ವಾರ-ಭವಿಷ್ಯ: 01 ಸೆಪ್ಟೆಂಬರ್ ರಿಂದ 07 ಆಗಸ್ಟ್ ರವರೆಗೆ, 2019!!

0
995

Astrology in kannada | kannada news ವಾರ-ಭವಿಷ್ಯ: 01 ಸೆಪ್ಟೆಂಬರ್ ರಿಂದ 07 ಆಗಸ್ಟ್ ರವರೆಗೆ, 2019!!

ವಾರ-ಭವಿಷ್ಯ: 01 ಸೆಪ್ಟೆಂಬರ್ ರಿಂದ 07 ಆಗಸ್ಟ್ ರವರೆಗೆ, 2019!!

ಮೇಷ:

ದಿನ ಭವಿಷ್ಯ

ಮೇಷ:- ಸಮಾಜದ ಆಗುಹೋಗುಗಳಿಗೆ ಸ್ಪಂದಿಸುವ ನಿಮಗೆ ಇದರ ಪರಿಣಾಮವಾಗಿ ಜವಾಬ್ದಾರಿ ಹೆಚ್ಚಾಗುವುದಲ್ಲದೆ ಸಾಮಾಜಿಕವಾಗಿ ಗೌರವ ಹೆಚ್ಚಲಿದೆ. ಬಹಳ ಕಾಲದಿಂದ ನೆನೆಗುದಿಗೆ ಬಿದ್ದಿರುವ ಸಮಸ್ಯೆಗಳಿಗೆ ಸಂಗಾತಿಯಿಂದ ಸಲಹೆ ಸಿಗಲಿದೆ. ಪಾಲುದಾರರೊಂದಿಗೆ ಹೊಸ ಒಡಂಬಡಿಕೆ ಮಾಡಿಕೊಳ್ಳುವುದು ಉತ್ತಮ. ಸಮಚಿತ್ತದಿಂದ ಮಾರುಕಟ್ಟೆಯ ಆಗುಹೋಗುಗಳ ಬಗ್ಗೆ ತಿಳಿಯಿರಿ. ಅಗತ್ಯಕ್ಕೆ ತಕ್ಕಷ್ಟು ಸಾಲ ಮಾಡಬೇಕಾಗುವುದು. ಉದರ ಸಂಬಂ- ಸಮಸ್ಯೆಗಳಿಗೆ ಸೂಕ್ತ ವೈದ್ಯಕೀಯ ಉಪಚಾರದ ಅಗತ್ಯ ಇರುವುದು.

ವೃಷಭ:

ದಿನ ಭವಿಷ್ಯ

ವೃಷಭ:- ಪ್ರತಿಯೊಂದನ್ನು ವಿಭಿನ್ನ ರೀತಿಯಲ್ಲಿ ಯೋಚಿಸುವ ನಿಮಗೆ ಮೇಲ-ಕಾರಿಗಳ ಬೆಂಬಲವಿದೆ. ರಚನಾತ್ಮಕ ಕಾರ್ಯಗಳಲ್ಲಿ ಉತ್ಸಾಹದಿಂದ ಭಾಗವಹಿಸುವಿರಿ. ಹೊಸ ಹೊಸ ಯೋಜನೆಗಳಿಗೆ ಹಣಕಾಸಿನ ಸಹಾಯ ನಿರಂತರವಾಗಿ ಹರಿದು ಬರಲಿದೆ. ಯಶಸ್ಸು ನಿಮ್ಮ ಬೆನ್ನಿಗೆ ಇದೆ. ಸಹ ವ್ಯಾಪಾರಿಗಳು ನಿಮ್ಮ ಸಲಹೆ ಕೋರಿ ಬಂದಾಗ ಸಹಕರಿಸಿರಿ. ಸಂಗಾತಿಯೊಂದಿಗೆ ಈ ವಾರ ಸಂತೋಷದಿಂದ ಕಾಲ ಕಳೆಯುವಿರಿ. ಜಾಣ್ಮೆ ಹಾಗೂ ದಕ್ಷತೆ ನಿಮ್ಮನ್ನು ಲಾಭದತ್ತ ಒಯ್ಯಲಿದೆ. ಕಾರ್ಯ ಒತ್ತಡಗಳನ್ನು ನಿಭಾಯಿಸಲು ಕಲಿಯಿರಿ.

