ವಾರ-ಭವಿಷ್ಯ: 15 ಸೆಪ್ಟೆಂಬರ್ ರಿಂದ 21 ಆಗಸ್ಟ್ ರವರೆಗೆ, 2019!!

0
806

Astrology in kannada | kannada news ವಾರ-ಭವಿಷ್ಯ: 15 ಸೆಪ್ಟೆಂಬರ್ ರಿಂದ 21 ಆಗಸ್ಟ್ ರವರೆಗೆ, 2019!!

ವಾರ-ಭವಿಷ್ಯ: 15 ಸೆಪ್ಟೆಂಬರ್ ರಿಂದ 21 ಆಗಸ್ಟ್ ರವರೆಗೆ, 2019!!

ಮೇಷ:

ದಿನ ಭವಿಷ್ಯ

ಮೇಷ:- ಈವಾರ ನಿಮ್ಮ ಸಹೋದ್ಯೋಗಿಗಳಿಂದ ಅಪೇಕ್ಷಿಸಿದ ಸಹಕಾರ ಸಿಗದಿರುವ ಬಗ್ಗೆ ನಿಮಗೆ ನಿರಾಶೆಯಾಗುವುದು. ಈವಾರ ನಿಮ್ಮ ಆತ್ಮವಿಶ್ವಾಸದ ಮೇಲೆ ಕೆಲಸವಾಗಬೇಕಿದೆ. ಗುರು ಮತ್ತು ಶನಿಗ್ರಹರು ಅಶುಭ ಸಂಚಾರದಲ್ಲಿರುವುದರಿಂದ ಕೆಲಸ ಕಾರ್ಯಗಳಲ್ಲಿ ಹಿನ್ನಡೆ ಉಂಟಾಗುವ ಸಾಧ್ಯತೆ ಇರುತ್ತದೆ. ಆಹಾರ-ವಿಹಾರದಲ್ಲಿ ಎಚ್ಚರಿಕೆಯಿಂದ ಇರಬೇಕು. ಫುಡ್ ಪಾಯಿಸನಿಂಗ್ ಆಗಿ ಆರೋಗ್ಯ ಕೈಕೊಡುವ ಸಾಧ್ಯತೆ. ಮನೆ ವೈದ್ಯರಿಂದ ಸೂಕ್ತ ಸಲಹೆ-ಸಹಕಾರಗಳನ್ನು ಪಡೆಯಿರಿ. ಪ್ರಯಾಣದಲ್ಲಿ ಲಕ್ಷ್ಮೀನಾರಸಿಂಹ ದೇವರನ್ನು ನೆನೆಯಿರಿ.

ವೃಷಭ:

ದಿನ ಭವಿಷ್ಯ

ವೃಷಭ:- ಜೀವನ ಸುಖ-ದುಃಖದ ಮಿಶ್ರಣರೂಪ ಎಂಬ ಮಾತು ಸುಳ್ಳೆನ್ನುವ ಹಾಗೆ ಈ ವಾರ ಹೆಚ್ಚು ಸುಖ-ಸಂತೋಷ-ನೆಮ್ಮದಿಯಿಂದ ಕಾಲ ಕಳೆಯುವಿರಿ. ಅನಿರೀಕ್ಷಿತವಾಗಿ ಬರುವ ಹಣದಿಂದ ನಿಮ್ಮ ಮನೋಕಾಮನೆಗಳು ಪೂರ್ಣಗೊಳ್ಳುವವು. ಬರುವ ಸಣ್ಣಪುಟ್ಟ ಅಡೆತಡೆಗಳನ್ನು ಧೈರ್ಯವಾಗಿ ಎದುರಿಸುವಿರಿ. ಮತ್ತು ಅದರಲ್ಲಿ ಯಶಸ್ಸನ್ನು ಕಾಣುವಿರಿ. ಆರೋಗ್ಯದಲ್ಲೂ ಸುಧಾರಣೆ ಕಂಡುಬರುವುದು. ಮಕ್ಕಳು ವಿದ್ಯಾಭ್ಯಾಸದಲ್ಲಿ ಮುಂಚೂಣಿಯಲ್ಲಿರುತ್ತಾರೆ. ಸಂಗಾತಿಯು ನಿಮ್ಮನ್ನು ಹೊಗಳಿ ಅಟ್ಟಕ್ಕೆ ಏರಿಸುವ ಸಾಧ್ಯತೆ ಇರುತ್ತದೆ.

