ಪ್ರತಿ ತಿಂಗಳು ಕಿರಾಣಿ ಸಾಮಾಗ್ರಿಗಳ ಮೇಲೆ ಉಳಿತಾಯ ಮಾಡಬೇಕೆ..? ಹಾಗಾದರೆ ಈ ಟಿಪ್ಸ್ ಗಳನ್ನು ತಪ್ಪದೆ ಫಾಲೋ ಮಾಡಿ….

0
1246

ತಮ್ಮ ದಿನನಿತ್ಯದ ಅಗತ್ಯಗಳನ್ನು ಪೂರೈಸಿಕೊಳ್ಳಲು ಕಿರಾಣಿ ಸಾಮಾಗ್ರಿಗಳ ಖರೀದಿಯಲ್ಲಿ, ಗುಣಮಟ್ಟ, ಹಣ ಉಳಿತಾಯ ಮಾಡಿಕೊಳ್ಳುತ್ತಿರುವ ಗ್ರಾಹಕರಿಗೆ ಇಲ್ಲಿದೆ ಒಂದು ಟಿಪ್ಸ್

ನೀವು ಸಂಬಳದ ಉದ್ಯೋಗಿಯಾಗಿದ್ದೀರಾ..? ಸಾಮಾನ್ಯವಾಗಿ ಸೂಪರ್ಮಾರ್ಕೆಟ್ಗೆ ಹೋಗುವಾಗ ನೀವು ಏನನ್ನು ಖರೀದಿಸಬೇಕೆಂಬುದರ ಬಗ್ಗೆ ಅಂದಾಜು ಕಲ್ಪನೆಯೊಂದಿಗೆ ಹೋಗುತ್ತೀರಾ. ನಮಗೊಂದು ಕೆಟ್ಟ ಚಾಳಿಯಿದೆ. ಡಿಸ್ಕೌಂಟ್‌ನಲ್ಲಿ ಏನಾದರೂ ಖರೀದಿಸಿ, ಅಲ್ಲಿ ಉಳಿದ ದುಡ್ಡನ್ನು ಇನ್ನೆಲ್ಲೋ ಖರ್ಚು ಮಾಡುವುದು. ಅಥವಾ ಈ ತಿಂಗಳು ಕಿರಾಣಿ ಖರ್ಚು ಸ್ವಲ್ಪ ಕಡಿಮೆ ಬಂತು ಎಂದು ಅದರಲ್ಲಿ ಉಳಿದ ದುಡ್ಡಿನಲ್ಲಿ ಇನ್ನೇನಾದರೂ ಖರೀದಿಸುವುದು. ಕೆಲವು ಸಮಯದಲ್ಲಿ ನೀವು ಅಂದುಕೊಳ್ಳುವುದಕ್ಕಿಂತ ಜಾಸ್ತಿ ಬಿಲ್ ಆಗಿಹೋಗೋದು. ಇಂತಹ ಹತ್ತು ಹಲವು ಸಮಸ್ಯೆಗಳಿಂದ ಕೂಡಲೇ ಹೊರಬಂದು, ನಿಮ್ಮದೇ ಹಣಕಾಸಿನ ಪರಿಸ್ಥಿತಿ ಕುರಿತು ಚಿಂತನೆ ನಡೆಸಲು ಶುರುಮಾಡಿ.

ಪ್ರತಿ ತಿಂಗಳು ಆಗುತ್ತಿರುವ ಕಿರಾಣಿ ಖರ್ಚು-ವೆಚ್ಚಗಳ ಪಟ್ಟಿಯ ಮೇಲೆ ಕಣ್ಣಾಡಿಸಿ. ಅದರಲ್ಲಿ ಯಾವುದು ಅನಿವಾರ‌್ಯ ವಸ್ತು ಮತ್ತು ಯಾವುದು ಅನಗತ್ಯ ವಸ್ತು ಎಂಬುದನ್ನು ಪಟ್ಟಿ ಮಾಡಿ. ಅನಗತ್ಯ ವೆಚ್ಚಗಳನ್ನು ದೂರ ಮಾಡಿ. ಇದಕ್ಕೆ ದಢ ನಿಶ್ಚಯ ಅಗತ್ಯ. ನಿಮ್ಮದೇ ಆದ ಜೀವನ ಶೈಲಿಯನ್ನು ರೂಪಿಸಿಕೊಂಡರೆ, ಹಣ ಉಳಿಸುವುದು ಎಷ್ಟು ಸುಲಭ ಎಂದು ನೀವೇ ಆಶ್ಚರ‌್ಯಕ್ಕೆ ಒಳಗಾಗುತ್ತೀರಿ. ಇದರಿಂದ ಜಾಸ್ತಿ ಏನು ಉಳಿತಾಯವಾಗುತ್ತದೆ ಅಂತ ಯೋಚಿಸುತ್ತಿದ್ದೀರಾ..? ಇದರಿಂದ ನಿಮ್ಮ ಉಳಿತಾಯದಲ್ಲಿ ವ್ಯತ್ಯಾಸವಾಗುತ್ತದೆ. ಸ್ವಲ್ಪ ಉಳಿತಾಯ ನಿಮಗೆ ಪ್ರತಿ ತಿಂಗಳು ನಿವ್ವಳವಾಗಿ ಉಳಿಯುತ್ತದೆ.

