ಭಾರತೀಯ ವಾಯುಪಡೆಯಲ್ಲಿ ಅಪಘಾತಕ್ಕೀಡಾಗಿ ಸಾವನ್ನಪ್ಪಿದ್ದ ಮಗನ ನೆನಪಿಗಾಗಿ 350 ಸ್ಲಂ ಮಕ್ಕಳಿಗೆ ಉಚಿತ ಶಿಕ್ಷಣ ನೀಡುತ್ತಿರುವ ದಂಪತಿಗಳು.!

0
87

ದೇಶ ಸೇವೆಗಾಗಿ ಪ್ರಾಣ ತ್ಯಾಗ ಮಾಡಿದ ಯೋಧರ ಮನೆಯಲ್ಲಿ ಮರೆಯಲಾಗದ ನೋವು ಆವರಿಸಿರುತ್ತೆ, ಇಂತಹ ನೋವನ್ನು ಅನುಭವಿಸುತ್ತಿರುವ ಲಕ್ಷಾಂತರ ಕುಟುಂಬಗಳು ಇಂದು ಮಕ್ಕಳ ನೆನಪಲ್ಲಿ ಜೀವನ ನಡೆಸುತ್ತಾರೆ. ಇಂತಹದೇ ನೋವಿನಲ್ಲಿರುವ ತಂದೆ-ತಾಯಿಗಳು ವಾಯುಸೇನೆಯಲ್ಲಿದ್ದ ಮಗನ ಸಾವಿನ ನೋವು ಮರೆಯಲು ನೋವು ಮರೆಯಲು ಅವರಿಬ್ಬರು ಒಂದು ನಿರ್ಧಾರಕ್ಕೆ ಬಂದರು. ಶಿಕ್ಷಣದಿಂದ ವಂಚಿತರಾಗಿರುವ ಮಕ್ಕಳಿಗೆ ಉತ್ತಮ ಶಿಕ್ಷಣ ಕೊಟ್ಟು, ದೇಶಕ್ಕಾಗಿ ಒಳ್ಳೆಯ ಸೇವೆ ಸಲ್ಲಿಸುವಂತೆ ಮಾಡುತ್ತಿದ್ದು ಮಾದರಿ ವ್ಯಕ್ತಿಗಳಾಗಿದ್ದಾರೆ.

ಹೌದು ಭಾರತೀಯ ವಾಯುಪಡೆಯಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ಶಿಶಿರ್ ನೆನಪಿಗಾಗಿ ​ನಿವೃತ್ತ ಗ್ರೂಪ್​ ಕ್ಯಾಪ್ಟನ್​​ ಶರದ್ ತೆವಾರಿ​ ಮತ್ತು ಸಾಮಾಜಿಕ ಕಾರ್ಯಕರ್ತೆ ಸವಿತಾ ತೆವಾರಿ ತಮ್ಮ ಜೀವನವನ್ನು ಸ್ಲಂ ಮಕ್ಕಳ ಏಳಿಗೆಗಾಗಿ ಮುಡುಪಿಟ್ಟಿದ್ದಾರೆ. ಶಹೀದ್​ ಸ್ಕ್ವಾಡ್ರನ್​​ ಲೀಡರ್ ಶಿಶಿರ್​ ತೆವಾರಿ ಮೆಮೋರಿಯಲ್​ ಚಾರಿಟೇಬಲ್ ಟ್ರಸ್ಟ್​’ ನ್ನು ಪ್ರಾರಂಭಿಸಿದರು. ಈ ಸಂಸ್ಥೆಯಡಿಯಲ್ಲಿ ಮೊದಲು ದೆಹಲಿಯ ಯಮುನಾ ಖಾದರ್​​ ಸ್ಲಂನ 100 ಬಡಮಕ್ಕಳಿಗೆ ಶಿಕ್ಷಣ ನೀಡಲು ಶುರು ಮಾಡಿದರು. “ಸ್ಲಂ ಮಕ್ಕಳು ಶಿಕ್ಷಣದಿಂದ ವಂಚಿತರಾಗುತ್ತಾರೆ, ಅವರಿಗೆ ವಿದ್ಯಾಭ್ಯಾಸ ಪಡೆಯಲು ಹೆಚ್ಚಿನ ಅವಕಾಶಗಳು ಇರುವುದಿಲ್ಲ. ದುಸ್ಥಿತಿಯಲ್ಲಿ ಜೀವನ ನಡೆಸುವ ಪೋಷಕರು ತಮ್ಮ ಮಕ್ಕಳಿಗೆ ಶಿಕ್ಷಣ ಕೊಡಿಸದೆ ಕೆಲಸಕ್ಕೆ ಕಳುಹಿಸುತ್ತಾರೆ.