ಮಿಥುನ:

ದಿನ ಭವಿಷ್ಯ

ಮಿಥುನ:- ನಿಮ್ಮ ಪ್ರಣಯ ಜೀವನದಲ್ಲಿ ಹಲವು ಮಜಲುಗಳು ಎದುರಾಗುತ್ತವೆ. ವಿವಾಹದ ನಿಷ್ಕರ್ಷೆಯ ಹಂತದಲ್ಲಿ ಸೋಲನ್ನು ಅನುಭವಿಸುವಿರಿ. ಇದರಿಂದ ನಿಮ್ಮ ಮನಸ್ಸು ಘಾಸಿಕೊಳ್ಳುವ ಸಾಧ್ಯತೆ ಇರುವುದು. ಅದಕ್ಕಾಗಿ ಅಧೈರ್ಯಪಡುವ ಕಾರಣವಿಲ್ಲ. ಕತ್ತಲು ಕಳೆದು ಬೆಳಕು ಮೂಡುವಂತೆ ನಿಮ್ಮ ಮನೋಕಾಮನೆಗಳಿಗೆ ವಾರಾಂತ್ಯದಲ್ಲಿ ಬೆಂಬಲ ದೊರೆಯುವುದು. ನೀವು ಅಪೇಕ್ಷಿಸಿದ ಪ್ರಗತಿಯನ್ನು ಸಾಧಿಸುವಿರಿ. ಗುರುವಿನ ಸ್ತೋತ್ರವನ್ನು ಪಠಿಸಿರಿ. ಸ್ಥಿರಾಸ್ಥಿ ಖರೀದಿಯ ವಿಚಾರವನ್ನು ಮುಂದೂಡುವುದು ಒಳಿತು.

Also read: ಪುರಾಣಗಳ ಪ್ರಕಾರ ವಾಸ್ತುದೋಷ ಹೋಗಲಾಡಿಸಲು ಇದು ಒಂದು ಇದ್ರೆ ಸಾಕು, ವಾಸ್ತು ದೋಷ ಎಲ್ಲ ಮಾಯಾ ಆಗುತ್ತೆ..!

ಕಟಕ:

ದಿನ ಭವಿಷ್ಯ

ಕಟಕ:- ಕೆಲವು ನಿಮ್ಮದೇ ಆದ ಊಹೆಗಳಿಂದ ತೆಗೆದುಕೊಂಡ ನಿರ್ಧಾರದಲ್ಲಿ ಸೋಲನ್ನು ಅನುಭವಿಸಬೇಕಾಗುವುದು. ಉತ್ತಮ ವ್ಯಾಸಂಗದತ್ತ ಮನಸ್ಸು ಮಾಡುವಿರಿ. ಮನೆಯ ಸದಸ್ಯರುಗಳ ಅಭಿಪ್ರಾಯಕ್ಕೆ ಮನ್ನಣೆ ನೀಡುವುದು ಒಳಿತು. ಅಡುಗೆ ಮನೆಯಲ್ಲಿನ ಹೊಸ ರೀತಿಯ ಪ್ರಯೋಗ ಫಲ ನೀಡುತ್ತದೆ. ನಿಮ್ಮ ಹಣಕಾಸಿನ ವ್ಯವಹಾರವು ಅಷ್ಟೇನೂ ಆಶಾದಾಯಕವಾಗಿರುವುದಿಲ್ಲ. ಆದಾಗ್ಯೂ ಖರ್ಚಿಗೆ ತಕ್ಕಷ್ಟು ಹಣವು ನಿಮ್ಮ ಕೈಸೇರುವುದು. ಮಿತ್ರರು ಸಕಾಲದಲ್ಲಿ ಸಹಾಯ ಮಾಡುವರು.

