ಕಾಫಿ ಕುರಿತು ಹೊಸ ಅಧ್ಯಯನ; ಪ್ರತಿದಿನ ಕಾಫಿ ಕುಡಿದರೆ ಲಿವರ್‌ ಕ್ಯಾನ್ಸರ್‌ ಬರೋದಿಲ್ಲವಂತೆ.!

0
86

ಪ್ರತಿಯೊಬ್ಬರಿಗೂ ಕಾಫಿ ಅಥವಾ ಟೀ ಎನ್ನುವುದು ದಿನನಿತ್ಯದ ಅಭ್ಯಾಸವಾಗಿದ್ದು, ಬೆಳಗ್ಗೆ ಮತ್ತು ಸಂಜೆ ಕುಡಿದರೆ ಸಮಾದಾನವಾಗುತ್ತೆ. ಇದರಲ್ಲಿ ಕಾಫಿ ಸೇವನೆ ಆರೋಗ್ಯಕ್ಕೆ ಒಳ್ಳೆಯದು ಎನ್ನುವುದು ಮೊದಲಿನಿಂದ ತಿಳಿದು ಬಂದಿದೆ. ಅದರಂತೆ ಕಾಫಿ ಕ್ಯಾನ್ಸರ್ ಕಣಗಳ ವಿರುದ್ಧ ಹೋರಾಡುವ ಗುಣ ಹೊಂದಿದೆ ಎಂದು ಅಧ್ಯಯನಗಳಿಂದ ಕೂಡ ಸಾಬೀತಾಗಿದೆ. ಯಾರು ಇನ್‌ಸ್ಟಾಂಟ್‌ ಕಾಪಿ ಕುಡಿಯುತ್ತಾರೋ ಅವರಿಗೆ ಲಿವರ್‌ ಕ್ಯಾನ್ಸರ್‌, ಕರುಳಿನ ಕ್ಯಾನ್ಸರ್ ಬರುವ ಅಪಾಯ ತುಂಬಾ ಎಂದು ಅಧ್ಯಯನ ಹೇಳಿದೆ.

ಹೌದು ಉತ್ತರ ಐರ್ಲ್ಯಾಂಡ್‌ನ ಬೆಲ್‌ಫಾಸ್ಟ್‌ನ ನಗರದಲ್ಲಿರುವ ಕ್ವೀನ್‌ ಯೂನಿವರ್ಸಿಟಿಯಲ್ಲಿ ನಡೆಸಿದ ಅಧ್ಯಯನದಲ್ಲಿ ಸಾಮಾನ್ಯವಾಗಿ ಕಂಡು ಬರುವ ಹೆಚ್‌ಸಿಸಿ ಲಿವರ್‌ ಕ್ಯಾನ್ಸರ್‌ ತಡೆತಗಟ್ಟುವ ಸಾಮರ್ಥ್ಯ ಕಾಫಿಗಿದೆ ಎಂದು ತಿಳಿದು ಬಂದಿದೆ. ದೇಹಕ್ಕೆ ಉಲ್ಲಾಸ ತುಂಬುವ ಕಾಫಿಗೆ ಕ್ಯಾನ್ಸರ್‌ನಂಥ ಮಾರಕ ಕಾಯಿಲೆ ತಡೆಗಟ್ಟುವ ಸಾಮರ್ಥ್ಯ ಇದೆ ಎಂದು ತಿಳಿದು ಬಂದಿದೆ. ಕಾಫಿ ಕುಡಿಯುವುದರಿಂದ ಇನ್ನೂ ಅನೇಕ ಪ್ರಯೋಜನಗಳನ್ನು ಪಡೆಯಬಹುದಾಗಿದೆ. ಅಲ್ಜಮೈರ್ಸ್, ಟೈಪ್‌ 2 ಡಯಾಬಿಟಿಸ್‌, ಪಾರ್ಕಿನ್ಸನ್‌, ಹೃದಯ ಸಂಬಂಧಿ ಕಾಯಿಲೆ ಹೀಗೆ ಅನೇಕ ಸಮಸ್ಯೆಗಳನ್ನು ತಡೆಗಟ್ಟುವ ಗುಣ ಕಾಫಿಯಲ್ಲಿದೆ.

