ಶಿವ ಪಾರ್ವತಿಯನ್ನು ಈ ದೇವಾಲಯದಲ್ಲಿ ಬೇರೆ ಬೇರೆ ಪ್ರತಿಷ್ಠಾಪನೆ ಮಾಡಿದ್ದಾರೆ, ಕಾರಣ ತಿಳಿದರೆ ನಮ್ಮ ಪುರಾಣಗಳಲ್ಲಿನ ನಂಬಿಕೆಗಳ ಬಗ್ಗೆ ಹೆಮ್ಮೆ ಪಡ್ತೀರಾ..

0
1476

ಇಲ್ಲಿದೆ ಶಿವ ಪಾರ್ವತಿಗೆ ಪ್ರತ್ಯೇಕ ದೇವಸ್ಥಾನ.. ವರ್ಷಕ್ಕೆ ಒಮ್ಮೆ ಮಾತ್ರ ಶಿವ ಪಾರ್ವತಿಯರ ಭೇಟಿ.. ಪಾರ್ವತಿಯ ಸಂಗ ಬಯಸಿ ಶಿವ ಬಂದ ಸಂಧರ್ಭದಲ್ಲಿ ಪಾರ್ವತಿಯದು ಮುಟ್ಟಿನ ಸಮಯ..ಆಗ ಶಿವ ಏನು ಮಾಡಿದ ಗೊತ್ತೇ?? ಕರ್ನಾಟಕದಲ್ಲಿದೆ ಒಂದು ಭೂ ಕೈಲಾಸ..

ಕರ್ನಾಟಕದಲ್ಲಿ ಒಂದು ಭೂ ಕೈಲಾಸವಿದೆ ಎಂದು ಎಷ್ಟೊ ಮಂದಿಗೆ ತಿಳಿದೇ ಇಲ್ಲ.. ಇಲ್ಲಿ ಶಿವ ಪಾರ್ವತಿಯರ ಭೇಟಿ ಒಮ್ಮೆ ಮಾತ್ರ ಅದು ಶಿವರಾತ್ರಿಯಂದು.. ಆದರೆ ಶಿವ ಬಂದ ಸಂಧರ್ಭದಲ್ಲಿ ಪಾರ್ವತಿ ಮುಟ್ಟಾಗಿರುವುದನ್ನು ನೋಡಿ ಶಿವ ತಿರುಗಿ ಓಡಿ ತನ್ನ ಸ್ಥಳ ಸೇರುತ್ತಾನೆ.. ಈ ಸ್ಥಳದ ಹೆಸರೇ ಕಾರಿಂಜ ಕ್ಷೇತ್ರ..

ಕಾರಿಂಜ ಕ್ಷೇತ್ರ ದಕ್ಷಿಣ ಕನ್ನಡ ಜಿಲ್ಲೆಯ ಬಂಟ್ವಾಳ ತಾಲೂಕು ಕಾವಳಮೂಡೂರು ಗ್ರಾಮದಲ್ಲಿದೆ. ಮಂಗಳೂರಿನಿಂದ ೩೫ ಕಿ.ಮೀ. ಹಾಗೂ ಬಂಟ್ವಾಳದಿಂದ ೧೪ ಕಿ.ಮೀ

ಕಾರಿಂಜ ಕ್ಷೇತ್ರದ ವಿಶೇಷತೆ

ಕಾರಿಂಜ ಬೆಟ್ಟವು ಸಮುದ್ರ ಮಟ್ಟದಿಂದ ೧೫೦೦ ಅಡಿ ಎತ್ತರದಲ್ಲಿದೆ. ಬಹಳ ಸುಂದರ ಸ್ಥಳ ಕಾರಿಂಜೇಶ್ವರ ದೇವಸ್ಥಾನ. ಬೆಟ್ಟವು ಬೃಹತ್ ಬಂಡೆಗಳಿಂದ ಮಾಡಲ್ಪಟ್ಟಿದು ಕಪಿಗಳಿಗೆ ಆಶ್ರಯವಾಗಿದೆ. ದೂರದಿಂದ ವೀಕ್ಷಿಸಿದಾಗ ಏಕಶಿಲಾ ಬೆಟ್ಟದಂತೆ ಭಾಸವಾಗುತ್ತದೆ. ಶಿವನಿಗೂ, ಪಾರ್ವತಿಗೂ ಪ್ರತ್ಯೇಕ ದೇವಸ್ಥಾನವಿರುವುದು ಇಲ್ಲಿನ ವೈಶಿಷ್ಟ್ಯ. ಗುಡ್ಡದ ನಡುವೆ ಪಾರ್ವತಿ ಹಾಗೂ ಗುಡ್ಡದ ತುತ್ತ ತುದಿಯಲ್ಲಿ ಶಿವನಿಗೆ ಶಿಲಾಮಯ ಗರ್ಭಗುಡಿಯಿದೆ.