ಸಿಂಹ:

ದಿನ ಭವಿಷ್ಯ

ಸಿಂಹ:- ನೀವು ನಂಬಲು ಅಸಾಧ್ಯವಾದ ಒಂದು ಅವಕಾಶವು ನಿಮ್ಮ ಪಾಲಿಗೆ ಗುರು ಮಹಾರಾಜರು ತಂದುಕೊಡುವರು. ಹೊರದೇಶಗಳಲ್ಲಿ ಉದ್ಯೋಗದ ಅನ್ವೇಷಣೆಗೂ ಒಳ್ಳೆಯ ವಾರವಾಗಿರುತ್ತದೆ. ದೂರ ಪ್ರಯಾಣವು ನಿಮ್ಮ ಇಚ್ಛಿತ ಕಾರ್ಯವನ್ನು ಪೂರ್ಣಗೊಳಿಸುವುದು. ಮನೆಯ ಕುಟುಂಬದ ಸದಸ್ಯರು ನಿಮ್ಮ ಕೆಲಸ ಕಾರ್ಯಗಳಿಗೆ ಸಹಾಯ ಹಸ್ತವನ್ನು ನೀಡುವರು. ಸಂಗಾತಿಯ ಆರೋಗ್ಯದಲ್ಲಿ ಚೇತರಿಕೆ ಕಂಡುಬರುವುದು. ಮಗನ ವಿವಾಹದ ವಿಷಯದಲ್ಲಿ ಆಶಾದಾಯಕ ಪ್ರಸಂಗವು ಎದುರಾಗುವುದು.

ಕನ್ಯಾ:

ದಿನ ಭವಿಷ್ಯ

ಕನ್ಯಾ:- ನೀವು ಕೆಲವು ಮುಖ್ಯವಾದ ನಿರ್ಧಾರಗಳನ್ನು ತೆಗೆದುಕೊಳ್ಳುವುದಕ್ಕೆ ಈವಾರ ಸೂಕ್ತವಾಗಿರುತ್ತದೆ. ವ್ಯಾಪಾರ-ವ್ಯವಹಾರದಲ್ಲಿ ಹೆಚ್ಚಿನ ಲಾಭಾಂಶ ಕಂಡು ಬರುವುದು. ಹಳೆಯ ಮಿತ್ರರೊಬ್ಬರನ್ನು ನೀವು ಭೇಟಿ ಮಾಡುತ್ತಿರಿ. ಬಹುದಿನದಿಂದ ಪೀಡಿಸುತ್ತಿದ್ದ ಹಣಕಾಸಿನ ವಿಷಯದಲ್ಲಿ ನಿಣಾಯಕ ತೀರ್ಮಾನವು ನಿಮ್ಮ ಪರವಾಗಿ ಬರುವುದರಿಂದ ಬರಬೇಕಾಗಿದ್ದ ಹಣಕಾಸು ನಿಮ್ಮ ಕೈಡೇರುವುದು. ಗುರುಜನರ ಆಶೀರ್ವಾದವನ್ನು ಪಡೆಯಿರಿ. ನಿಮ್ಮ ಸುತ್ತಮುತ್ತಲಿರುವ ಹಿತಶತ್ರುಗಳ ಬಗ್ಗೆ ಎಚ್ಚರಿಕೆ ಇರಲಿ.

