LinkedIn ಮೂಲಕ ಉದ್ಯೋಗ ಹುಡುಕುವುದು ಹೇಗೆ….?? ತಿಳಿಯಿರಿ

0
1282

2015ರಲ್ಲಿ ಭಾರತದಲ್ಲಿ 1.35 ಲಕ್ಷ ಉದ್ಯೋಗ ಅವಕಾಶಗಳಿದ್ದರೆ, 2013ರಲ್ಲಿ ಇದು 4.19 ಲಕ್ಷ ಮತ್ತು 2011ರಲ್ಲಿ ಒಂಬತ್ತು ಲಕ್ಷ ಉದ್ಯೋಗವಕಾಶಗಳಿದ್ದವು ಎಂದು ವರದಿ ತಿಳಿಸಿದೆ. ಈ ಸ್ಥಿತಿ ಮುಂದುವರಿದರೆ 2050ಕ್ಕಾಗುವಾಗ ದೇಶ ಗಂಭೀರವಾದ ನಿರುದ್ಯೋಗ ಸಮಸ್ಯೆಯನ್ನು ಎದುರಿಸಲಿದೆ. ಭಾರತದ ಉದ್ಯೋಗ ಮಾರುಕಟ್ಟೆಯ ಭವಿಷ್ಯಮತ್ತು ಶಿಕ್ಷಣ ಕ್ಷೇತ್ರದಲ್ಲಾಗಬೇಕಾದ ಬದಲಾವಣೆಗಳ ಬಗ್ಗೆ ಮಾತನಾಡಿದ ಅಮೆರಿಕದ ಸಿಲಿಕಾನ್ ವ್ಯಾಲಿಯಿಂದ ಭಾರತಕ್ಕೆ ಬಂದಿರುವ 30 ವರ್ಷದ ಅಕ್ಷಯ್ ಕೊಠಾರಿ ‘ಲಿಂಕ್ಡಿನ್ ಇಂಡಿಯಾ ಸಂಸ್ಥೆಯ’ ವ್ಯವಸ್ಥಾಪಕ ಪಟ್ಟಣ, ಚಿಕ್ಕ ನಗರಗಳ ವಿದ್ಯಾರ್ಥಿಗಳಿಗೆ ಉದ್ಯೋಗ ಮಾರುಕಟ್ಟೆಯ ಮಾಹಿತಿ ಸಿಗುವಂತೆ ಮಾಡಿ, ಸಮಾನ ಅವಕಾಶ ಕೊಡಬಹುದು ಎಂದು ಅಭಿಪ್ರಾಯ ವ್ಯಕ್ತ  ಪಡಿಸಿದ್ದಾರೆ.

aaeaaqaaaaaaaao1aaaajde1mtljmjflltdiytutngfjzs05zjy3ltnjn2exy2rmzjziyw

ಈ ವರ್ಷದ ಆರಂಭದಲ್ಲಿ ಅಮೆರಿಕದ ಸಿಲಿಕಾನ್ ವ್ಯಾಲಿಯಿಂದ ಭಾರತಕ್ಕೆ ಬಂದಿರುವ 30 ವರ್ಷದ ಅಕ್ಷಯ್ ಕೊಠಾರಿ ‘ಲಿಂಕ್ಡಿನ್(LinkedIn) ಇಂಡಿಯಾ ಸಂಸ್ಥೆಯ’ ವ್ಯವಸ್ಥಾಪಕರಾಗಿ ಈಗ ಕಾರ್ಯನಿರ್ವಹಿಸುತ್ತಿದ್ದಾರೆ. ಸ್ಟಾನ್ಫೋರ್ಡ್ ಮತ್ತು ಪಡ್ರ್ಯೂ ವಿಶ್ವವಿದ್ಯಾಲಯದಲ್ಲಿ ಪದವಿ ಪಡೆದಿರುವ ಅಕ್ಷಯ್, ಕೆಲವು ವರ್ಷ ಉದ್ಯಮಿಯಾಗಿಯೂ ಕಾರ್ಯನಿರ್ವಹಿಸಿದ್ದಾರೆ. ಪಲ್ಸ್ ಎನ್ನುವ ಪ್ರಖ್ಯಾತ ಆ್ಯಪ್ ಅನ್ನು ಅಭಿವೃದ್ಧಿಪಡಿಸಿದವರಲ್ಲಿ ಇವರೂ ಒಬ್ಬರು(2013ರಲ್ಲಿ ಲಿಂಕ್ಡಿನ್ ಈ ಆ್ಯಪ್ ಅನ್ನು 9 ಕೋಟಿ ಡಾಲರ್ಗೆ ಖರೀದಿಸಿತು).