ಮಿಥುನ:

ದಿನ ಭವಿಷ್ಯ

ಮಿಥುನ:- ಪ್ರತಿಯೊಂದನ್ನು ಕೂಡ ಕ್ರೀಡಾ ಮನೋಭಾವದಿಂದ ಸ್ವೀಕರಿಸುವ ನಿಮ್ಮ ಸ್ವಭಾವವೇ ಎಲ್ಲರ ಮೆಚ್ಚುಗೆ ಪಡೆಯಲಿದೆ. ಬರುತ್ತಿರುವ ಆದಾಯದಲ್ಲಿ ಏನೂ ಕೊರತೆ ಕಂಡು ಬರುವುದಿಲ್ಲ. ಆದರೆ ಹಣವು ನೀರಿನಂತೆ ಖರ್ಚು ಮಾಡುವುದರಿಂದ ಹಣದ ಉಳಿತಾಯಕ್ಕೆ ಅವಕಾಶವಿರುವುದಿಲ್ಲ. ನಿಮ್ಮ ಶ್ರೇಯಸ್ಸನ್ನು ಸಹಿಸದ ಕೆಲವರು ನಿಮ್ಮ ಬಗ್ಗೆ ಅಪಪ್ರಚಾರ ಮಾಡುವರು. ಸ್ವಂತ ಉದ್ಯೋಗಿಗಳಿಗೆ ಹೆಚ್ಚಿನ ಯಶಸ್ಸು. ಆರೋಗ್ಯದ ಕಡೆ ಅಲಕ್ಷ ಬೇಡ. ಗುರುಗಳ ಆರಾಧನೆಯಿಂದ ಒಳಿತಾಗುವುದು.

Also read: ಪುರಾಣಗಳ ಪ್ರಕಾರ ವಾಸ್ತುದೋಷ ಹೋಗಲಾಡಿಸಲು ಇದು ಒಂದು ಇದ್ರೆ ಸಾಕು, ವಾಸ್ತು ದೋಷ ಎಲ್ಲ ಮಾಯಾ ಆಗುತ್ತೆ..!

ಕಟಕ:

ದಿನ ಭವಿಷ್ಯ

ಕಟಕ:- ಕೆಲಸ ಕಾರ್ಯಗಳಲ್ಲಿ ನಿಶ್ಚಿತ ಆದಾಯ ಬಂದರೂ ಆರ್ಥಿಕ ಮುಗ್ಗಟ್ಟು ತಪ್ಪಿದ್ದಲ್ಲ. ಆದರೆ ಗುರುವಿನ ಕೃಪೆ ನಿಮ್ಮ ಕಡೆ ಇರುವುದರಿಂದ ಚಿಂತಿಸಬೇಕಿಲ್ಲ. ವಿಷಯಗಳನ್ನು ಪರಾಮರ್ಶಿಸದೆ ವಿಮರ್ಶಿಸಬೇಡಿ. ಮಗನಿಗೆ ವಿದೇಶದಲ್ಲಿ ಅಧ್ಯಯನ ಮಾಡುವ ಯೋಗವಿದ್ದು, ಅದಕ್ಕೆ ಬೇಕಾದ ಎಲ್ಲ ಸವಲತ್ತುಗಳು ಲಭಿಸಲಿವೆ. ಪ್ರಯತ್ನಶೀಲರಾದಾಗಿ ನಿಮಗೆ ಯಶಸ್ಸು ನಿಶ್ಚಿತ. ವ್ಯವಹಾರದಲ್ಲಿ ಯಾವುದೇ ಅಡೆತಡೆಗಳಿಲ್ಲದೆ ನಿರಾಂತಕವಾಗಿ ಮತ್ತು ಲಾಭದಾಯಕವಾಗಿ ನಡೆಯಲಿದೆ. ಮಧ್ಯವರ್ತಿಗಳ ಸಹಕಾರದಿಂದ ಮಗಳಿಗೆ ಉತ್ತಮ ಸಂಬಂಧಗಳು ಬರುತ್ತವೆ.

