ಚಟ್ನಿ, ಪಲ್ಯ ತಿಂದು ಬೇಜಾರಿಗಿದ್ರೆ, ಈ ಮಾವಿನ ಸೀಸನ್-ನಲ್ಲಿ ರುಚಿ ರುಚಿಯಾದ ಮಾವಿನ ಕಾಯಿ ಗೊಜ್ಜನ್ನು ಮಾಡೋದು ಹೇಗೆ ಅಂತ ಹೇಳ್ತೀವಿ ನೋಡಿ!!

0
437

ಮಾವಿನಕಾಯಿ ಬಳಸಿ ನಾವು ಅನೇಕ ರೀತಿಯ ರೆಸಿಪಿಗಳನ್ನು ಮಾಡಬಹುದು ಅದರಲ್ಲಿ ಮಾವಿನಕಾಯಿ ಗೊಜ್ಜು ಕೂಡ ಒಂದು. ಈ ಮಾವಿನಕಾಯಿ ಗೊಜ್ಜನ್ನು ಚೆನ್ನಾಗಿ ಕುದಿಸಿಟ್ಟರೆ ಈ ಗೊಜ್ಜು ನಾಲ್ಕೈದು ದಿನಗಳವರೆಗೂ ಚೆನ್ನಾಗಿರುತ್ತದೆ. ಇದಕ್ಕೆ ಫ್ರೆಶ್ ಮಾವಿನಕಾಯಿಯೇ ಬೇಕೆಂದಿಲ್ಲ, ಉಪ್ಪಿನಲ್ಲಿ ಹಾಕಿಟ್ಟ ಮಾವಿನಕಾಯಿಯಿಂದಲೂ ಈ ಗೊಜ್ಜನ್ನು ತಯಾರಿಸಬಹುದು. ಇದು ಅನ್ನದೊಡನೆ ಒಳ್ಳೆಯ ಕಾಂಬಿನೇಶನ್ ಇದಾಗಿದೆ. ಅಷ್ಟೇ ಅಲ್ಲ ರೊಟ್ಟಿ, ಚಪಾತಿ, ದೋಸೆ ಜೊತೆ ಕೂಡ ನೆನೆಸಿಕೊಂಡು ತಿನ್ನಬಹುದು.

Also read: ಧಿಡೀರ್-ಅಂತ ಪಾನಕ ತಯಾರು ಮಾಡಬೇಕು ಎಂದಾಗ ರಸ್ನಾ ಉಪಯೋಗಿಸೋ ಬದಲು ಮನೆಯಲ್ಲೇ ಫ್ರಿಜ್ ನಲ್ಲಿ ವಾರಗಳ ಕಾಲ ಇಡಬಹುದಾದ ಪಾನಕ Recipe ಇಲ್ಲಿದೆ ನೋಡಿ!!

ಹಾಗಾದರೆ ಬನ್ನಿ ಈ ಮಾವಿನಕಾಯಿ ಗೊಜ್ಜನ್ನು ಹೇಗೆ ಮಾಡುವುದೆಂದು ತಿಳಿಯೋಣ

ಬೇಕಾಗುವ ಸಾಮಗ್ರಿಗಳು

  • ಸ್ವೀಟ್ ಮಾವಿನಕಾಯಿ
  • ಸಾಸಿವೆ
  • ಜೀರಿಗೆ ಪುಡಿ
  • ಕರಿಬೇವು
  • ಇಂಗು – ಒಂದು ಸಣ್ಣ ಚೂರು
  • ಮೆಂತ್ಯ ಪೂಡಿ – ಅರ್ಧ ಚಮಚ
  • ಅರಿಶಿಣ – ಸ್ವಲ್ಪ
  • ಕರಿಬೇವು ಸೊಪ್ಪು – ಸ್ವಲ್ಪ
  • ಎಣ್ಣೆ – ಬೇಕಾದಷ್ಟು
  • ಒಂದು ಚಮಚ ಟೇಬಲ್ ಸಾಲ್ಟ್
  • ಒಂದು ಚಮಚ ಬ್ಲಾಕ್ ಸಾಲ್ಟ್
  • ಒಂದು ಬಟ್ಟಲು ಬೆಲ್ಲ
  • ಹುರಿದು ಪುಡಿ ಮಾಡಿಕೊಂಡಿರುವ ಕರಿಯಳ್ಳು ಎರಡು ಚಮಚ