ಲೇಬರ್ ಬ್ಯೂರೋದ ಇತ್ತೀಚಿನ ವರದಿ ಪ್ರಕಾರ, ಕಳೆದ ಐದು ವರ್ಷಕ್ಕೆ ಹೋಲಿಸಿದರೆ 2015-2016ನೇ ಸಾಲಿನಲ್ಲಿ ಭಾರತದಲ್ಲಿ ನಿರುದ್ಯೋಗ ಪ್ರಮಾಣ ಅಧಿಕವಾಗಿದೆ ಎಂಬ ಆಘಾತಕಾರಿ ಅಂಶವನ್ನು ಇತ್ತೀಚೆಗಷ್ಟೇ ಹೊರಹಾಕಿದೆ. ಈ ಸಾಲಿನಲ್ಲಿ ನಿರುದ್ಯೋಗ ಪ್ರಮಾಣ 5 ಪ್ರತಿಶದಷ್ಟಿದೆ. ಪುರುಷರಿಗೆ ಹೋಲಿಸಿದರೆ(4.3 ಪ್ರತಿಶತ) ಈ ಪ್ರಮಾಣ ಮಹಿಳೆಯರಲ್ಲಿ ಅಧಿಕವಿದೆ-8.7 ಪ್ರತಿಶತ).

aaeaaqaaaaaaaatvaaaajdczmjjjodfjlwu4mzytndg1ns04otzjlwi0njfiy2zjodhmoa

ಮೇಕ್ ಇನ್ ಇಂಡಿಯಾ, ಸ್ಟಾರ್ಟ್ಅಪ್ ಇಂಡಿಯಾ ಮತ್ತು ಡಿಜಿಟಲ್ ಇಂಡಿಯಾದಂಥ ಯೋಜನೆಗಳ ಮೊದಲನೇ ಉದ್ದೇಶ ದೇಶದಲ್ಲಿ ಎಲ್ಲರನ್ನೂ ಒಳಗೊಂಡ ಉದ್ಯೋಗಗಳನ್ನು ಸೃಷ್ಟಿಸಬೇಕು.

ಏಪ್ರಿಲ್ ಮತ್ತು ಡಿಸೆಂಬರ್ 2015ರ ನಡುವೆ ನಡೆಸಲಾದ ಈ ಸಮೀಕ್ಷೆಯಲ್ಲಿ ದೇಶಾದ್ಯಂತ ಸುಮಾರು 1.6 ಲಕ್ಷ ಕುಟುಂಬಗಳ 7.8 ಲಕ್ಷ ಜನರು ಪಾಲ್ಗೊಂಡಿದ್ದರು. ನಿರೀಕ್ಷಿಸಿದಂತೆಯೇ, ಗ್ರಾಮೀಣ ಪ್ರದೇಶಗಳಿಗೆ ಹೋಲಿಸಿದರೆ ನಗರ ಪ್ರದೇಶಗಳು ಹೆಚ್ಚು ಆದಾಯವಿರುವ ಉದ್ಯೋಗಗಳನ್ನು ಮತ್ತು ಹೆಚ್ಚು ಉದ್ಯೋಗಗಳನ್ನು ಒದಗಿಸುತ್ತಿವೆ.