ಸಿಂಹ:

ದಿನ ಭವಿಷ್ಯ

ಸಿಂಹ:- ಬಂಧುಗಳೊಂದಿಗೆ ವಿನಾಕಾರಣ ಕಾಲು ಕೆರೆದುಕೊಂಡು ಜಗಳವಾಡದಿರುವುದು ಉತ್ತಮ. ಇದರಿಂದಾಗಿ ನಿಮಗೆ ಅಪಮಾನವಾಗಬಹುದು. ಮಿತ್ರರು ಕೊಡುವ ಸಲಹೆಗಳನ್ನು ವಿಮರ್ಶಿಸಿ ನಿರ್ಣಯ ತೆಗೆದುಕೊಳ್ಳಿರಿ. ಉದ್ಯಮದಲ್ಲಿ ಸಾಕಷ್ಟು ಪ್ರಗತಿ ಕಂಡುಬರಲಿದೆ. ಕೆಲಕಾಲ ಮನೆಯಿಂದ ದೂರವಿದ್ದು ವಾಸ ಮಾಡುವ ಯೋಗವಿರುತ್ತದೆ. ಬರಲಿರುವ ಸಂತಸದ ಸುದ್ದಿಯಿಂದ ಮನಃಶಾಂತಿ ಪಡೆಯುವಿರಿ. ಸದಾಚಾರಗಳಲ್ಲಿ ಪ್ರವೃತ್ತರಾಗುವುದರಿಂದ ಆತ್ಮತೃಪ್ತಿ ಪಡೆಯುವಿರಿ. ಆರ್ಥಿಕ ಪರಿಸ್ಥಿತಿಯಲ್ಲಿ ಉತ್ತಮ ಪ್ರಗತಿ ಉಂಟು.

ಕನ್ಯಾ:

ದಿನ ಭವಿಷ್ಯ

ಕನ್ಯಾ:- ನಿಮ್ಮ ಬಗ್ಗೆ ಬೇರೆಯವರಿಗೆ ಇರುವ ಭಾವನೆಗಳನ್ನು ಹಿತಶತ್ರುಗಳು ತಿರುಚಿ ಹೇಳಿ ನಿಮ್ಮ ಸ್ನೇಹಕ್ಕೆ ಹುಳಿ ಹಿಂಡಬಹುದು. ಈ ವಿಷಯದಲ್ಲಿ ಅತಿ ಎಚ್ಚರ ಅಗತ್ಯ. ಯಾವುದಕ್ಕೂ ನಿಮ್ಮ ಬುದ್ಧಿ ನಿಮ್ಮ ಹಿಡಿತದಲ್ಲಿ ಇಟ್ಟುಕೊಳ್ಳುವುದು ಒಳ್ಳೆಯದು. ಮಾನಸಿಕ ಸಮತೋಲನ ಕಾಪಾಡಿಕೊಳ್ಳಿರಿ. ಹೊಸ ಯೋಜನೆಗಳಿಗೆ ಆದಾಯದ ಮೂಲ ಕಂಡುಬರಲಿದೆ. ವೃತ್ತಿಯಲ್ಲಿ ಬದಲಾವಣೆ ಸದ್ಯಕ್ಕೆ ಬೇಡ. ಇರುವ ಕಡೆಯಲ್ಲಿಯೇ ಹೆಚ್ಚಿನ ಸವಲತ್ತುಗಳು ಸಿಗಬಹುದು. ನಿಮ್ಮ ಉತ್ತಮ ಕಾರ್ಯಗಳಿಗೆ ಗೆಲುವು ಸಿಗಲಿದೆ.

