ವಾರ-ಭವಿಷ್ಯ: 20 ಅಕ್ಟೋಬರ್ ರಿಂದ 26 ಅಕ್ಟೋಬರ್ ರವರೆಗೆ, 2019!!

0
881

Astrology in kannada | kannada news ವಾರ-ಭವಿಷ್ಯ: 20 ಅಕ್ಟೋಬರ್ ರಿಂದ 26 ಅಕ್ಟೋಬರ್ ರವರೆಗೆ, 2019!!

ವಾರ-ಭವಿಷ್ಯ: 20 ಅಕ್ಟೋಬರ್ ರಿಂದ 26 ಅಕ್ಟೋಬರ್ ರವರೆಗೆ, 2019!!

ಮೇಷ:

ದಿನ ಭವಿಷ್ಯ

ಮೇಷ:- ನೀವು ಇತರೆಯವರಿಗೆ ಮಾಡಿದ ಸಹಕಾರಗಳನ್ನು ಜನ ನೆನಪಿಸಿಕೊಳ್ಳುವುದಿಲ್ಲ ಎಂಬ ಕೊರಗು ನಿಮ್ಮನ್ನು ಕಾಡುವುದು. ಸಿಕ್ಕಿ ಹಾಕಿಕೊಂಡಿದ್ದ ಪ್ರಕರಣಗಳಿಂದ ಮುಕ್ತರಾಗುವಿರಿ. ಸೋದರಿಯ ಕೌಟುಂಬಿಕ ಸಮಸ್ಯೆ ನಿಮ್ಮ ಮಧ್ಯಸ್ಥಿಕೆಯಲ್ಲಿ ಸುಖಾಂತ್ಯವಾಗಲಿದೆ. ಹಮ್ಮಿಕೊಂಡ ಕೆಲಸಗಳು ಮುಂಚಿತವಾಗಿ ಮುಗಿಯುವುದರಿಂದ ತೊಂದರೆ ಇಲ್ಲ. ಸಭೆ ಸಮಾರಂಭಗಳಲ್ಲಿ ಭಾಗವಹಿಸುವಿರಿ. ಉತ್ತಮ ಆದಾಯವಿದ್ದು ಹಣಕಾಸಿನ ತೊಂದರೆ ಇರುವುದಿಲ್ಲ.

ವೃಷಭ:

ದಿನ ಭವಿಷ್ಯ

ವೃಷಭ:- ಹೊಂದಾಣಿಕೆಯಿಂದ ಮಾತ್ರ ಸಮಸ್ಯೆಗಳನ್ನು ಬಗೆಹರಿಸಲು ಸಾಧ್ಯ. ಸಂಶಯ ಮುಂಗೋಪ ಇವುಗಳಿಂದ ಆಗುವ ಅನಾಹುತ ಬಹಳ. ಸ್ನೇಹಿತರೊಂದಿಗೆ, ಬಂಧುಗಳೊಂದಿಗೆ ಹೊಂದಾಣಿಕೆ ಮಾಡಿಕೊಳ್ಳಿರಿ. ಕೆಲವು ವಿಷಯಗಳನ್ನು ಅತಿಯಾಗಿ ಎಳೆಯುವುದು ಬೇಡ. ಬಂಧುಗಳೊಡನೆ ತಾಳ್ಮೆಯಿಂದ ವ್ಯವಹರಿಸಿ. ಮನೆ ವಾಸಸ್ಥಾನದ ಬದಲಾವಣೆ ಸಾಧ್ಯತೆ ಇದೆ. ಮಿತಿ ಮೀರಿದ ಪ್ರಯಾಣದಿಂದಾಗಿ ಆರೋಗ್ಯದಲ್ಲಿ ವ್ಯತ್ಯಾಸ ಕಂಡುಬರುವುದು. ಸಾಕು ಪ್ರಾಣಿಗಳಿಂದ ಆದಷ್ಟು ಜಾಗ್ರತೆಯಿಂದ ಇರಿ. ಹೊಸ ಯೋಜನೆಗಳನ್ನು ಹಮ್ಮಿಕೊಳ್ಳಲು ಸಕಾಲವಾಗಿದೆ.

ಮಿಥುನ:

ದಿನ ಭವಿಷ್ಯ

ಮಿಥುನ:- ನಿಮ್ಮ ಅತಿಯಾದ ಹಾಗೂ ವಿವೇಚನಾ ಶೂನ್ಯವಾದ ಕೆಲಸಗಳು ಇಕ್ಕಟ್ಟಿಗೆ ಸಿಲುಕಿಸಬಹುದು. ಅತಿಯಾದ ದುಡುಕುತನ ಒಳ್ಳೆಯದಲ್ಲ. ಹದಗೆಟ್ಟಿದ್ದ ಆರೋಗ್ಯದಲ್ಲಿ ತೀವ್ರ ಸುಧಾರಣೆ ಕಂಡು ಬರುವುದು. ಕಳೆದು ಹೋಗಿದ್ದ ಅಮೂಲ್ಯ ವಸ್ತುಗಳು ಪೊಲೀಸರ ದಕ್ಷ ತೆಯಿಂದಾಗಿ ಮರಳಿ ಕೈ ಸೇರುವ ಸಾಧ್ಯತೆಯಿದೆ. ಕೆಲವು ವಿವಾದಗಳನ್ನು ಆರಂಭದ ಹಂತದಲ್ಲೇ ಚಿವುಟಿ ಹಾಕುವುದು ಒಳ್ಳೆಯದು. ವ್ಯವಹಾರಕ್ಕೆ ಸಂಬಂಧಪಟ್ಟ ಸಮಸ್ಯೆಗಳನ್ನು ಪಾಲುದಾರರೊಂದಿಗೆ ಚರ್ಚಿಸಿ ಪರಿಹಾರ ಕಂಡುಕೊಳ್ಳುವುದು ಉತ್ತಮ.

Also read: ಪುರಾಣಗಳ ಪ್ರಕಾರ ವಾಸ್ತುದೋಷ ಹೋಗಲಾಡಿಸಲು ಇದು ಒಂದು ಇದ್ರೆ ಸಾಕು, ವಾಸ್ತು ದೋಷ ಎಲ್ಲ ಮಾಯಾ ಆಗುತ್ತೆ..!

ಕಟಕ:

ದಿನ ಭವಿಷ್ಯ

ಕಟಕ:- ಮನೆಯ ಹಿರಿಯರ ಆರೋಗ್ಯದಲ್ಲಿ ವ್ಯತ್ಯಾಸ ಕಂಡುಬರುವುದು. ದೂರದ ಪ್ರಯಾಣವನ್ನು ಮುಂದೂಡುವುದು ಒಳಿತು. ವೃತ್ತಿ ಕ್ಷೇತ್ರದಲ್ಲಿ ಸಾಕಷ್ಟು ಪ್ರಗತಿ ಕಂಡು ಬರುವುದು. ಅದು ನಿಮ್ಮಲ್ಲಿರುವ ಉತ್ಸಾಹವನ್ನು ಇಮ್ಮಡಿಪಡಿಸಲಿದೆ. ನ್ಯಾಯಾಲಯದ ತೀರ್ಪುಗಳು ನಿಮ್ಮ ವಿರುದ್ಧವಾಗುವ ಸಾಧ್ಯತೆ ಇರುವುದರಿಂದ ತಾಳ್ಮೆ ಕಳೆದುಕೊಳ್ಳಬೇಡಿರಿ. ವೈಯಕ್ತಿಕ ಜೀವನ ಸಂತೃಪ್ತಿದಾಯಕ. ನವ ದಂಪತಿಗಳು ಸಮಸ್ಯೆಗಳನ್ನು ಕುಳಿತು ಮಾತುಕತೆ ಮೂಲಕ ಬಗೆಹರಿಸಿಕೊಳ್ಳುವುದು ಒಳಿತು. ಮಕ್ಕಳನ್ನು ಪ್ರೀತಿಯಿಂದ ಕಾಣಿರಿ.

ಸಿಂಹ:

ದಿನ ಭವಿಷ್ಯ

ಸಿಂಹ:- ನೀವು ಸಹೋದ್ಯೋಗಿಗಳಿಗೆ ಉಪಕಾರ ಮಾಡಿದ್ದನ್ನು ಅವರು ಸ್ಮರಿಸಿಕೊಳ್ಳುವುದಿಲ್ಲ. ಇದರಿಂದ ನಿಮಗೆ ಬೇಸರ ಉಂಟಾಗುವ ಸಾಧ್ಯತೆ. ಆದರೆ ನೀವು ಹಮ್ಮಿಕೊಂಡ ಯೋಜನಾ ಬದ್ಧವಾದ ಕಾರ್ಯಗಳೆಲ್ಲವೂ ಕೂಡಾ ಯಶಸ್ಸನ್ನು ಕಾಣಲಿವೆ. ವಿವಾಹಯೋಗ್ಯ ಮಕ್ಕಳಿಗೆ ಕಂಕಣಭಾಗ್ಯ ಕೂಡಿ ಬರುವುದು. ನಿಮ್ಮ ಮಾತಿಗೆ ಇರುವ ಬೆಲೆ ಹಾಗೂ ತಾಕತ್ತು ಎಲ್ಲರನ್ನು ಚಕಿತಗೊಳ್ಳಿಸುತ್ತದೆ. ಸಮಾಜ ಬಾಂಧವರು ಸಹಾಯ ಕೋರಿ ಬರುವರು. ಆಧ್ಯಾತ್ಮಿಕ ಕೆಲಸಗಳಿಗೆ ನಿಮ್ಮಿಂದ ಹೆಚ್ಚಿನ ಪ್ರೋತ್ಸಾಹ ದೊರೆಯಲಿದೆ.