ಜೂನ್ 2014ರಂದು ಮೋದಿ ಸರಕಾರ ಅಧಿಕಾರಕ್ಕೆ ಬಂದ ನಂತರ ದೇಶದಲ್ಲಿ ಕೈಗೊಳ್ಳಲಾದ ಅತಿದೊಡ್ಡ ಸಮೀಕ್ಷೆಯಿದು. ಎನ್ಡಿಎ ಸರಕಾರ ಉದ್ಯೋಗಗಳ ಸೃಷ್ಟಿಗೆ ಹಲವು ನೀತಿಗಳನ್ನು ಜಾರಿಗೆ ತಂದ ಹೊರತಾಗಿಯೂ ವಾಸ್ತವದಲ್ಲಿ ಅದರಿಂದ ಹೆಚ್ಚಿನ ಪ್ರಯೋಜನವಾಗಿಲ್ಲ ಎನ್ನುವುದನ್ನು ಈ ಸಮೀಕ್ಷೆ ಸಾರುತ್ತಿದೆ. ಅಂದರೆ ಗ್ರೌಂಡ್ ರಿಯಾಲಿಟಿ ಯುಪಿಎ ಆಡಳಿತಾವಧಿಯಲ್ಲಿ ಎಷ್ಟು ಸಂಕಷ್ಟದಲ್ಲಿತ್ತೋ ಈಗಲೂ ಹಾಗೆಯೇ ಇದೆ.

ದೇಶದಲ್ಲಿ ನಿರುದ್ಯೋಗ ಪ್ರಮಾಣ 2009-2010: 9.3 ಪ್ರತಿಶತ, 2011-2012: 3.89 ಪ್ರತಿಶತ, 2012-2013: 4.7 ಪ್ರತಿಶತ ಮತ್ತು 2013-2014ರಲ್ಲಿ ಈ ಪ್ರಮಾಣ 4.9 ಪ್ರತಿಶತದಷ್ಟಿತ್ತು.

ಅಲ್ಲದೇ ಈ ಸಮೀಕ್ಷೆಯಲ್ಲಿ ಭಾಗಿಯಾದವರಲ್ಲಿ 47 ಪ್ರತಿಶತ ಕುಟುಂಬಗಳು ಜೀವನ ನಿರ್ವಹಣೆಗೆ ಸ್ವಂತ ಉದ್ಯೋಗ ಮಾಡುತ್ತಿವೆ(ರೈತರು, ಕಿರಾಣಿ ಅಂಗಡಿಯವರು ಇತ್ಯಾದಿ). ಆದರೆ ಇದರಲ್ಲೂ 85 ಪ್ರತಿಶತ ಕುಟುಂಬಗಳ ತಿಂಗಳ ಆದಾಯ 10 ಸಾವಿರ ರೂಪಾಯಿಗಳಿಗಿಂತಲೂ ಕಡಿಮೆಯಿದೆ!

3b4f6ab

ಇತ್ತೀಚೆಗೆ ಎಕನಾಮಿಕ್‌ ಟೈಮ್ಸ್‌ ಪತ್ರಿಕೆಯ ಮಾಲಿನಿ ಗೋಯಲ್‌ಗೆ ನೀಡಿದ ಸಂದರ್ಶನದಲ್ಲಿ ಅಕ್ಷಯ್ ಕೊಠಾರಿ ಮಾತನಾಡಿದ್ದಾರೆ. ಸಂದರ್ಶನದ ಆಯ್ದ ಭಾಗ ಇಲ್ಲಿದೆ.

ಭಾರತದ ಉದ್ಯೋಗ ಮಾರುಕಟ್ಟೆಯಲ್ಲಿ ನೀವು ಗಮನಿಸಿರುವ ಒಂದು ಆಸಕ್ತಿಕರ ಅಂಶ ಯಾವುದು?

– ಭಾರತವು ಒಂದು ಸಕ್ರಿಯ ಉದ್ಯೋಗಾನ್ವೇಷಿ ಮಾರುಕಟ್ಟೆಯಾಗಿ ವಿಭಿನ್ನವಾಗಿ ನಿಲ್ಲುತ್ತದೆ. ನಮ್ಮ ಸಂಸ್ಥೆಯ ವತಿಯಿಂದ ಒಂದು ಖಾಸಗಿ ಕಾರ್ಯಾಗಾರ ಹಮ್ಮಿಕೊಂಡಿದ್ದೆವು. ಕಾರ್ಯಾಗಾರದಲ್ಲಿ ಪಾಲ್ಗೊಂಡವರಿಗೆ,”ಎಷ್ಟು ಮಂದಿ ಈಗ ನಿಮ್ಮ ಡ್ರೀಮ್‌ ಜಾಬ್‌ನಲ್ಲಿದ್ದೀರಿ?” ಎಂದು ಕೇಳಿದಾಗ, ಅವರೆಲ್ಲರೂ ಕೈ ಎತ್ತಿದರು. ನಂತರ ಇನ್ನೊಂದು ಪ್ರಶ್ನೆ ಎದುರಿಟ್ಟೆವು: ”ನಿಮ್ಮಲ್ಲಿ ಎಷ್ಟು ಜನ ಹೊಸ ಉದ್ಯೋಗವನ್ನು ಹುಡುಕುತ್ತಿದ್ದೀರಿ?”. ಈ ಪ್ರಶ್ನೆಗೂ ಎಲ್ಲರೂ ಕೈ ಎತ್ತಿದರು!