Also read: ಈ ಏಳು ರಾಶಿಯವರಿಗೆ ಜೀವನದಲ್ಲಿ ಏನೇನೆಲ್ಲ ಬೇಕು ಅಂದುಕೊಳ್ಳುತ್ತಾರೋ ಅದೆಲ್ಲ ಸಿಗುತ್ತೆ!!

ತುಲಾ:

ದಿನ ಭವಿಷ್ಯ

ತುಲಾ:- ಇಷ್ಟು ಕಾಲದವರೆಗೂ ಎಲ್ಲವೂ ವ್ಯವಸ್ಥಿತವಾಗಿಯೇ ನಡೆಯುತ್ತಿದ್ದ ಪಾಲುದಾರಿಕೆ ವ್ಯವಹಾರದಲ್ಲಿ ಅನಿರೀಕ್ಷಿತವಾಗಿ ಹೊಸ ತಿರುವು ಕಂಡುಬರಲಿದೆ. ಆದರೆ ಚಿಂತಿಸಬೇಕಿಲ್ಲ. ಬದಲಾವಣೆ ಅನಿವಾರ್ಯ ಹಾಗೂ ಅಗತ್ಯ ಎಂಬುದು ನೆನಪಿರಲಿ. ನಿಮ್ಮ ಪ್ರತಿಭಾ ಪ್ರಕಾಶಕ್ಕೆ ಉತ್ತಮ ವೇದಿಕೆ ಸಿಗಲಿದೆ. ಜವಾಬ್ದಾರಿಗಳನ್ನು ಒಪ್ಪಿಕೊಂಡು ನಂತರ ಅದನ್ನು ಅಲಕ್ಷಿಸುವುದಕ್ಕಿಂತ ಒಪ್ಪಿಕೊಳ್ಳದೆ ಇರುವುದೇ ಬುದ್ಧಿವಂತರ ಲಕ್ಷಣ. ಮಾನಸಿಕ ಗೊಂದಲಗಳಿಂದ ಹೊರಬರಲು ಪ್ರಯತ್ನಿಸಿ. ಮುಕ್ತ ಮನಸ್ಸಿನಿಂದ ಮಾತನಾಡಿರಿ.

ವೃಶ್ಚಿಕ:

ದಿನ ಭವಿಷ್ಯ

ವೃಶ್ಚಿಕ:- ನೀವು ನಡೆಸುತ್ತಿರುವ ಅಥವಾ ನಡೆಸಲಿರುವ ವ್ಯವಹಾರದ ಬಗ್ಗೆ ನಿಮ್ಮ ಮಡದಿ ಮಕ್ಕಳಿಗೆ ತಿಳಿದಿದ್ದರೆ ಉತ್ತಮ. ಸ್ವಂತ ನಿರ್ಧಾರದ ಕೆಲಸಗಳು ಅಪಾಯಕಾರಿ ಎಂಬುದು ನೆನಪಿರಲಿ. ಸೌಜನ್ಯದಿಂದ ವರ್ತಿಸುವುದರ ಜೊತೆಗೆ ಸಹನೆಯನ್ನು ರೂಢಿಸಿಕೊಳ್ಳಿ. ವ್ಯಾಪಾರದಲ್ಲಿ ನೀವು ತೋರುವ ಚಾಣಾಕ್ಷತನವನ್ನು ನಿಮ್ಮ ಎದುರಾಳಿಗಳು ಮೆಚ್ಚಿಕೊಳ್ಳುವರು. ಹೊಸ ಯೋಜನೆಗಳಿಗೆ ಭರವಸೆಯ ಮಹಾಪೂರವೇ ಹರಿದು ಬರುವುದು. ಬರಲಿರುವ ಸವಾಲುಗಳಿಗೆ ಎದೆಗುಂದದೆ ಧೈರ್ಯದಿಂದ ಎದುರಿಸಿರಿ.

