ಹಗಲಲ್ಲಿ ನಿದ್ರೆ ಮಾಡ್ತಾ ಇದ್ದೀರಾ… ಹಾಗಿದ್ರೆ ಈ ರೋಗಗಳು ಬರೋದು ಗ್ಯಾರಂಟೀ..

0
2102

ರಾತ್ರಿ ಎಲ್ಲ ಮೊಬೈಲ್ ನೋಡ್ತಾನೋ, ಟಿವಿ ನೋಡ್ತಾನೋ ಅಥವಾ ಏನಾದ್ರೂ ಕೆಲಸ ಮಾಡ್ಕೊಳ್ತಾ ನಿದ್ರೆ ಮಾಡ್ದೆ ಅದನ್ನ ಸರಿದೂಗ್ಸಕ್ಕೆ ಬೆಳಿಗ್ಗೆ ತುಂಬಾ ಹೊತ್ತು ನಿದ್ದೆ ಮಾಡ್ತಾ ಇದ್ದೀರಾ? ಹಾಗಿದ್ರೆ ಈ ರೋಗಗಳು ನಿಮ್ಮನ್ನ ಕಾಡೋದು ಗ್ಯಾರಂಟೀ.

ಹಗಲು ಹೊತ್ತಿನಲ್ಲಿ ನಿದ್ರೆ ಮಾಡುವುದರಿಂದ ದೇಹದಲ್ಲಿ ಕಫವು ವೃದ್ಧಿಯಾಗಿ ರೋಗಗಳು ದೇಹವನ್ನು ಆಕ್ರಮಿಸಲಾರಂಭಿಸುತ್ತದೆ. ಹೀಗಾಗಿ ಆರೋಗ್ಯವಂತರು ಹಗಲು ಹೊತ್ತು ನಿದ್ರಿಸುವುದು ಸರಿಯಲ್ಲ. ಮುಖ್ಯವಾಗಿ ದೇಹದಲ್ಲಿ ಅಧಿಕ ಕೊಬ್ಬಿನಂಶ ಇರುವವರು, ಸಿಹಿ ತಿಂಡಿಗಳನ್ನು ಹೆಚ್ಚಾಗಿ ಸೇವಿಸುವವರು, ತುಪ್ಪವನ್ನು ಅಧಿಕವಾಗಿ ತಿನ್ನುವವರು ಹಗಲು ಹೊತ್ತಿನಲ್ಲಿ ನಿದ್ರೆ ಮಾಡಲೇಬಾರದು. ತುಂಬಾ ಬಳಲಿಕೆ ಎನಿಸಿದರೆ ಊಟದ ಮೊದಲು ೨೦ ರಿಂದ ೩೦ ನಿಮಿಷದ ವರೆಗೆ ಮಾತ್ರವೇ ನಿದ್ರೆ ಮಾಡಬಹುದು. ಸೋಮಾರಿತನದಿಂದ ಹಗಲು ರಾತ್ರಿ ನಿದ್ರೆ ಮಾಡುವವರಿಗೆ ಈ ರೋಗಗಳು ಬರುವುದಂತೂ ಖಚಿತ.

ಅಂತಹ ರೋಗಗಳೆಂದರೆ:

೧. ತಲೆನೋವು
೨. ತಲೆಭಾರ
೩. ಹಸಿವೆ ಇಲ್ಲದಿರುವುದು
೪. ಮೂಗು ಕಟ್ಟುವುದು
೫. ದೇಹದ ಪಕ್ಕೆಗಳಲ್ಲಿ ನೋವು
೬. ನವೆ, ಅಲರ್ಜಿ
೭. ತೂಕಡಿಕೆ
೮. ಆಯಾಸ
೯. ಕೆಮ್ಮು, ಗಂಟಲು ನೋವು
೧೦. ಇಂದ್ರಿಯಗಳ ಬಲಹೀನತೆ
೧೧. ಜ್ವರ
೧೨. ಮಧುಮೇಹ
೧೩. ಥೈರಾಯಿಡ್ ಗ್ರಂಥಿಗಳ ಸಮಸ್ಯೆ
೧೪. ಸ್ತೂಲಕಾಯ
೧೫. ಮೈ ಭಾರ ಇತ್ಯಾದಿ ಅನೇಕ ಸಮಸ್ಯೆಗಳು ತಲೆದೋರುವವು.

ಹಾಗಿದ್ರೆ ಎಂತಹ ವ್ಯಕ್ತಿಗಳು ಬೆಳಗಿನ ಸಮಯದಲ್ಲಿ ನಿದ್ರೆ ಮಾಡಬಹುದು?

೧. ಸಂಗ್ಗೆತವನ್ನು ಸಾಧನೆ ಮಾಡುವವರು
೨. ನಾಟಕಗಳನ್ನು ಪ್ರದರ್ಶಿಸುವವರು
೩. ಅಧಿಕವಾಗಿ ಲೈಂಗಿಕ ಚಟುವಟಿಕೆಗಳಲ್ಲಿ ತೊಡಗಿಸಿಕೊಂಡವರು.
೪. ಭಾರವನ್ನು ಹೊರುವವರು
೫. ಅತಿಯಾಗಿ ಪ್ರಾಯಾಣ ಮಾಡಿ ಬಳಲಿದವರು.
೬. ಹೆಚ್ಚು ಅಧ್ಯಯನ ಮಾಡುವವರು.
೭. ಅಧಿಕವಾಗಿ ಶ್ರಮದ ಕೆಲಸ ಮಾಡುವವರು.
೮. ಉಪವಾಸ ಮಾಡುವವರು.
೯. ಬಲಹೀನ ವ್ಯಕ್ತಿಗಳು/ರೋಗಿಗಳು.
೧೦. ಮಕ್ಕಳು ಮತ್ತು ವಯೋವೃದ್ದರು.

ಮೇಲಿನ ತೊಂದರೆಗಳನ್ನು ಅನುಭವಿಸುವವರು ಮಾತ್ರ ಬೆಳಗಿನ ಸಮಯದಲ್ಲಿ ನಿದ್ರಿಸಬಹುದು. ಯಾಕೆಂದರೆ ಬೆಳಗಿನ ಸಮಯದಲ್ಲಿ ನಿದ್ರಿಸಿದ್ದಲ್ಲಿ ಕಫ ವೃದ್ಧಿಯಾಗಿ ದೇಹದಲ್ಲಿ ಬಲ ಉಂಟಾಗಿ ಕ್ಷೀಣಿಸಿದ ಧಾತುಗಳು ಪುನಶ್ಚೇತನಗೊಳ್ಳುತ್ತವೆ.