 ಭಾರತ ಮತ್ತು ಅಮೆರಿಕದಲ್ಲಿನ ನಿಮ್ಮ ಮಾರುಕಟ್ಟೆಯಲ್ಲಿ ಏನು ವ್ಯತ್ಯಾಸವಿದೆ?

-ಅಮೆರಿಕದಲ್ಲಿ ನಮಗೆ 13 ಕೋಟಿಗೂ ಹೆಚ್ಚು ಸದಸ್ಯರಿದ್ದಾರೆ. ಆದರೆ ಅಲ್ಲಿನ ಬಹುತೇಕ ಬಳಕೆದಾರರಲ್ಲಿ ನಿಷ್ಕ್ರಿಯತೆ ಹೆಚ್ಚು. 2016ರ ಟ್ಯಾಲೆಂಟ್‌ ಟ್ರೆಂಡ್‌ನ ಪ್ರಕಾರ, ಭಾರತದಲ್ಲಿ 42 ಪ್ರತಿಶತ ಸಕ್ರಿಯ ಪ್ರತಿಭಾನ್ವಿತರಿದ್ದಾರೆ. ಜಾಗತಿಕ ಮಾರುಕಟ್ಟೆಯ ಸರಾಸರಿಗೆ(36 ಪ್ರತಿಶತ) ಹೋಲಿಸಿದರೆ ಭಾರತ ಮುಂದಕ್ಕಿದೆ. ಭಾರತಕ್ಕೆ ಯುವ ಶಕ್ತಿಯ ತಳಪಾಯವಿದೆ. ಉಳಿದ ದೇಶಗಳಿಗಿಂತ ಭಾರತ ಬಹಳ ವೇಗವಾಗಿ ಬೆಳೆಯುತ್ತಿದೆ.

ಭಾರತದ ಯುವ ತಲೆಮಾರಿನ ಭವಿಷ್ಯ ಹೇಗಿರಲಿದೆ ಎಂದು ನೀವು ಭಾವಿಸುತ್ತೀರಿ?

