿಶ್ರಣ ಮಾಡಿ ಸೇವಿಸಬೇಕು.

ಇನ್ನು ಕೊರೊನಾ ಸಮಯದಲ್ಲಿಜನರು ಮಾನಸಿಕ ಒತ್ತಡಕ್ಕೆ ಒಳಗಾಗಿರುತ್ತಾರೆ. ಇದಕ್ಕಾಗಿ ರುದ್ರಾಕ್ಷಿ ನೆನೆಸಿದ ನೀರು ಕುಡಿಯುವುದು ಒಳ್ಳೆಯದು. ಬೆಳಗ್ಗೆ ಮೂರು ರುದ್ರಾಕ್ಷಿ ಬೀಜಗಳನ್ನು ಒಂದು ಲೋಟ ನೀರಿನಲ್ಲಿನೆನೆಸಿ ಇಡಬೇಕು. ರಾತ್ರಿ ಆ ನೀರನ್ನು ಕುಡಿದು ನಿದ್ರಿಸಬೇಕು. ಇದರಿಂದ ಮಾನಸಿಕ ಒತ್ತಡ, ಉದ್ವೇಗ ಕಡಿಮೆಯಾಗುತ್ತದೆ. ಪ್ರತಿ ದಿನ ಕುಡಿಯಬಹುದು. ಎರಡು ಬೆಳ್ಳುಳ್ಳಿ ಎಸಳು, ಎರಡು ದೊಡ್ಡ ಪತ್ರೆ, ಎರಡು ಬೇವಿನ ಎಲೆ, ಎರಡು ಎಲೆ ಅಮೃತಬಳ್ಳಿ, ಎರಡು ಎಲೆಬಿಲ್ವ, ಎರಡು ಎಲೆ ತುಳಸಿ, ಎರಡೆಲೆ ಪುದಿನಾ ಒಟ್ಟಿಗೆ ಸೇರಿಸಿ ಬೆಳಗ್ಗೆ ಖಾಲಿ ಹೊಟ್ಟೆಗೆ ಮತ್ತು ರಾತ್ರಿ ಜಗಿದು ತಿನ್ನುತ್ತೇವೆ. ಇದು ದೇಹದ ಅಂಗಾಂಗಗಳನ್ನು ಸ್ಯಾನಿಟೈಸ್ ಮಾಡುತ್ತದೆ.

Also read: ಮಹಾಮಾರಿ ಕರೊನಾಗೆ ಆಯುರ್ವೇದ ಚಿಕಿತ್ಸೆ ಯಶಸ್ವಿ; ಪಾಶ್ಚಿಮಾತ್ಯ ದೇಶದವರು ಈಗಲಾದರೂ ಆಯುರ್ವೇದವನ್ನು ಒಪ್ಪುತ್ತಾರ??