ಜೀವನದಲ್ಲಿ ಯಾರ ಸಹಾಯವಿಲ್ಲದೆ ನಿಮ್ಮ ಗುರಿ ಮುಟ್ಟಿ ಸಾಧನೆ ಮಾಡಬೇಕಾ? ಹಾಗಾದರೆ ಸಾಧನೆಗೆ ಶಕ್ತಿಯಾದ ಸ್ಟೋರಿ ಇಲ್ಲಿದೆ ಓದಿ.!

0
270

ಕೆಲವರನ್ನು ನೋಡಿದರೆ ನಮಗೂ ಜೀವನದಲ್ಲಿ ಏನಾದರು ಆಗಲೇ ಬೇಕು ಎನ್ನುವ ಹಠ ಶುರುವಾಗುತ್ತೆ, ಆದರೆ ಅದು ಎಲ್ಲಿಯವರೆಗೆ ಇರುತ್ತೆ ಎನ್ನುವುದು ಮಾತ್ರ ಅಕ್ಕಪಕ್ಕದ ಜನರಿಗೆ ಸರಿಯಾಗಿ ತಿಳಿದಿರುತ್ತೆ. ಏಕೆಂದರೆ ತಮ್ಮ ಸಾಮರ್ಥ್ಯಗಳು ಯಶಸ್ವಿಯಾಗಿರುವಕ್ಕಿಂತ ಪೇಲಾದ ಸಂಧರ್ಭಗಳು ಜನರಿಗೆ ಸರಿಯಾಗಿ ತಿಳಿದಿರುತ್ತೆ. ಕೆಲವರು ಇವೆಲ್ಲವನ್ನೂ ಮೆಟ್ಟಿನಿಂತು ಸಾಧನೆ ಮಾಡಿಯೇ ತಿರುತ್ತಾರೆ. ಕೆಲವರಂತೂ ಅದಿಲ್ಲ, ಇದಿಲ್ಲ ಎನ್ನುತಾ ತಮ್ಮ ಜೀವನ ಇಷ್ಟಕ್ಕೆ ಸಾಧನೆಯನ್ನು ಅರ್ಧದಲ್ಲಿ ಕೈಬಿಡುತ್ತಾರೆ ಅಂತಹವರಿಗೆ ಮಾದರಿಯಾದ ದೇಶದ ಮೊದಲ ಅಂಧ ಐಎಎಸ್‌ ಅಧಿಕಾರಿಯಾದ ಪ್ರಾಂಜಲ್‌ ಅವರ ಜೀವನ ಬಗ್ಗೆ ತಿಳಿದರೆ ಇಂತಹ ಸ್ಪೂರ್ತಿ ಎಲ್ಲಿಯೂ ಇಲ್ಲ ಅನಿಸುತ್ತೆ.

Also read: ಹುಟ್ಟಿನಿಂದ ಮುಪ್ಪಿನವರೆಗೆ ಪ್ರತಿಯೊಬ್ಬರಿಗೂ ಉಚಿತವಾಗಿ ಆರೋಗ್ಯ ಕಾಪಾಡುವ ವ್ಯೆದ್ಯ ಯಾರು ಗೊತ್ತಾ? ಈ ಸಣ್ಣ ಕತೆ ಓದಿ ತಿಳಿಯುತ್ತೆ.!

ಹೌದು ಸಾಧನೆ ಮಾಡುವರಿಗೆ ಸ್ಪೂರ್ತಿಯಾಗಿ ಕೆಲವರು ಕಷ್ಟಪಟ್ಟು ಸಾಧಿಸಿದ ಹಿನ್ನೆಲೆ ಬೇಕಾಗುತ್ತೆ, ಅದರಿಂದಲೇ ಸ್ಪೂರ್ತಿಗೊಂಡು ಅದೆಷ್ಟೋ ಜನರು ತಮ್ಮ ಗುರಿಯನ್ನು ಬೆನ್ನುಹತ್ತಿದ್ದಾರೆ. ಅದರಲ್ಲಿ ಐಎಎಸ್‌ ಯಶಸ್ಸನ್ನು ಸಾಧಿಸುವುದು ಸುಲಭದ ಮಾತಲ್ಲ, ಇಂತಹ ಸಾಧನೆಯನ್ನು ತಮ್ಮ 6ನೇ ವಯಸ್ಸಿನಲ್ಲಿ ದೃಷ್ಟಿ ಕಳೆದುಕೊಂಡ ಪ್ರಾಂಜಲ್‌ ಪಾಟೀಲ್‌ ಸಾಧಿಸಿ ಇಡಿ ದೇಶಕ್ಕೆ ಮಾದರಿಯಾಗಿದ್ದಾರೆ. ಮಹಾರಾಷ್ಟ್ರದ ಉಲ್ಲಾಸ ನಗರದವರಾದ ಅವರು ತಮ್ಮ ದೃಷ್ಟಿ ಹೀನತೆಯಿಂದ ಸ್ವಲ್ಪವೂ ಎದೆಗುಂದದೇ ಮುನ್ನುಗ್ಗಿ ಎಲ್ಲ ಅಡೆ ತಡೆಗಳನ್ನು ದಾಟಿ, ಜವಾಹರ್‌ಲಾಲ್‌ ನೆಹರು ಯುನಿವರ್ಸಿಟಿಯಲ್ಲಿ(ಜೆಎನ್‌ಯು) ‘ಅಂತರಾಷ್ಟ್ರೀಯ ಸಂಬಂಧಗಳು’ ವಿಷಯದಲ್ಲಿ ಸ್ನಾತಕೋತ್ತರ ಪದವಿಯನ್ನು ಪಡೆಯುತ್ತಾರೆ.