Also read: ಈ ಏಳು ರಾಶಿಯವರಿಗೆ ಜೀವನದಲ್ಲಿ ಏನೇನೆಲ್ಲ ಬೇಕು ಅಂದುಕೊಳ್ಳುತ್ತಾರೋ ಅದೆಲ್ಲ ಸಿಗುತ್ತೆ!!

ತುಲಾ:

ದಿನ ಭವಿಷ್ಯ

ತುಲಾ:- ಈವಾರ ನಿಮಗೆ ಸಿಗುವ ಕೆಲವು ಮಾಹಿತಿಗಳಿಂದ ನಿಮ್ಮ ಯೋಜನೆಗಳಲ್ಲಿ ನೀವು ಕೆಲವು ಬದಲಾವಣೆಗಳನ್ನು ತರುವಿರಿ. ಅಂತೆಯೇ ನೀವು ಇತರರ ವ್ಯವಹಾರದಲ್ಲಿ ತಲೆ ಹಾಕದಿರುವುದು ಒಳಿತು. ಹಣಕಾಸಿನ ವಿಷಯದಲ್ಲಿ ಜಾಗ್ರತೆ ಅಗತ್ಯ. ಸಹೋದರರಿಗೆ ಈವಾರ ಸಹಾಯ ಮಾಡುವಿರಿ. ಸಂಗಾತಿಯು ನಿಮ್ಮ ಇಚ್ಛೆಯಂತೆ ನಡೆದುಕೊಳ್ಳುವರು. ಮಕ್ಕಳ ವಿದ್ಯಾಭ್ಯಾಸದಲ್ಲಿ ಪ್ರಗತಿ ಕಂಡುಬರುವುದು. ವಾಹನ ಚಲಾಯಿಸುವಾಗ ಮೊಬೈಲ್ ಬಳಸದಿರುವುದು ಕ್ಷೇಮಕರ. ಗುರುವಿನ ಸ್ತೋತ್ರ ಪಠಿಸಿರಿ.

ವೃಶ್ಚಿಕ:

ದಿನ ಭವಿಷ್ಯ

ವೃಶ್ಚಿಕ:- ಗುರುವಿನ ಅನುಗ್ರಹದಿಂದ ನಿಮ್ಮ ಕಾರ್ಯಗಳು ಸುಲಲಿತವಾಗಿ ನಡೆಯುವವು. ಹಣಕಾಸಿನ ವಿಷಯದಲ್ಲಿ ಮೋಸಹೋಗುವ ಸಾಧ್ಯತೆ ಇದ್ದು, ಈ ಬಗ್ಗೆ ಎಚ್ಚರಿಕೆಯಿಂದ ಇರಬೇಕು. ಈವಾರ ನಿಮ್ಮ ಮನೋದಾರ್ಢ್ಯವು ಹೆಚ್ಚಾಗುವುದು. ನೀವು ಎಲ್ಲಾ ವಿಷಯದಲ್ಲೂ ಪ್ರಗತಿ ಸಾಧಿಸುತ್ತೀರಿ. ನಿಮ್ಮ ಯಶಸ್ಸಿಗೆ ಹಾಗೂ ಪ್ರತಿಭೆಯ ಪ್ರದರ್ಶನಕ್ಕೆ ಒಳ್ಳೆಯ ಕಾಲವಾಗಿದೆ. ಮತ್ತು ಶ್ರಮಕ್ಕೆ ತಕ್ಕಷ್ಟು ಹಣಕಾಸು ಕೂಡಾ ಒದಗಿ ಬರುವುದು. ದೂರದ ಪ್ರಯಾಣಗಳನ್ನು ಮುಂದೂಡುವುದು ಒಳ್ಳೆಯದು. ಮನೆಯಲ್ಲಿ ಮಂಗಳ ಕಾರ್ಯ ಜರುಗುವುದು.

