ಆರೋಗ್ಯಕ್ಕೂ ಹಿತ ಹಾಗು ರುಚಿಗೂ ಚೆನ್ನ ಈ ಹಾಗಲಕಾಯಿ ಪಕೋಡ, ಇಂದೇ ಟ್ರೈ ಮಾಡಿ..!!

0
800

ಬೇಕಾಗುವ ಸಾಮಗ್ರಿಗಳು:

  • ಹಾಗಲಕಾಯಿ
  • ಕಡಲೆಹಿಟ್ಟು
  • ಅಕ್ಕಿ ಹಿಟ್ಟು
  • ಬೆಣ್ಣೆ
  • ಅಚ್ಚು ಖಾರದ ಪುಡಿ
  • ಈರುಳ್ಳಿ
  • ಇಂಗು
  • ಜೀರಿಗೆ
  • ಶುಂಠಿ
  • ಕರಿಬೇವು
  • ರುಚಿಗೆ ತಕ್ಕಷ್ಟು ಉಪ್ಪು
  • ಎಣ್ಣೆ

ಮಾಡುವ ವಿಧಾನ :

  • ಮೊದಲು ಹಾಗಲಕಾಯಿಯನ್ನು ತೊಳೆದು ಒಂದು ಭಾಗ ಸೀಳಿ. ಬೀಜ ತೆಗೆದು ತೆಳುವಾಗಿ ಹೋಳುಗಳಾಗಿ ಕತ್ತರಿಸಿ ಅರಿಶಿಣ ಸವರಿ ಐದು ನಿಮಿಷ ಬಿಡಿ.
  • ನಂತರ ಒಂದು ಪಾತ್ರೆಯಲ್ಲಿ ೧ ಕಪ್ ಕಡಲೆ ಹಿಟ್ಟು ಅದಕ್ಕೆ ಸ್ವಲ್ಪ ಅಕ್ಕಿ ಹಿಟ್ಟು ಹಾಕಿ ಅದಕ್ಕೆ ಸ್ವಲ್ಪ ಬೆಣ್ಣೆ, ಅಚ್ಚು ಖಾರದ ಪುಡಿ, ತುರಿದ ಶುಂಠಿ, ಕತ್ತರಿಸಿದ ಕರಿಬೇವು, ಸ್ವಲ್ಪ ಜೀರಿಗೆ, ಇಂಗು, ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ ಸ್ವಲ್ಪ ತೆಳುವಾಗಿ ಬೋಂಡದ ಹಿಟ್ಟಿನಂತೆ ಕಲೆಸಿಕೊಳ್ಳಿ.
  • ಈಗ ಅದರಲ್ಲಿ ಕತ್ತರಿಸಿದ ಹಾಗಲಕಾಯಿಯನ್ನು ಉದ್ದನೇಯದಾಗಿ ಹೆಚ್ಚಿದ ಈರುಳ್ಳಿಯನ್ನು ಸೇರಿಸಿ ಕಾದ ಎಣ್ಣೆಯಲ್ಲಿ ಸ್ವಲ್ಪ ಸ್ವಲ್ಪವೇ ಹಾಕಿ ಹೊಂಬಣ್ಣ ಬರುವವರೆಗೆ ಪಕೋಡದಂತೆ ಕರಿಯಿರಿ.
  • ರುಚಿಯಾದ ಹಾಗಲಕಾಯಿ ಕ್ರಿಸ್ಪಿ ಪಕೋಡ ಸವಿಯಲು ಸಿದ್ದ.