ಮಲೆನಾಡಿನವರ ಉತ್ತಮ ಆರೋಗ್ಯದ ಹಿಂದೆ ಇರೋ ಸಬ್ಬಸಿಗೆ ಸೊಪ್ಪಿನ ತಂಬುಳಿ ಮಾಡೋದನ್ನ ಕಲಿಯಿರಿ, ನೀವು ಆರೋಗ್ಯವಂತರಾಗಿರುತ್ತೀರಿ!!

0
550

ಸುವಾಸನೆಯಿಂದ ಕೂಡಿದ ಸಬ್ಬಸಿಗೆ ಸೊಪ್ಪು, ಅಧಿಕ ತೇವಾಂಶ, ನಾರಿನಂಶ, ಕ್ಯಾಲ್ಸಿಯಂ, ಕಬ್ಬಿಣ ಹಾಗೂ ಸಿ ಜೀವಸತ್ವವನ್ನು ಒಳಗೊಂಡಿದೆ. ಈ ಸೊಪ್ಪುನ್ನು ಬಳಸಿ ನಾನಾ ತರಹದ ಅಡುಗೆಗಳಿಗೂ ಬಳಕೆಯಾಗುತ್ತದೆ. ಅದರಲ್ಲಿ ಸಬ್ಬಸ್ಗೆ ಸೊಪ್ಪಿನ ತಂಬುಳಿ ಆರೋಗ್ಯಕ್ಕೂ ಒಳ್ಳೆಯದು. ಸಬ್ಬಸ್ಗೆ ಸೊಪ್ಪಿನ ತಂಬುಳಿ ಸೇವಿಸುವುದರಿಂದ ತಾಯಂದಿರ ಎದೆ ಹಾಲು ಹೆಚ್ಚಾಗುವುದು ಹಾಗೂ ಜೀರ್ಣಕ್ರಿಯೆ ಸರಾಗವಾಗಿ ನಡೆದು ಮಲಬದ್ದತೆ ಸಮಸ್ಯೆ ಉಂಟಾಗುವುದಿಲ್ಲ.

health-benefits-of-dill4

Also read: ಸಬ್ಬಸಿಗೆ ಸೊಪ್ಪಿನಲ್ಲಿ ಇರುವ ಆರೋಗ್ಯಕರ ಗುಣಗಳು ಗೊತ್ತಾದ್ರೆ ಪ್ರತಿ ದಿನ ಅದನ್ನೇ ಉಪಯೋಗಿಸ್ತಿರಾ…!

ಈ ಸೊಪ್ಪಿನಲ್ಲಿ ಅಧಿಕ ಪ್ರಮಾಣದ ಕಬ್ಬಿಣಾಂಶ ಇರುವುದರಿಂದ ಮಕ್ಕಳು ಮತ್ತು ಬಾಣಂತಿಯರಿಗೆ ಉತ್ತಮ ಆಹಾರ. ಬಾಣಂತಿಯರಿಗೆ ಎದೆ ಹಾಲು ಹೆಚ್ಚಿಸಲು ದಕ್ಷಿಣ ಭಾರತದಲ್ಲಿ ಹೆಚ್ಚಾಗಿ ಬಳಕೆಯಲ್ಲಿದೆ. ಸಬ್ಬಸ್ಗೆ ಸೊಪ್ಪು ಪಚನಶಕ್ತಿಯನ್ನು ವೃದ್ಧಿಗೊಳಿಸುತ್ತದೆ. ಅಷ್ಟೇ ಅಲ್ಲದೆ ನರಗಳಿಗೆ ಶಕ್ತಿಯನ್ನು ನೀಡುತ್ತದೆ, ನಿಮ್ಮ ದೈನಂದಿನ ಅಡುಗೆಯಲ್ಲಿ ಈ ಸೊಪ್ಪನ್ನು ಬಳಸಿ ಉತ್ತಮ ಆರೋಗ್ಯವನ್ನು ಪಡೆದುಕೊಳ್ಳಿ. ಬನ್ನಿ ಸಬ್ಬಸ್ಗೆ ಸೊಪ್ಪಿನ ತಂಬುಳಿ ಹೇಗೆ ಮಾಡುವುದೆಂದು ತಿಳಿಯೋಣ.