ಧನಸ್ಸು:

ದಿನ ಭವಿಷ್ಯ

ಧನಸ್ಸು:- ನಿಮ್ಮಲ್ಲಿನ ದ್ವಂದ್ವ ಗುಣದಿಂದ ನೀವು ಆಪಾದನೆಗೆ ಗುರಿ ಆಗುವ ಸಂದರ್ಭವಿರುತ್ತದೆ. ನಿಮ್ಮ ಕೆಲಸ ಕಾರ್ಯಗಳು ಮಂದಗತಿಯಲ್ಲಿ ಸಾಗುವುದು. ಆರೋಗ್ಯದ ಕಡೆಗೂ ನೀವು ಗಮನ ಹರಿಸಬೇಕು. ಮನೆಯ ಸದಸ್ಯರನ್ನು ಸಂತೋಷಪಡಿಸಲು ಬೆಲೆಬಾಳುವ ವಸ್ತುಗಳನ್ನು ಖರೀದಿಸುವುದರಿಂದ ಅಧಿಕ ಖರ್ಚು ಆಗುವುದು. ಕೆಲವರಿಗೆ ವತ್ತಿಯಲ್ಲಿ ಬದಲಾವಣೆ ಆಗುವುದು. ಕೆಲವು ನೂತನ ಗಹಪ್ರವೇಶ ಮಾಡುವರು. ಅಕ್ಕಪಕ್ಕದವರೊಂದಿಗೆ ಸೌಹಾರ್ದಯುತವಾಗಿ ವರ್ತಿಸಿರಿ.

Also read: ರಾಶಿಯ ಪ್ರಕಾರ ನಿಮಗೆ ಶುಭ ದಿನ ಯಾವುದು ಗೊತ್ತೇ?? ಇಲ್ಲಿದೆ ನೋಡಿ ಡೀಟೇಲ್ಸ್.. ಒಳ್ಳೆಯ ಕೆಲಸ ಶುರು ಮಾಡುವುದಿದ್ದರೆ ಈ ದಿನದಲ್ಲೇ ಮಾಡಿ

ಮಕರ:

ದಿನ ಭವಿಷ್ಯ

ಮಕರ:- ಈವಾರ ಗುರುವಿನ ಶುಭ ಸಂಚಾರದಿಂದಾಗಿ ಇತರರಿಂದ ಸಹಾಯವನ್ನು ನಿರೀಕ್ಷಿಸಬಹುದು. ನಿಮ್ಮ ಮನದಲ್ಲಿನ ಭಾವನೆಗಳನ್ನು ಸರಿಯಾಗಿ ವ್ಯಕ್ತಪಡಿಸಿದಲ್ಲಿ ಅದರಿಂದ ಒಳಿತನ್ನೆ ಕಾಣುವಿರಿ. ಅಲಂಕಾರಿಕ ವಸ್ತುಗಳ ಖರೀದಿಗೆ ಮುಂದಾಗುವಿರಿ. ಉದ್ಯೋಗ ಅಥವಾ ಮನೆಯಲ್ಲಿ ಯಾವುದೇ ರೀತಿಯ ಸಮಸ್ಯೆ ಇರುವುದಿಲ್ಲ. ದೀರ್ಘ ಪ್ರಯಾಣದ ಸಾಧ್ಯತೆಯೂ ಇರುವುದು. ನಿಮ್ಮ ಕೈಕೆಳಗಿನ ಕೆಲಸಗಾರರು ನಿಮ್ಮ ಅಣತಿಯಂತೆ ಕೆಲಸ ಮಾಡುವರು. ಇದರಿಂದ ನೀವು ಮೇಲಾಧಿಕಾರಿಗಳಿಂದ ಪ್ರಶಂಸೆಗೆ ಒಳಗಾಗುವಿರಿ.