– ಪ್ರತಿ ವರ್ಷವೂ ಭಾರತ 1 ರಿಂದ 1 ಕೋಟಿ 20 ಲಕ್ಷ ಹೊಸ ಉದ್ಯೋಗಿಗಳನ್ನು ಹುಟ್ಟುಹಾಕುತ್ತಿದೆ. ಭಾರತ ಎದುರಿಸುತ್ತಿರುವ ಅತಿ ದೊಡ್ಡ ಸಮಸ್ಯೆಯೆಂದರೆ, ಈ ಪ್ರಮಾಣದಲ್ಲಿ ಹೊರಬರುತ್ತಿರುವವರಿಗೆ ಉದ್ಯೋಗಗಳನ್ನು ಒದಗಿಸುವುದು. ನೀವು ಕಂಪೆನಿಗಳೊಂದಿಗೆ ಮಾತನಾಡಿ ನೋಡಿ-”ಸರಿಯಾದ ಕೌಶಲವಿರುವ ಪದವೀಧರರು ನಮಗೆ ಸಿಗುತ್ತಿಲ್ಲ,” ಎಂದು ಅವು ದೂರುತ್ತವೆ. ಕಾಲೇಜಿನಲ್ಲಿ ಕಲಿಯುವ ಕೌಶಲ್ಯಕ್ಕೂ, ಉದ್ಯೋಗ ಮಾರುಕಟ್ಟೆಗೆ ಅವಶ್ಯಕವಿರುವ ಕೌಶಲ್ಯಕ್ಕೂ ವ್ಯತ್ಯಾವಿದೆ. ನಾನು ಇತ್ತೀಚೆಗೆ ನಾಸಿಕ್‌, ಮೀರಟ್‌ ಮತ್ತು ದುರ್ಗಾಪುರದಂಥ ಚಿಕ್ಕ ನಗರಗಳಿಗೆ ಹೋಗಿದ್ದೆ. ಅಲ್ಲಂತೂ ಪರಿಸ್ಥಿತಿ ತೀರಾ ಗಂಭೀರವಾಗಿದೆ. ಹೇಗೆ ಉದ್ಯೋಗ ಹುಡುಕಬೇಕು, ಹೇಗೆ ರೆಸ್ಯೂಮ್‌ ತಯಾರಿಸಬೇಕು, ಹೊಸ ಉದ್ಯೋಗಗಳು ಎಲ್ಲಿವೆ ಎನ್ನುವ ಬಗ್ಗೆ ಬಹಳಷ್ಟು ವಿದ್ಯಾರ್ಥಿಗಳಿಗೆ ಗೊತ್ತೇ ಇಲ್ಲ. ನಮ್ಮ ಸಂಸ್ಥೆ ಈ ಸಮಸ್ಯೆಯನ್ನು ಬಗೆಹರಿಸುವಲ್ಲಿ ಪ್ರಮುಖ ಪಾತ್ರ ವಹಿಸಬಲ್ಲದು. ನಾವು ಪಟ್ಟಣ ಮತ್ತು ಚಿಕ್ಕ ನಗರಗಳ ವಿದ್ಯಾರ್ಥಿಗಳಿಗೆ ಉದ್ಯೋಗ ಮಾರುಕಟ್ಟೆಯ ಮಾಹಿತಿ ಸುಲಭವಾಗಿ ಸಿಗುವಂತೆ ಮಾಡಿ, ಸಮಾನ ಅವಕಾಶ ಸೃಷ್ಟಿಸಲು ಸಾಧ್ಯವಿದೆ. ಉದಾಹರಣೆಗೆ, ಭವಿಷ್ಯದ ಉದ್ಯೋಗಗಳ ಬಗ್ಗೆ ನಾವು ಅವರಿಗೆ ಮಾಹಿತಿ ನೀಡಿ, ಅಂಥ ಉದ್ಯೋಗಗಳನ್ನು ಪಡೆಯಲು ಬೇಕಿರುವ ಕೌಶಲ್ಯಗಳ್ಯಾವುವು ಎನ್ನುವುದನ್ನು ತಿಳಿಸಿದರೆ, ಅವರಿಗೆ ಸಹಾಯವಾಗುತ್ತದೆ. ಲಿಂಡಾ.ಕಾಂನಂಥ ಶಿಕ್ಷ ಣ ವೇದಿಕೆಗಳು(2015ರಲ್ಲಿ ಲಿಂಕ್ಡಿನ್‌ ಇದನ್ನು 1.5 ಶತಕೋಟಿ ಡಾಲರ್‌ಗೆ ಖರೀದಿಸಿತು) ಈ ನಿಟ್ಟಿನಲ್ಲಿ ಸಹಕಾರಿ.

ಜಾಗತಿಕವಾಗಿ ಇದು ಎಷ್ಟು ಪ್ರಸ್ತುತ?

