ಮೀನು ಯಾರಿಗೆ ಇಷ್ಟ ಇಲ್ಲ ಹೇಳಿ ಪ್ರತಿಯೊಬ್ಬರಿಗೂ ಮೀನು ಅಂದ್ರೆ ತುಂಬ ಇಷ್ಟ ಈ ಮೀನಿನಲ್ಲಿ ಫಿಶ್‌ ಕರಿ ತಿನ್ನೋದು ಅಂದ್ರೆ ಇನ್ನು ಇಷ್ಟ.. ಫಿಶ್‌ ಕರಿಯನ್ನು ಅನೇಕ ರುಚಿಯಲ್ಲಿ ತಯಾರಿಸಬಹುದು. ಫಿಶ್‌ ಕರಿಯನ್ನು ತುಂಬಾ ರುಚಿಯಲ್ಲಿ ಮಾಡಬಯಸುವವರು ಬೆಂಗಾಲಿ ಸ್ಟೈಲ್‌ ಫಿಶ್‌ ಕರಿಯನ್ನು ಟ್ರೈ ಮಾಡಿ….
ಬೇಕಾಗುವ ಸಾಮಾಗ್ರಿಗಳು
- ರೋಹೂ ಅಥವಾ ಕಾಟ್ಲಾ ಮೀನು
- ಸಾಸಿವೆ ಪೇಸ್ಟ್ 2 ಚಮಚ
- ಅರಿಶಿಣ ಪುಡಿ 1 ಚಮಚ
- ರುಚಿಗೆ ತಕ್ಕ ಉಪ್ಪು
- ಸಾಸಿವೆ ಎಣ್ಣೆ 4 ಚಮಚ
- ಸಾಸಿವೆ ಅರ್ಧ ಚಮಚ
- ಕಲೋಂಜಿ 1 ಚಮಚ(ಈರುಳ್ಳಿ ಬೀಜ)
- ಒಣ ಮೆಣಸು 4
- ಬೇ ಲೀಫ್ 1
- ಶುಂಠಿ ಪೇಸ್ಟ್ 2 ಚಮಚ
- ಬೆಳ್ಳುಳ್ಳಿ ಪೇಸ್ಟ್ 2 ಚಮಚ
- ಈರುಳ್ಳಿ 3
- ಕೊತ್ತಂಬರಿ ಪುಡಿ 2 ಚಮಚ
- ಹಸಿ ಮೆಣಸು 2
- ಸ್ವಲ್ಪ ಕೊತ್ತಂಬರಿ ಸೊಪ್ಪು
- ನಿಂಬೆಹಣ್ಣು
ಮಾಡುವ ವಿಧಾನ:
- ಮೊದಲು ಮೀನಿನ ತುಂಡುಗಳನ್ನು ಚೆನ್ನಾಗಿ ತೊಳೆದು ನಿಂಬೆರಸ, ಸ್ವಲ್ಪ ಅರಿಶಿಣ ಹಾಗೂ ಉಪ್ಪು ಹಾಕಿ ಮಿಕ್ಸ್‌ ಮಾಡಿ ಅರ್ಧ ಗಂಟೆ ನೆನೆಯಲು ಇಡಿ .
- ನಂತರ 2 ಚಮಚ ಸಾಸಿವೆಎಣ್ಣೆ ಹಾಕಿ ಅದರಲ್ಲಿ ಮೀನನ್ನು ಸ್ವಲ್ಪ ಫ್ರೈ ಮಾಡಿ, ನಂತರ ಎಣ್ಣೆಯಿಂದ ತೆಗೆದು ತಟ್ಟೆಯಲ್ಲಿಡಿ.
- ಈಗ ಪ್ಯಾನ್‌ಗೆ ಮತ್ತೆ ಎರಡು 2 ಚಮಚ ಎಣ್ಣೆ ಹಾಕಿ ಬಿಸಿ ಮಾಡಿ, ಅದರಲ್ಲಿ ಸಾಸಿವೆ ಎಣ್ಣೆ, ಈರುಳ್ಳಿ ಬೀಜ, ಒಣ ಮೆಣಸು, ಬೇ ಲೀಫ್ ಹಾಕಿ ಸಾಸಿವೆ ಹಾಕಿ ಬಡಿಸಿ.
- ನಂತರ ಶುಂಠಿ, ಬೆಳ್ಳುಳ್ಳಿ ಪೇಸ್ಟ್ ಹಾಕಿ 1 ನಿಮಿಷ ಫ್ರೈ ಮಾಡಿ, ನಂತರ ಈರುಳ್ಳಿ ಹಾಕಿ ಕಂದು ಬಣ್ಣ ಬರುವವರೆಗೆ ಫ್ರೈ ಮಾಡಿ.
- ಇದಕ್ಕೆ ಈಗ ಸಾಸಿವೆ ಪೇಸ್ಟ್ ಹಾಕಿ, ಕೆಂಪು ಮೆಣಸಿನ ಪುಡಿ, ಕೊತ್ತಂಬರಿ ಪುಡಿ, ಅರಿಶಿಣ ಪುಡಿ ಹಾಕಿ ಮಸಾಲೆಯಿಂದ ಎಣ್ಣೆ ಬೇರ್ಪಡುವವರೆಗೆ ಬೇಯಿಸಿ.
- ನಂತರ ಒಂದು ಕಪ್‌ ನೀರು ಹಾಕಿ, ರುಚಿಗೆ ತಕ್ಕ ಉಪ್ಪು ಸೇರಿಸಿ, ಕತ್ತರಿಸಿದ ಹಸಿ ಮೆಣಸು ಹಾಕಿ 10 ನಿಮಿಷಗಳ ಕಾಲ ಬೇಯಿಸಿ.
- ನಂತರ ಮೀನು ಹಾಕಿ ಪ್ಯಾನ್‌ಗೆ ಮುಚ್ಚಳವನ್ನು ಮುಚ್ಚಿ 5 ನಿಮಿಷ ಬೇಯಿಸಿ ನಂತರ ಉರಿಯಿಂದ ಇಳಿಸಿ ಅರ್ಧ ಅಥವಾ ಒಂದು ನಿಂಬೆ ಹಣ್ಣಿನ ರಸ ಹಾಕಿದರೆ ಬೆಂಗಾಲಿ ಶೈಲಿಯ ಫಿಶ್‌ ಕರಿ ಸವಿಯಲು ಸಿದ್ದ.