ಕುಂಭ:

ದಿನ ಭವಿಷ್ಯ

ಕುಂಭ:- ಕೆಲಸ ಕಾರ್ಯಗಳಲ್ಲಿ ಅಲ್ಪ ಅಡೆತಡೆ ಉಂಟಾದರೂ ಪ್ರಭಾವಿತ ಜನರೊಂದಿಗಿನ ಮಾತುಕತೆಯಿಂದಾಗಿ ಮತ್ತು ಅವರ ಸಹಕಾರಿದಿಂದಾಗಿ ಎಲ್ಲಾ ಕೆಲಸವೂ ಸುಗಮವಾಗಲಿದೆ. ನಿಮ್ಮ ಕೈಕೆಳಗೆ ಕೆಲಸ ಮಾಡುವ ಶ್ರಮಿಕ ವರ್ಗದವರನ್ನು ಹುರಿದುಂಬಿಸಿ ಕೆಲಸಗಳನ್ನು ಮಾಡಿಸಿಕೊಳ್ಳಿರಿ ಹಾಗೂ ಅವರು ಮಾಡಿದ ಕಾರ್ಯಕ್ಕೆ ಶ್ಲಾಘನೆಯನ್ನು ವ್ಯಕ್ತಪಡಿಸುವಿರಿ. ನಿಮ್ಮ ಮನದಲ್ಲಿನ ಯೋಜನೆಗಳನ್ನು ಕಾರ್ಯರೂಪಕ್ಕೆ ತರಲು ಈವಾರ ಪ್ರಶಸ್ತವಾಗಿದೆ. ಹಣಕಾಸಿನ ನೆರವು ಬಂಧು ಬಾಂಧವರಿಂದ ದೊರೆಯುವುದು

ಮೀನ:

ದಿನ ಭವಿಷ್ಯ

ಮೀನ:- ಗುರುವಿನ ಶುಭ ಸಂಚಾರದಿಂದಾಗಿ ಸ್ಪರ್ಧಾತ್ಮಕ ಪರೀಕ್ಷೆ ಹಾಗೂ ಸಂದರ್ಶನದಲ್ಲಿ ಯಶಸ್ವಿಯಾಗುತ್ತೀರಿ. ಆದ್ದರಿಂದ ನಿಮ್ಮ ಮುಂದಿರುವ ಅವಕಾಶವನ್ನು ಸರಿಯಾಗಿ ಉಪಯೋಗಿಸಿಕೊಳ್ಳಿರಿ. ಈವಾರ ನಿಮ್ಮ ಕುಟುಂಬದ ಸದಸ್ಯರು ಮತ್ತು ನಿಮ್ಮ ಸಹೋದ್ಯೋಗಿಗಳು ನಿಮ್ಮ ಅಪೇಕ್ಷೆಗೆ ಅನುಸಾರವಾಗಿ ನಡೆದುಕೊಳ್ಳುತ್ತಾರೆ. ನಿಮಗೆ ವಹಿಸಿದ ಜವಾಬ್ದಾರಿ ಕೆಲಸವನ್ನು ಸರಿಯಾಗಿ ನಿರ್ವಹಿಸುವಿರಿ. ಹಣಕಾಸಿನ ವಿಷಯದಲ್ಲಿ ತೊಂದರೆ ಇಲ್ಲ. ಮನೆಯ ಹಿರಿಯರ ಆರೋಗ್ಯದ ಕಡೆ ಹೆಚ್ಚಿನ ಗಮನ ನೀಡಿರಿ.

Also read: ಯಾವ ರಾಶಿಯವರು ಯಾವ ಹರಳನ್ನು ಯಾವ ಬೆರಳಿಗೆ ಹಾಕಿಕೊಳ್ಳಬೇಕು?? ಅದು ಎಷ್ಟು ತೂಕವಿರಬೇಕು?? ಇಲ್ಲಿದೇ ಸಂಪೂರ್ಣ ಮಾಹಿತಿ

ವಾರ-ಭವಿಷ್ಯ: 15 ಸೆಪ್ಟೆಂಬರ್ ರಿಂದ 21 ಆಗಸ್ಟ್ ರವರೆಗೆ, 2019!!