ಮಾಡುವ ವಿಧಾನ

  1. ಮೊದಲಿಗೆ ಮಾವಿನಕಾಯಿಯ ಸಿಪ್ಪೆಯನ್ನು ತೆಗೆದು ಚಿಪ್ಸ್ ಮೇಕರ್ ನಲ್ಲಿ ಮಾವಿನಕಾಯಿ ಸ್ಲೈಸ್ ಮಾಡಿಕೊಳ್ಳಬೇಕು.
  2. ಸ್ಲೈಸ್ ಆಗಿ ಕಟ್ ಮಡಿದ ಮಾವಿನಕಾಯಿಯನ್ನು ಕುಕ್ಕರಿನಲ್ಲಿ ಹಾಕಿ ಮಾವಿನಕಾಯಿ ಮುಳುಗುವ ಗಾತ್ರದ ವರೆಗೆ ನೀರನ್ನು ಹಾಕಿಕೊಂಡು 2 ವಿಷಿಲ್ ಅನ್ನು ಕುಗಿಸಿಕೊಳ್ಳಬೇಕು.
  3. ಬೇಯಿಸಿದ ಮಾವಿನಕಾಯಿಯನ್ನು ತಣ್ಣಗಾಗಲು ಬಿಡಿ. ನಂತರ ಮಿಕ್ಸಿ ಜಾರಿಗೆ ಬೇಯಿಸಿದ ಮಾವಿನಕಾಯಿಯನ್ನು ಹಾಕಿ ನುಣ್ಣಗೆ ಮಿಕ್ಸಿ ಮಾಡಿಕೊಂಡು ಒಂದು ಪಾತ್ರೆಗೆ ಸೋಸಿಕೊಳ್ಳಿ.
  4. ಈಗ ಒಂದು ಪಾನ್ ಗೆ ಸ್ವಲ್ಪ ಎಣ್ಣೆ, ಕರಿಬೇವು, ಇಂಗು ಮತ್ತು ಸ್ವಲ್ಪ ಅರಿಶಿನ ಹಾಕಿ ನಂತರ ಮಿಕ್ಷಿ ಮಾಡಿದ ಮಾವಿನಕಾಯಿಯನ್ನು ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿಕೊಳ್ಳಿ.
  5. ಈಗ ಇದಕ್ಕೆ ಒಂದು ಚಮಚ ಟೇಬಲ್ ಸಾಲ್ಟ್, ಒಂದು ಚಮಚ ಬ್ಲಾಕ್ ಸಾಲ್ಟ್ , ಎರೆಡು ಚಮಚ ಮ್ಯೆಂತೆ ಪುಡಿ, ಒಂದು ಚಮಚ ಜೀರಿಗೆ ಪುಡಿ, ಸಾಂಬಾರ ಪೌಡರ್ ಮೂರು ಚಮಚದಷ್ಟು, ಮತ್ತು ಒಂದು ಬಟ್ಟಲು ಬೆಲ್ಲವನ್ನು ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ 8 ರಿಂದ 10 ನಿಮಿಷಗಳ ವರೆಗೆ ಕುದಿಯಲು ಬಿಡಿ.
  6. ಚೆನ್ನಾಗಿ ಕುದಿದ ಮೇಲೆ ಹುರಿದು ಪುಡಿ ಮಾಡಿಕೊಂಡಿರುವ ಕರಿ ಯಳ್ಳು ಹಾಕಿ 2 ನಿಮಿಷಗಳ ಕಾಲ ಕುದಿಯಲು ಬಿಡಬೇಕು.
  7. ಆರಿದ ಮೇಲೆ ಮಾವಿನಕಾಯಿ ಗೊಜ್ಜು ಸವಿಯಲು ಸಿದ್ಧ. ಇದನ್ನು ಒಮ್ಮೆ ಮಾಡಿ, ಬಹಳ ದಿನಗಳ ಕಾಲ ಇಟ್ಟು ತಿನ್ನಬಹುದು.