ಕಿರಾಣಿ ಬಿಲ್ ಅನ್ನು ತಿಂಗಳಿಗೆ 1,500 ರೂಪಾಯಿಗಳಷ್ಟು ಹಣಕಾಸು ಉಳಿತಾಯಕ್ಕಾಗಿ ಇಲ್ಲಿ ತುಂಬಾ ಸರಳವಾಗಿರುವ ಕೆಲವು ಟಿಪ್ಸ್ ಗಳನ್ನು ನೀಡಲಾಗಿದೆ.

1. ದಿನಸಿ ಹಾಗೂ ಇತರ ಸಾಮಾಗ್ರಿಗಳಿಗಾಗಿ ಎಷ್ಟು ಖರ್ಚು ಮಾಡಬೇಕು ಎಂಬುದನ್ನು ಮುಂಚಿತವಾಗಿಯೇ ನಿರ್ಧರಿಸಬೇಕು. ಇದರಿಂದಾಗಿ ನೀವು ಎಚ್ಚರಿಕೆಯಿಂದ ಹಣ ವ್ಯಯಿಸಬಹುದಲ್ಲದೇ ದೈನಂದಿನ ಬಜೆಟ್ ಸ್ಥಿರವಾಗಿರುವಂತೆ ನೋಡಿಕೊಳ್ಳಬಹುದು. ಪ್ರತಿತಿಂಗಳು ಕಿರಾಣಿಗೆ ಆಗುವ ಖರ್ಚುನ್ನು ಬರೆದಿಡುವುದು ಉತ್ತಮ ಹವ್ಯಾಸ. ಇದರಿಂದ ನಿಮಗೆ ಗೊತ್ತಾಗುತ್ತೆ ಯಾವ ತಿಂಗಳು ಎಷ್ಟು ಖರ್ಚಾಗಿದೆ ಎಂದು.

2. ದೊಡ್ಡ ಸೂಪರ್ಮಾರ್ಕೆಟ್ಗಳಿಗಿಂತ ಸಣ್ಣ ಕಿರಾಣಿ ಮಳಿಗೆಗಳಲ್ಲಿ ಶಾಪಿಂಗ್ ಮಾಡಿ. ನೀವು ಹತ್ತಿರದ ಕಿರಾಣಿ ಅಂಗಡಿಗೆ ಹೋದಾಗ, ನೀವು ಅಂಗಡಿ ಮಾಲೀಕರಿಗೆ ಪಟ್ಟಿಯನ್ನು ನೀಡುತ್ತೀರಿ. ಅವರು ನೀವು ಕೊಟ್ಟಿರುವ ಪಟ್ಟಿಯಲ್ಲಿ ಇರುವಂಥ ಸಾಮಾನುಗಳನ್ನು ಮಾತ್ರ ಹಾಕಲಾಗುತ್ತದೆ. ಇದರಿಂದ ಬೇಡವಾದ ವಸ್ತುಗಳು ಆ ಪಟ್ಟಿಯಲ್ಲಿ ಸೇರಿಸುವುದಿಲ್ಲ. ಅಷ್ಟೇ ಅಲ್ಲ ಕಿರಾಣಿ ಅಂಗಡಿಗಳು ರೆಗ್ಯುಲರ್ ಗ್ರಾಹಕರಿಗೆ ರಿಯಾಯಿತಿಗಳು ಮತ್ತು ಉಚಿತ ವಿತರಣೆಯನ್ನು ನೀಡುತ್ತವೆ.

3. ಸೂಪರ್ಮಾರ್ಕೆಟ್ಗಳ ವ್ಯಾಪಾರೋದ್ಯಮ ತಂತ್ರಗಳನ್ನು ಅರ್ಥಮಾಡಿಕೊಳ್ಳಿ

ಈ ಕೆಳಗಿನವುಗಳನ್ನು ನೀವು ಗಮನಿಸಿದ್ದೀರಾ?

  • ಡೈರಿ ಉತ್ಪನ್ನಗಳನ್ನು ಹೆಚ್ಚಾಗಿ ಸೂಪರ್ ಮಾರ್ಕೆಟ್ನ ತುದಿಯಲ್ಲಿ ಇರಿಸಲಾಗುತ್ತದೆ.