ಕಾಫಿಯಿಂದ ಯಾವೆಲ್ಲಾ ಆರೋಗ್ಯಕರ ಪ್ರಯೋಜನಗಳನ್ನು ಪಡೆಯಬಹುದೆಂದು ಹಲವಾರ ಸಂಶೋಧನೆಗಳು ನಡೆಯುತ್ತಿವೆ, ಅವುಗಳಲ್ಲಿ ಇತ್ತೀಚೆಗೆ ನಡೆಸಿದ ಸಂಶೋಧನೆಯಲ್ಲಿ ಕಾಫಿ ಕುಡಿಯುವುದರಿಂದ ಲಿವರ್‌ ಕ್ಯಾನ್ಸರ್‌ ಅಪಾಯವನ್ನು ತಡೆಗಟ್ಟಬಹುದು ಎಂಬ ಅಂಶ ಬೆಳಕಿಗೆ ಬಂದಿದೆ. ಈ ಅಧ್ಯಯನವನ್ನು ಸುಮಾರು 7.5ವರ್ಷಗಳವರೆಗೆ ನಡೆಸಲಾಯಿತು. ಕಾಫಿ ಕುಡಿಯುವ ಅಭ್ಯಾಸ ಇರುವ 471,779 ಜನರು ಇದರಲ್ಲಿ ಭಾಗವಹಿಸಿದ್ದರು. ಒಂದು ಅಧ್ಯಯನದಲ್ಲಿ ಇಷ್ಟೊಂದು ಜನರು ಭಾಗವಹಿಸಿರುವುದು ಇದೇ ಮೊದಲು, ಭಾಗವಹಿಸಿದವರಲ್ಲಿ ಹೆಚ್ಚಿನವರು ಮಧ್ಯ ವಯಸ್ಕರಾಗಿದ್ದರು. ಅಧ್ಯಯನದಲ್ಲಿ ಭಾಗವಹಿಸಿದವರಲ್ಲಿ ಕಾಫಿ ಕುಡಿಯದವರಿಗಿಂತ, ಪ್ರತಿದಿನ ಕಾಫಿ ಕುಡಿಯುವ ಅಭ್ಯಾಸ ಇರುವವರಲ್ಲಿ ಕರುಳಿನ ಕ್ಯಾನ್ಸರ್‌ ಅಪಾಯ ತುಂಬಾ ಕಡಿಮೆ ಇತ್ತು.

ಈ ಅಧ್ಯಯನದಲ್ಲಿ ಭಾಗವಹಿಸಿದ 471,779 ಮೂರು ಭಾಗಗಳಾಗಿ ವಿಂಗಡಿಸಲಾಯಿತು, ಅವರಲ್ಲಿ ಕೆಲವೊಂದು ಅಂಶಗಳನ್ನು ಗಮನಿಸಲಾಯಿತು. ಈ ಅಧ್ಯಯನದಲ್ಲಿ ಭಾಗವಹಿಸಿದವರು ಧೂಮಪಾನ ಮಾಡುತ್ತಾರೆಯೇ? ಮದ್ಯಪಾನ ಮಾಡುತ್ತಾರೆಯೇ,ಕೊಲೆಸ್ಟ್ರಾಲ್ ಪ್ರಮಾಣ ಎಷ್ಟಿದೆ ಎಂಬ ಅಂಶಗಳನ್ನು ಗಮನಿಸಲಾಯಿತು. ಇನ್ನು ತಕ್ಷಣವೇ ಮಾಡಬಹುದಾದ ಇನ್‌ಸ್ಟಾಂಟ್‌ ಕಾಫಿಯಂತೂ ಹೆಚ್ಚು ಬಳಕೆಯಲ್ಲಿದೆ. ಲಿವರ್‌ ಕ್ಯಾನ್ಸರ್‌ ತಡೆಗಟ್ಟುವ ಸಾಮರ್ಥ್ಯ ಇನ್‌ಸ್ಟಾಂಟ್‌ ಕಾಫಿಯಲ್ಲಿ ಹೆಚ್ಚಿದೆ ಎಂದು ಅಧ್ಯಯನ ಹೇಳಿದೆ.
ಈ ಕುರಿತು ಮಾತನಾಡಿದ ಅಧ್ಯಯನ ವರದಿಯ ಸಹ ಲೇಖಕ ಮ್ಯಾಕ್‌ಮೆನಮಿನ್‌ ಹೇಳುವ ಪ್ರಕಾರ ‘ಕರುಳಿನ ಕ್ಯಾನ್ಸರ್‌ ತಡೆಗಟ್ಟುವಲ್ಲಿ ಕಾಫಿ ಒಳ್ಳೆಯದೇ? ಅದರಲ್ಲೂ ಯಾವ ಬಗೆಯ ಕಾಫಿ ತುಂಬಾ ಒಳ್ಳೆಯದು ಎಂಬುವುದರ ಕುರಿತು ನಡೆಸಿದ ಮೊದಲ ಅಧ್ಯಯನ ಇದಾಗಿದೆ. ಯಾರು ಇನ್‌ಸ್ಟಾಂಟ್‌ ಕಾಪಿ ಕುಡಿಯುತ್ತಾರೋ ಅವರಿಗೆ ಕರುಳಿನ ಕ್ಯಾನ್ಸರ್ ಬರುವ ಅಪಾಯ ತುಮಬಾ ಕಡಿಮೆ ಇರುತ್ತದೆ’ ಎಂದು ಹೇಳಿದ್ದಾರೆ. ಇನ್ನು ಕಾಫಿ ಕುಡಿಯದವರಿಗಿಂತ ಕಾಫಿ ಕುಡಿಯುವವರಲ್ಲಿ ಮಧುಮೇಹ, ಸಿರೋಸಿಸ್, ಗಾಲ್‌ಸ್ಟೋನ್, ಪೆಪ್ಟಿಕ್ ಅಲ್ಸರ್‌ ಮುಂತಾದ ಅಪಾಯ ಬರುವ ಸಾಧ್ಯತೆ ಕಡಿಮೆ ಇದೆ. ಎಂದು ಅಧ್ಯಯನ ತಿಳಿಸಿದೆ.