Also read: ದಿನನಿತ್ಯ ಬಳಸುವ ಸಬ್ಬಸಿಗೆ ಸೊಪ್ಪಿನಲ್ಲಿ ಅಡಗಿರುವ ೧೦ ಆರೋಗ್ಯಕರ ಲಾಭಗಳು…!

ಬೇಕಾಗುವ ಸಾಮಗ್ರಿಗಳು

    • ಎರಡು ಕಟ್ಟು ಸಬ್ಬಸ್ಗೆ
  • ತುಪ್ಪ
  • ಜೀರಿಗೆ
  • 4 ಕಾಳುಮೆಣಸು
  • ಒಂದು ಬಟ್ಟಲು ಹಸಿ ಕೊಬ್ಬರಿ
  • ರುಚಿಗೆ ತಕ್ಕಷ್ಟು ಉಪ್ಪು

ಮಾಡುವ ವಿಧಾನ

  1. ಬಾಣಲೆಗೆ ಒಂದು ಚಮಚ ತುಪ್ಪ ಹಾಕಿಕೊಳ್ಳಿ. ತುಪ್ಪ ಕಾದನಂತರ 4 ಮೆಣಸಿನಕಾಳು ಮತ್ತು ಸ್ವಲ್ಪ ಜೀರಿಗೆ ಹಾಕಿ ಕೊಳ್ಳಿ.
  2. ಈಗ ಇದಕ್ಕೆ ಎರಡು ಕಟ್ಟಿನಷ್ಟು ಬಿಡಿಸಿ ತೊಳೆದುಕೊಂಡು ಸಬ್ಬಸ್ಗೆ ಯನ್ನು ಹಾಕಿ ಮೂರು ನಿಮಿಷಗಳ ಕಾಲ ಈ ತುಪ್ಪದಲ್ಲೇ ಸೋಬ್ಬನ್ನು ಬಾಡಿಸಿಕೊಳ್ಳಬೇಕು.
  3. ಈಗ ಇದಕ್ಕೆ ಒಂದು ಲೋಟ ನೀರನ್ನು ಹಾಕಿ 8 ರಿಂದ 9 ನಿಮಿಷಗಳ ಕಾಲ ಸಣ್ಣ ಉರಿಯಲ್ಲಿ ಕುದಿಸಿಕೊಳ್ಳಬೇಕು.
  4. ಕುದಿಸಿದ ಸಬ್ಬಸ್ಗೆ ಯನ್ನು ತಣ್ಣಗಾಗಲು ಬಿಡಿ.
  5. ಈಗ ಒಂದು ಮಿಕ್ಸಿ ಜಾರಿಗೆ ಬೇಯಿಸಿದ ಸಬ್ಬಸ್ಸಿಗೆ ಹಾಕಿ ಇದಕ್ಕೆ ಒಂದು ಬಟ್ಟಲು ಹಸಿ ಕೊಬ್ಬರಿ ಮತ್ತು ಉಪ್ಪನ್ನು ಹಾಕಿ ರುಬ್ಬಿಕೊಳ್ಳಿ.
  6. ರುಬ್ಬಿರುವ ಮಿಶ್ರಣಕ್ಕೆ ಒಂದು ಬಟ್ಟಲು ಮೊಸರನ್ನು ಹಾಕಿ. ಈಗ ಒಂದು ಸಣ್ಣ ಬಾಣಲೆಗೆ ತುಪ್ಪ ಜೀರಿಗೆ ಒಗ್ಗರಣೆಯನ್ನು ಹಾಕಿ.
  7. ಈಗ ಸಬ್ಬಸ್ಗೆ ಸೊಪ್ಪಿನ ತಂಬುಳಿ ಸವಿಯಲು ಸಿದ್ದ.