ಸ್ಲಂ ಪ್ರದೇಶಗಳಲ್ಲಿರುವ ಮತ್ತೊಂದು ಪ್ರಮುಖ ಸಮಸ್ಯೆ ಎಂದರೆ ಅನಾರೋಗ್ಯ. ಆರೋಗ್ಯದ ಕಡೆ ಸರಿಯಾಗಿ ಗಮನ ಹರಿಸದೆ ಉದಾಸೀನ ತೋರುತ್ತಾರೆ. ಹೀಗಾಗಿ ನಮ್ಮಲ್ಲಿರುವ ಜ್ಞಾನ ಮತ್ತು ಸಂಪತ್ತನ್ನು ಮಕ್ಕಳಿಗೆ ಧಾರೆ ಎರೆಯಲು ಶ್ರಮಿಸುತ್ತಿದ್ದೇವೆ,” “ನನ್ನ ಮಗ ಶಿಶಿರ್​ ಒಬ್ಬ ಬದ್ಧತೆ ಇರುವ ವ್ಯಕ್ತಿಯಾಗಿದ್ದ. ದೇಶದ ಒಳಿತಿಗಾಗಿ ಪ್ರತಿಯೊಬ್ಬ ಭಾರತೀಯನೂ ತಮ್ಮ ಸ್ವಂತ ಸಾಮರ್ಥ್ಯದಲ್ಲಿ ಏನಾದರೂ ಕೊಡುಗೆ ನೀಡಬೇಕೆಂದು ಯಾವಾಗಲೂ ಹೇಳುತ್ತಿದ್ದ,” ಆದರೆ ದುರಾದೃಷ್ಟವಶಾತ್ 2017ರ ಅ.6ರಂದು ಅರುಣಾಚಲ ಪ್ರದೇಶದ ತವಾಂಗ್​ ಜಿಲ್ಲೆಯಲ್ಲಿ​ Mi-17 V5 ವಿಮಾನ ಅಪಘಾತಕ್ಕೀಡಾಗಿ ಶಿಶಿರ್​ ಸಾವನ್ನಪ್ಪಿದ್ದರು. ಹೀಗಾಗಿ ಮಗನ ಕನಸನ್ನು ನನಸು ಮಾಡಲು ಶರದ್​ ಮತ್ತು ಸವಿತಾ ನಿರ್ಧರಿಸಿದರು. ಘಾಜಿಯಾಬಾದ್​ ನಿವಾಸಿಗಳಾದ ಇವರು, ‘ಶಹೀದ್​ ಸ್ಕ್ವಾಡ್ರನ್​​ ಲೀಡರ್ ಶಿಶಿರ್​ ತೆವಾರಿ ಮೆಮೋರಿಯಲ್​ ಚಾರಿಟೇಬಲ್ ಟ್ರಸ್ಟ್​’ ನ್ನು ಪ್ರಾರಂಭಿಸಿದರು.