Also read: ಒಬ್ಬ ಒಳ್ಳೆಯ ವಿದ್ಯಾರ್ಥಿಗೆ ಗುರಿವಿನ ಮೇಲೆ ಇರುವ ಭಕ್ತಿ ಎಷ್ಟು? ಗುರು’ಗೆ ತನ್ನ ಶಿಷ್ಯನ ಮೇಲಿರುವ ನಂಬಿಕೆ ಎಷ್ಟು?

ನಂತರ ಯುಪಿಎಸ್‌ಸಿ ಪರೀಕ್ಷೆಗೆ ಸಿದ್ಧತೆ ನಡೆಸಿದ ಅವರು 2016ರಲ್ಲಿ ತಮ್ಮ ಪ್ರಥಮ ಪ್ರಯತ್ನದಲ್ಲೇ 773ನೇ ರ್‍ಯಾಂಕ್‌ ಪಡೆದು ಐಆರ್‌ಎಎಸ್‌ ವಿಭಾಗಕ್ಕೆ ಆಯ್ಕೆಯಾಗುತ್ತಾರೆ, ಆದರೆ ಅವರ ಅಂಧತ್ವದ ಕಾರಣದಿಂದ ನೇಮಕಾತಿ ರದ್ದುಗೊಳಿಸಲಾಗುತ್ತದೆ ಎಂದು ಇಂಡಿಯಾ ಟುಡೇ ವರದಿ ಮಾಡಿದೆ. ಪುನಃ ಸಿದ್ಧತೆ ನಡೆಸಿದ ಅವರು 2017ರಲ್ಲಿ ನಡೆದ ಯುಪಿಎಸ್‌ಸಿ ಪರೀಕ್ಷೆಯನ್ನು ಎದುರಿಸಿ, 124ನೇ ರ್‍ಯಾಂಕ್‌ ಪಡೆಯಲು ಯಶಸ್ವಿಯಾಗುತ್ತಾರೆ. 14 ಅಕ್ಟೋಬರ್‌ 2019, ಸೋಮವಾರ, ಕೇರಳದ ತಿರುವನಂತಪುರಂನಲ್ಲಿ ಉಪ ಜಿಲ್ಲಾಧಿಕಾರಿಯಾಗಿ ಅಧಿಕಾರ ಸ್ವೀಕರಿಸಿದ ಅವರು, ಭಾರತದ ಮೊದಲ ಅಂಧ ಐಎಎಸ್‌ ಅಧಿಕಾರಿ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದ್ದಾರೆ.

Also read: ದೇವರು ಒಳ್ಳೆಯವರಿಗೆ ಎಂದೂ ಕೆಟ್ಟದ್ದನ್ನು ಮಾಡುವುದಿಲ್ಲ ಎಂಬುದಕ್ಕೆ ಇಲ್ಲಿದೆ ನೋಡಿ ಅದ್ಭುತ ಉದಾಹರಣೆ..

ಈ ವೇಳೆ ತಮ್ಮ ಜೀವನದಲ್ಲಿ ಅನುಭವನ್ನು ಹಂಚಿಕೊಂಡು ಸ್ಪೂರ್ತಿ ಮಾತನ್ನು ಹೇಳಿದ ಅವರು. “ನಮ್ಮನ್ನು ಯಾರೂ ಸೋಲಿಸಲು ಬಿಡಬಾರದು. ನಾವು ಎಂದೂ ಕೈಚೆಲ್ಲಬಾರದು. ಯಾಕೆಂದರೆ, ನಮ್ಮೆಲ್ಲ ಪ್ರಯತ್ನದಿಂದ ನಾವು ಕಾಯುತ್ತಿರುವ ಆ ಒಂದು ಅವಕಾಶ ಖಂಡಿತವಾಗಿಯೂ ಸಿಗುತ್ತದೆ ಎಂದು ಉಪ ಆಯಕ್ತೆಯಾಗಿ ಅಧಿಕಾರ ಸ್ವೀಕರಿಸಿದ ನಂತರ ಮಾಧ್ಯಮಗಳ ಜೊತೆ ಮಾತನಾಡುವ ವೇಳೆ ಪಾಟೀಲ್ ತಿಳಿಸಿದ್ದಾರೆ. ನಾನು ಈಗಷ್ಟೇ ತಿರುವನಂತಪುರಂಗೆ ವರ್ಗಾವಣೆಗೊಂಡಿದ್ದೇನೆ. ಸದ್ಯ ನಾನು ಜಿಲ್ಲೆಯನ್ನು ಅರಿಯಲು ಪ್ರಯತ್ನಿಸುತ್ತೇನೆ, ವಿವಿಧ ಇಲಾಖೆಗಳನ್ನು ಪರಿಶೀಲಿಸುತ್ತೇನೆ ಮತ್ತು ನಂತರ ಮುಂದಿನ ಕ್ರಮದ ಬಗ್ಗೆ ಯೋಜನೆ ರೂಪಿಸುತ್ತೇನೆ” ಎಂದು ಹೇಳಿದ್ದಾರೆ ಇಂತಹ ಪರಿಸ್ಥಿತಿಯಲ್ಲಿ ಸಾಧನೆ ಮಾಡಿ ಜಿಲ್ಲಧಿಕಾರಿಯಾದ ಪ್ರಾಂಜಲ್‌ ಪಾಟೀಲ್ ಸಾಧನೆ ಮಾಡಲು ಶಕ್ತಿಯಾಗಿದ್ದಾರೆ.