  • ಅತಿಹೆಚ್ಚು ಬೆಲೆಬಾಳುವ ವಸ್ತುಗಳನ್ನು ಅನೇಕವೇಳೆ ಸೂಪರ್ಮಾರ್ಕೆಟ್ ಕಪಾಟಿನಲ್ಲಿ ಕಣ್ಣಿನ ಮಟ್ಟದಲ್ಲಿ ಇರಿಸಲಾಗುತ್ತದೆ

  • ಬಿಲ್ಲಿಂಗ್ ಕೌಂಟರ್ ಬಳಿ ಇರಿಸಿದ ಚಾಕಲೇಟ್ ಐಟಂಗಳನ್ನು ತೆಗೆದುಕೊಳ್ಳಲು ತ್ವರಿತವಾಗಿರುತ್ತವೆ.

ನೀವು ಹೆಚ್ಚಿನ-ಮಾರ್ಜಿನ್ ಉತ್ಪನ್ನಗಳನ್ನು ಖರೀದಿಸಲು ಸೂಪರ್ಮಾರ್ಕೆಟ್ಗಳಲ್ಲಿ ಬಳಸಿಕೊಳ್ಳುವ ಮಾರ್ಕೆಟಿಂಗ್ ತಂತ್ರಗಳು. ಅವುಗಳನ್ನು ಅರ್ಥಮಾಡಿಕೊಳ್ಳಿ, ತದನಂತರ ಅವುಗಳನ್ನು ನಿರ್ಲಕ್ಷಿಸಿ.

4. ನಿಮ್ಮ ಶಾಪಿಂಗ್ ಪಟ್ಟಿಯಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ವಸ್ತುಗಳನ್ನು ಖರೀದಿಸಲು ಹೋದಾಗ ಇದು ನಿಮಗೆ ಅಗ್ಗವಾಗಿದರುತ್ತದೆ. ಕೆಲವೊಮ್ಮೆ ತಯಾರಕರು ಹೆಚ್ಚಿನ ಪ್ರಮಾಣದಲ್ಲಿ ಬೆಲೆಯನ್ನು ಕಡಿಮೆ ಮಾಡುತ್ತಾರೆ (ಉದಾಹರೆಣೆಗೆ 5 ಕೆ.ಜಿ ಪ್ಯಾಕ್ ಅನ್ನು ಖರೀದಿಸಿದಾಗ 1 ಕೆ.ಜಿ. ಉಚಿತ). ಇಂತಹ ಸಾಮಾನುಗಳನ್ನು ಪಟ್ಟಿ ಮಾಡಿಕೊಂಡಿರಿ. ನೀವು ಕಾಲಕಾಲಕ್ಕೆ ಬಳಸಿಕೊಳ್ಳುವ ದೊಡ್ಡ ಪ್ರಮಾಣದ ವಸ್ತುಗಳನ್ನು ಮಾತ್ರ ಖರೀದಿಸಿ.

5. ನೀವು ನೆನಪಿಟ್ಟುಕೊಳ್ಳಬೇಕಾದ ಇನ್ನೊಂದು ವಿಷಯ ಏನೆಂದರೆ. ಪೂರ್ವ-ಕಟ್ ಸಲಾಡ್ ಮಿಶ್ರಣವನ್ನು ಖರೀದಿಸುವುದಕ್ಕಿಂತ ಹೆಚ್ಚಾಗಿ ತಾಜಾ ಸಲಾಡ್ ತಯಾರಿಸಲು ಘಟಕಗಳನ್ನು ಖರೀದಿಸಲು ಮುಂದಾಗಿ ಇದು ಅಗ್ಗವಾಗಿರುತ್ತದೆ. ಕಡಿಮೆ ಸಂಸ್ಕರಣೆಯನ್ನು ಒಳಗೊಂಡಿರುವ ಸರಳವಾದ ಆಹಾರ ಪದಾರ್ಥಗಳನ್ನು ಮಾತ್ರ ಕೊಂಡುಕೊಳ್ಳಿ.

6. ನೀವು ಹಸಿದಿರುವಾಗ ಎಂದಿಗೂ ಶಾಪಿಂಗ್ ಮಾಡಲು ಹೋಗದಿರಲು ಹೆಚ್ಚಿನ ತಜ್ಞರು ಸಲಹೆ ನೀಡುತ್ತಾರೆ. ತಾರ್ಕಿಕ ಕ್ರಿಯೆಯು ನೀವು ಉದ್ವೇಗ ಖರೀದಿಗಳಿಗೆ ಒಳಗಾಗುವಂತಾಗುತ್ತದೆ ಅಂತೇ.

ನೀವು ಈ ರೀತಿಯಾದ ಕಿರಾಣಿ ಸಾಮಾನುಗಳನ್ನು ಶಾಪಿಂಗ್ ಮಾಡುವಾಗ ಅದರಲ್ಲಿ ಹಣವನ್ನು ಉಳಿಸಲು ಅನೇಕ ಮಾರ್ಗಗಳಿವೆಯೇ? ಹಾಗಾದರೆ ಕಾಮೆಂಟ್ ವಿಭಾಗವನ್ನು ಬಳಸಿಕೊಂಡು ನಿಮ್ಮ ಸಲಹೆಗಳನ್ನು ಹಂಚಿಕೊಳ್ಳಿ.