ತೆವಾರಿ​ ದಂಪತಿಯ ಶ್ರಮ ಮತ್ತು ಆಸಕ್ತಿಯನ್ನು ಮನಗಂಡು, ಸ್ಲಂ ಕಮಿಟಿ ಸ್ಲಂ ಪ್ರದೇಶದೊಳಗೆ ಶಾಲೆ ತೆರೆಯಲು ಅವಕಾಶ ನೀಡಿದೆ. ಜೊತೆಗೆ ತೆವಾರಿ ದಂಪತಿಯ ಸಂಬಂಧಿಕರು ಇವರ ಉತ್ತಮ ಕಾರ್ಯಕ್ಕೆ ಕೈಜೋಡಿಸಿದ್ದಾರೆ. ಮಕ್ಕಳಿಗೆ ಪುಸ್ತಕ-ಪೆನ್ನು ನೀಡಿದ್ದಾರೆ. ಜೊತೆಗೆ ಧನಸಹಾಯ ಕೂಡ ಮಾಡಿದ್ದಾರೆ. ಕೆಲವು ಸ್ವಯಂ ಸೇವಕರು ಕಾರ್ಯಕ್ರಮದಲ್ಲಿ ತಮ್ಮನ್ನು ತೊಡಗಿಸಿಕೊಳ್ಳುತ್ತಿದ್ಧಾರೆ. ಇವರು ನಡೆಸುತ್ತಿರುವ ಶಾಲೆಯಲ್ಲಿ ವಾರಕ್ಕೆ 5 ದಿನ ತರಗತಿಗಳು ನಡೆಯುತ್ತವೆ. ಪ್ರಸ್ತುತ 1-12ನೇ ತರಗತಿವರೆಗೆ 350 ಮಕ್ಕಳು ಈ ಶಾಲೆಯಲ್ಲಿ ಓದುತ್ತಿದ್ದಾರೆ. ಮಕ್ಕಳಿಗೆ ಪಾಠ ಹೇಳಿಕೊಡಲು, ಹೋಂವರ್ಕ್​ ಮಾಡಿಸಲು 25 ಮಂದಿ ಸ್ವಯಂ ಸೇವಕರು ಇದ್ದಾರೆ. ಗಣಿತ, ಸಮಾಜ ವಿಜ್ಞಾನ ಮತ್ತು ವಿಜ್ಞಾನ ವಿಷಯಗಳನ್ನೂ ಸಹ ಹೇಳಿಕೊಡಲಾಗುತ್ತದೆ.

8-10 ತರಗತಿ ಓದಿದ ಬಳಿಕ ಮುಂದೆ ಓದಲು ಇಚ್ಛಿಸದ ಹೆಣ್ಣುಮಕ್ಕಳಿಗೆ ಬಟ್ಟೆ ಹೊಲಿಯುವ ತರಬೇತಿ ನೀಡಲಾಗುತ್ತಿದೆ. ಸ್ಲಂ ಪ್ರದೇಶಗಳಲ್ಲಿ ಆರೋಗ್ಯಕ್ಕೆ ಹೆಚ್ಚಿನ ಒತ್ತು ನೀಡುತ್ತಿದ್ದೇವೆ. ಆಗಾಗ್ಗೆ ಆರೋಗ್ಯದ ಬಗ್ಗೆ ಜಾಗೃತಿ ಮೂಡಿಸುವ ಕಾರ್ಯಕ್ರಮಗಳನ್ನು ನಡೆಸಲಾಗುತ್ತದೆ. ಕಳೆದ ಒಂದು ವರ್ಷದಲ್ಲಿ ಪಠ್ಯೇತರ ಚಟುವಟಿಕೆಗಳ ಕಡೆ ಹೆಚ್ಚು ಗಮನ ಹರಿಸಲಾಗಿತ್ತು. ಸ್ವಚ್ಛತೆ, ನೈರ್ಮಲ್ಯ ಇನ್ನೂ ಮೊದಲಾದ ವಿಷಯಗಳ ಬಗ್ಗೆ ವಿದ್ಯಾರ್ಥಿಗಳಿಗೆ ಹೇಳಿಕೊಡಲಾಗುತ್ತಿದೆ ಎಂದು ಶಿಶಿರ್​ ತಂದೆ-ತಾಯಿಗಳು ಹೇಳಿದ್ದಾರೆ.