ಪೌರಾಣಿಕ ಹಿನ್ನೆಲೆ

ಧಾರ್ಮಿಕವಾಗಿ ನಾಲ್ಕು ಯುಗಗಳಲ್ಲಿ ವಿವಿಧ ಹೆಸರುಗಳಿಂದ ಅಸ್ತಿತ್ವದಲ್ಲಿದ್ದು ಭೂ ಕೈಲಾಸ ಎಂಬ ಪ್ರತೀತಿಯನ್ನು ಹೊಂದಿದೆ. ಈ ಕ್ಷೇತ್ರವನ್ನು ಕೃತ ಯುಗದಲ್ಲಿ ರೌದ್ರಗಿರಿ, ತ್ರೇತಾ ಯುಗದಲ್ಲಿ ಗಜೇಂದ್ರಗಿರಿ, ದ್ವಾಪರದಲ್ಲಿ ಭೀಮಶೈಲವೆಂದು ಕರೆಯುತ್ತಿದ್ದರೆಂಬ ಐತಿಹ್ಯವಿದೆ. ಇಡೀ ಬೆಟ್ಟ ಪ್ರದೇಶ ಸುಮಾರು ೨೫ ಎಕರೆ ವ್ಯಾಪಿಸಿದೆ. ಇಡೀ ಕ್ಷೇತ್ರವನ್ನು ಕೊಡ್ಯಮಲೆಯ ದಟ್ಟ ಅರಣ್ಯ ಆವರಿಸಿಕೊಂಡಿದೆ.

ಉತ್ಸವ

ಶಿವರಾತ್ರಿ ಇಲ್ಲಿನ ಪ್ರಧಾನ ಉತ್ಸವ. ನಾಲ್ಕು ದಿನ ನಡೆಯುತ್ತದೆ. ಜಾತ್ರೆ ವೇಳೆ ಗುಡ್ಡದ ಮೇಲಿನಿಂದ ಶಿವನ ವಿಗ್ರಹವನ್ನು ಪಾರ್ವತಿ ದೇವಸ್ಥಾನಕ್ಕೆ ತರುವ ಮೂಲಕ ಶಿವ-ಪಾರ್ವತಿಯರ ಭೇಟಿ ನಡೆಯುತ್ತದೆ. (ಪೌರಾಣಿಕ ಕಥೆಯ ಪ್ರಕಾರ ಶಿವನು ಪಾರ್ವತಿಯ ಸಂಗ ಬಯಸಿ ಮೇಲಿನ ಬೆಟ್ಟದಿಂದ ಬಹಳ ಆತುರದಿಂದ ಇಳಿದು ಬರುತ್ತಾನೆ.ಆದರೆ ಇಲ್ಲಿ ಬಂದು ತಲಪಿದಾಗ ಪಾರ್ವತಿಯು ರಜಸ್ವಲೆಯಾಗಿರುವುದು ತಿಳಿದು, ಅತೀ ವೇಗದಲ್ಲಿ ಆ ಕಡಿದಾದ ಬೆಟ್ಟವನ್ನು ಏರಿ ತನ್ನ ಸ್ಥಾನವನ್ನು ಸೇರುತ್ತಾನೆ. ಇದನ್ನು ಈಗಲೂ ಉತ್ಸವದ ಸಮಯದಲ್ಲಿ ಅರ್ಚಕರು ದೇವರ ವಿಗ್ರಹವನ್ನು ತಲೆಯಲ್ಲಿ ಹೊತ್ತುಕೊಂಡು ಕಡಿದಾದ ಬೆಟ್ಟವನ್ನು ಓಡಿಕೊಂಡೇ ಹೋಗುವುದು ನಡೆದುಕೊಂಡು ಬಂದಿದೆ.)

ದೇವಸ್ಥಾನದ ಸಂಪರ್ಕ ವಿಳಾಸ :
ಮಹತೋಭಾರ ಶ್ರೀ ಕಾರಿಂಜೇಶ್ವರ ದೇವಸ್ಥಾನ,
ಕಾವಳಮೂಡೂರು ಗ್ರಾಮ,,
ಕಾರಿಂಜ ಅಂಚೆ,
ಬಂಟ್ವಾಳ ತಾಲ್ಲೂಕು,
ದಕ್ಷಿಣ ಕನ್ನಡ ಜಿಲ್ಲೆ,

ದೂರವಾಣಿ : 91 08255 285 255

ದೇವಸ್ಥಾನದ ಪೂಜಾ ಸಮಯ:
ಶ್ರೀ ಕಾರಿಂಜೇಶ್ವರ ದೇವಾಲಯ, ಶ್ರೀ ಶಾಸ್ತಾರ ದೇವಾಲಯ
ಪ್ರಾತಃ ಕಾಲ 9 ರಿಂದ 12 ರವರೆಗೆ, ಮಹಾಪೂಜೆ ಮದ್ಯಾಹ್ನ 12 ಗಂಟೆಗೆ
ಸಾಯಂಕಾಲ : 6 ರಿಂದ ರಾತ್ರಿ 7:30 ರವರೆಗೆ

ಶ್ರೀ ಪಾರ್ವತಿ ದೇವಾಲಯ, ಶ್ರೀ ಗಣಪತಿ ದೇವಾಲಯ
ಪ್ರಾತಃ ಕಾಲ 9:30 ರಿಂದ 12:30 ರವರೆಗೆ, ಮಹಾಪೂಜೆ ಮದ್ಯಾಹ್ನ 12:30 ಗಂಟೆಗೆ
ಸಾಯಂಕಾಲ : 7 ರಿಂದ ರಾತ್ರಿ 7:30 ರವರೆಗೆ

ನಮ್ಮ ನಾಡಿನ ಐತಿಹಾಸಿಕ ಸ್ಥಳಗಳಿವು.. ಶೇರ್ ಮಾಡಿ ಸ್ನೇಹಿತರಿಗೂ ತಿಳಿಸಿ..