ಧನಸ್ಸು:

ದಿನ ಭವಿಷ್ಯ

ಧನಸ್ಸು:- ಮತ್ತೊಬ್ಬರ ಕಷ್ಟಕ್ಕೆ ಸ್ಪಂದಿಸುವ ನಿಮ್ಮ ಗುಣ ಸ್ವಭಾವಕ್ಕೆ ಉತ್ತಮ ಪ್ರತಿಕ್ರಿಯೆ ದೊರೆಯಲಿದೆ. ನಿಮ್ಮ ವಿಶ್ವಾಸ ಎಲ್ಲೂ ದುರುಪಯೋಗವಾಗದಂತೆ ನೋಡಿಕೊಳ್ಳಿ. ಮಹತ್ತರ ವಿಷಯಗಳನ್ನು ಆತ್ಮೀಯರೊಂದಿಗೆ ಮಾತ್ರ ಚರ್ಚಿಸುವುದು ಲೇಸು. ವಸ್ತುನಿಷ್ಟ ವಿಮರ್ಶೆಯಿಂದ ಹೊಸ ವಿಚಾರಗಳು ಮೂಡಿ ಬರಲಿವೆ. ಎಣ್ಣೆ ಮೊದಲಾದ ದ್ರವ ಪದಾರ್ಥಗಳಿಂದ ಹೆಚ್ಚಿನ ಲಾಭ ನಿರೀಕ್ಷಿಸಬಹುದು. ಕೊಟ್ಟ ಭರವಸೆಗಳನ್ನು ಈಡೇರಿಸಲು ಅ-ಕ ಶ್ರಮ ಪಡುವಿರಿ. ಸರಕಾರದಿಂದ ಬರಬೇಕಾಗಿದ್ದ ನೆರವು ಈ ವಾರ ಬರುವುದು.

Also read: ರಾಶಿಯ ಪ್ರಕಾರ ನಿಮಗೆ ಶುಭ ದಿನ ಯಾವುದು ಗೊತ್ತೇ?? ಇಲ್ಲಿದೆ ನೋಡಿ ಡೀಟೇಲ್ಸ್.. ಒಳ್ಳೆಯ ಕೆಲಸ ಶುರು ಮಾಡುವುದಿದ್ದರೆ ಈ ದಿನದಲ್ಲೇ ಮಾಡಿ

ಮಕರ:

ದಿನ ಭವಿಷ್ಯ

ಮಕರ:- ನಿಮ್ಮ ಉದಾಸೀನತೆಯಿಂದಾಗಿ ಹಿಂದೆ ಬಿದ್ದಿದ್ದ ಕೆಲಸಗಳು ಈಗ ಮರಳಿ ಚಾಲನೆ ಪಡೆಯಲಿವೆ. ಅನುಭವದಿಂದ ಪಾಠ ಕಲಿಯುವುದು ಬುದ್ಧಿವಂತರ ಲಕ್ಷಣ. ನಿಮ್ಮ ಕಾರ್ಯ ಕೌಶಲ್ಯಕ್ಕೆ ಮೇಲ-ಕಾರಿಗಳು ಬೆರಗಾಗುವರು. ಆದರೆ ಅಹಮಿಕೆಯಿಂದ ದೂರವಿರಲು ಪ್ರಯತ್ನಿಸಿ. ಅತಿಯಾದ ಶ್ರಮದಿಂದ ಆರೋಗ್ಯದಲ್ಲಿ ವ್ಯತ್ಯಯ ಕಂಡುಬರುವುದು. ನಿಮ್ಮ ವಿರುದ್ಧ ಹಿತೈಷಿಗಳಿಂದಲೇ ಪಿತೂರಿ ನಡೆಯಬಹುದು. ಈ ವಿಷಯದಲ್ಲಿ ಬಹಳ ಎಚ್ಚರಿಕೆಯಿಂದ ಇರಿ. ಮಕ್ಕಳಿಗೆ ವಿಧೇಯತೆಯನ್ನು ಕಲಿಸಿರಿ.