– ಇತ್ತೀಚೆಗೆ ನಮ್ಮ ಸಂಸ್ಥೆ ಏಷ್ಯಾ-ಪೆಸಿಫಿಕ್‌ನಲ್ಲಿ ಕೈಗೊಂಡ ಸಮೀಕ್ಷೆ ಇದೇ ಸಂಗತಿಯನ್ನೇ ಹೇಳುತ್ತಿದೆ. ಈ ವರದಿಯ ಪ್ರಕಾರ, ಎರಡು ದಶಕದ ಹಿಂದಿನ ಪರಿಸ್ಥಿತಿಗೆ ಹೋಲಿಸಿದರೆ, ಈಗಿನ ಪದವೀಧರರು ತಮ್ಮ ಮೊದಲ ಉದ್ಯೋಗ ಪಡೆಯಲು ಬಹಳ ಕಷ್ಟ ಎದುರಿಸುತ್ತಿದ್ದಾರೆ. ಈ ಸಮೀಕ್ಷೆಯಲ್ಲಿ ಪಾಲ್ಗೊಂಡ ಮುಕ್ಕಾಲು ಪ್ರತಿಶತ ಮಂದಿ, ಮೊದಲ ಉದ್ಯೋಗಕ್ಕಾಗಿ ತಾವು 3 ತಿಂಗಳು ಕಾಯಬೇಕಾಯಿತು ಎನ್ನುತ್ತಾರೆ. ಕಾಲೇಜು ವಿದ್ಯಾರ್ಥಿಗಳ ಸಮಸ್ಯೆಗಳನ್ನು ಬಗೆಹರಿಸುವ ವಿಷಯದಲ್ಲಿ ನಾವಿನ್ನೂ ಮೊದಲ ಹಂತದಲ್ಲಿದ್ದೇವೆ. ಆದರೆ ಈ ದಿಸೆಯಲ್ಲಿ ಬಹಳ ಸಮಯ ಮತ್ತು ಶ್ರಮವನ್ನು ಮೀಸಲಿಡುತ್ತಿದ್ದೇವೆ.

ಅಮೆರಿಕದ ಸಿಲಿಕಾನ್‌ ವ್ಯಾಲಿಯಿಂದ ಬಂದಿರುವ ನಿಮಗೆ, ಭಾರತದ ಸ್ಟಾರ್ಟ್‌ಅಪ್‌ ವಾತಾವರಣದ ಬಗ್ಗೆ ಏನನಿಸುತ್ತದೆ?

-ಸ್ಟಾನ್‌ಫೋರ್ಡ್‌ ಅಥವಾ ಸ್ಯಾನ್‌ಫ್ರಾನ್ಸಿಸ್ಕೋದಲ್ಲಿ ಶತಕೋಟಿ ಡಾಲರ್‌ ವ್ಯವಹಾರ ನಡೆಸುತ್ತಿರುವ ಉದ್ಯಮಿಗಳು ನಿಮಗೆ ಎಲ್ಲೆಡೆಯೂ ಸಿಗುತ್ತಾರೆ. ಇದಕ್ಕೆ ಹೋಲಿಸಿದರೆ ಭಾರತದ ಸ್ಟಾರ್ಟ್‌ಅಪ್‌ ವಾತಾವರಣ ಇನ್ನೂ ಅಂಬೆಗಾಲಿಡುತ್ತಿದೆ. ಅಲ್ಲಿನ ಹೂಡಿಕೆದಾರರ ಸಮೂಹ ಹೆಚ್ಚು ಪ್ರಬುದ್ಧವಾಗಿದೆ. ಇನ್ನು, ಒಂದು ಸ್ಟಾರ್ಟ್‌ಅಪ್‌ ಕೇಂದ್ರವಾಗಿ ಬೆಂಗಳೂರು ಈಗಷ್ಟೇ ತನ್ನ ಮೊದಲ ಇನ್ನಿಂಗ್ಸ್‌ ಮುಗಿಸಿ ಎರಡನೆಯದಕ್ಕೆ ಸಜ್ಜಾಗುತ್ತಿದೆ. ನನ್ನಲ್ಲಿ ಉತ್ಸಾಹ ಹುಟ್ಟಿಸುತ್ತಿರುವ ಅಂಶವೆಂದರೆ ಬೆಂಗಳೂರಿನ ಸ್ಟಾರ್ಟ್‌ಅಪ್‌ಗಳು ಪ್ರಾಡಕ್ಟ್ಗಳನ್ನು ತಯಾರಿಸುತ್ತಿವೆ ಮತ್ತು ಭಾರತದ ಸಮಸ್ಯೆಯನ್ನು ಪರಿಹರಿಸಲು ಮುಂದಾಗುತ್ತಿವೆ. ಜಾಗತಿಕವಾಗಿ ಪ್ರಸ್ತುತವಾದ ಉತ್ಪನ್ನಗಳನ್ನು ನಿರ್ಮಿಸುವ ಹಾದಿಯಲ್ಲಿ ಅವು ಸಾಗುತ್ತಿವೆ.

ಮೂಲ: ವಿಜಯ್ ಕರ್ನಾಟಕ