ಕುಂಭ:

ದಿನ ಭವಿಷ್ಯ

ಕುಂಭ:- ಬಹು ಜನರ ಅಪೇಕ್ಷೆ ಮೇರೆಗೆ ನಿಮಗೆ ಗುಂಪಿನ ನಾಯಕತ್ವ ಸಿಗಲಿದೆ. ಆತ್ಮವಿಶ್ವಾಸದಿಂದ ಜವಾಬ್ದಾರಿಯನ್ನು ನಿರ್ವಹಿಸುವಿರಿ. ನೀವು ಭಾಗವಹಿಸಲಿರುವ ಸಭೆಯಲ್ಲಿ ವಿಷಯವನ್ನು ಸಮರ್ಥವಾಗಿ ಮಂಡಿಸುವಿರಿ. ಬಂಧುಗಳ ಕಷ್ಟಕಾರ್ಪಣ್ಯಗಳಿಗೆ ಸಹಾಯ ಮಾಡುವಿರಿ. ಪಶು-ಪಕ್ಷಿಗಳಿಗೆ ಆಹಾರ ಮತ್ತು ನೀರು ಕೊಡಿ. ಸೋದರಿಗೆ ಉದರ ಶಸ್ತ್ರಚಿಕಿತ್ಸೆಯಾಗಬಹುದು. ನೆರೆಹೊರೆಯವರು ಕೊಡುವ ಸಲಹೆಗಳನ್ನು ಸ್ವೀಕರಿಸಿರಿ. ಕೆಲಸದ ನೆಪದಲ್ಲಿ ವಿಶ್ರಾಂತಿಯನ್ನು ಮರೆಯದಿರಿ. ಗಣಪತಿ ಸ್ತೋತ್ರ ಪಠಿಸಿರಿ.

ಮೀನ:

ದಿನ ಭವಿಷ್ಯ

ಮೀನ:- ಆತ್ಮೀಯರನ್ನು ಹಾಗೂ ಹಿರಿಯರನ್ನು ಅಲಕ್ಷಿಸಿ ಮನ ನೋಯಿಸದಿರುವುದು ನಿಮಗೇ ಶ್ರೇಯಸ್ಸು ತರುವುದು. ಬಹಳ ದಿನಗಳ ಮೇಲೆ ನಿಮ್ಮ ಬದುಕಿಗೊಂದು ಹೊಸ ಆಯಾಮ ದೊರೆಯಲಿದೆ. ಇದನ್ನು ಸದುಪಯೋಗಪಡಿಸಿಕೊಳ್ಳಿ. ಉತ್ಸಾಹದಿಂದ ಮುನ್ನಡೆಯುವ ನಿಮಗೆ ಪ್ರತಿಯೊಬ್ಬರ ಬೆಂಬಲ ಸಿಗಲಿದೆ. ವ್ಯಾಪಾರದಲ್ಲಿ ಬರಬಹುದಾದ ತೊಡಕುಗಳನ್ನು ಬಹಳ ಜಾಣ್ಮೆಯಿಂದ ಪರಿಹರಿಸುವಿರಿ. ಗಂಭೀರ ವಿಷಯಗಳನ್ನು ಹಗುರವಾಗಿ ಕಡೆಗಣಿಸಬೇಡಿ. ಕುಲದೇವರ ಪ್ರಾರ್ಥನೆ ಮಾಡಿ.

Also read: ಯಾವ ರಾಶಿಯವರು ಯಾವ ಹರಳನ್ನು ಯಾವ ಬೆರಳಿಗೆ ಹಾಕಿಕೊಳ್ಳಬೇಕು?? ಅದು ಎಷ್ಟು ತೂಕವಿರಬೇಕು?? ಇಲ್ಲಿದೇ ಸಂಪೂರ್ಣ ಮಾಹಿತಿ

ವಾರ-ಭವಿಷ್ಯ: 01 ಸೆಪ್ಟೆಂಬರ್ ರಿಂದ 07 ಆಗಸ್ಟ್ ರವರೆಗೆ, 2019!!