ಕನ್ಯಾ:

ದಿನ ಭವಿಷ್ಯ

ಕನ್ಯಾ:- ನಿಆತ್ಮೀಯರಂತೆ ನಟಿಸುವವರಿಂದ ಮೋಸ ಹೋಗುವ ಸಂಭವವಿದೆ. ಈ ವಿಚಾರದಲ್ಲಿ ತುಂಬಾ ಜಾಗರೂಕರಾಗಿರಿ. ಅಮೂಲ್ಯ ವಸ್ತುಗಳ ಕಳ್ಳತನವಾಗುವ ಸಾಧ್ಯತೆ ಇರುವುದು. ಅನುಭವಿಗಳ ಸಹಾಯದಿಂದ ಉದ್ಯಮದಲ್ಲಿ ಪ್ರಗತಿ ಕಂಡು ಬರಲಿದೆ. ಬುದ್ಧಿವಂತಿಕೆಯೇ ನಿಮ್ಮ ಬಂಡವಾಳ. ಕಲಾವಿದರಿಗೆ ಮತ್ತು ಕರಕುಶಲ ನೌಕರರಿಗೆ ಹೆಚ್ಚಿನ ಬೇಡಿಕೆ ದೊರೆಯಲಿದೆ. ಪ್ರಾಮಾಣಿಕತೆಗೆ ಮನ್ನಣೆ ದೊರೆಯುವುದು. ಅನಾವಶ್ಯಕ ವಸ್ತುಗಳ ಖರೀದಿಯನ್ನು ತಡೆಹಿಡಿಯಿರಿ. ಮನೆಯ ಹಿರಿಯರ ಆರೋಗ್ಯದ ಕಡೆ ಗಮನ ನೀಡಿರಿ.

Also read: ಈ ಏಳು ರಾಶಿಯವರಿಗೆ ಜೀವನದಲ್ಲಿ ಏನೇನೆಲ್ಲ ಬೇಕು ಅಂದುಕೊಳ್ಳುತ್ತಾರೋ ಅದೆಲ್ಲ ಸಿಗುತ್ತೆ!!

ತುಲಾ:

ದಿನ ಭವಿಷ್ಯ

ತುಲಾ:- ಸಾಮಾಜಿಕವಾಗಿ ದೊರೆಯಲಿರುವ ಗೌರವ ನಿಮ್ಮ ಪ್ರತಿಷ್ಠೆಯನ್ನು ಹೆಚ್ಚಿಸಲಿದೆ. ಇದರಿಂದಾಗಿ ನಿಮಗೆ ಸಾಮಾಜಿಕ ಜವಾಬ್ದಾರಿ ಹೆಚ್ಚಲಿದೆ. ವೈಯಕ್ತಿಕ ವಿಚಾರಗಳನ್ನು ಎಲ್ಲರ ಮುಂದೆ ಹೇಳಿಕೊಳ್ಳುವುದು ಬೇಡ. ಮಗನ ಉದ್ಯೋಗದಲ್ಲಿ ಬದಲಾವಣೆ ಕಂಡು ಬರುವುದು. ಮಡದಿಯ ಮುನಿಸು ಶಮನವಾಗಲಿದೆ. ಬಂಧುಗಳೊಡನೆ ಮಾಡುವ ಸಮಾಲೋಚನೆ ಫಲಪ್ರದವಾಗಲಿದೆ. ಆದಾಯದಲ್ಲಿ ಹೆಚ್ಚಳ ಕಂಡುಬರಲಿದ್ದು ಸಾಲಗಳು ತಕ್ಕ ಮಟ್ಟಿಗೆ ತೀರಲಿವೆ. ನಿಮ್ಮ ಮಾರ್ಗದರ್ಶನ ಕೋರಿ ಹಲವರು ಬರಬಹುದು.

ವೃಶ್ಚಿಕ:

ದಿನ ಭವಿಷ್ಯ

ವೃಶ್ಚಿಕ:- ನಿಮ್ಮ ಅತಿಯಾದ ಮುಂಗೋಪದಿಂದಾಗಿ ಹಿತೈಷಿಗಳು ಕೂಡಾ ದೂರವಾಗಬಹುದು. ದೈನಂದಿನ ಜೀವನ ಚಟುವಟಿಕೆಯಿಂದ ನಡೆಯಲಿದೆ. ಆತ್ಮವಿಶ್ವಾಸ ಹೆಚ್ಚಿಸಿಕೊಳ್ಳಿರಿ. ತಪ್ಪದೆ ಆಂಜನೇಯ ಸ್ತೋತ್ರ ಪಠಿಸಿರಿ. ಶನಿದೇವಾಲಯದಲ್ಲಿ ಎಳ್ಳುದೀಪ ಹಚ್ಚಿರಿ. ವಾಹನಗಳನ್ನು ನಡೆಸುವಾಗ ಎಚ್ಚರಿಕೆಯಿಂದಿರಿ. ಆಸ್ತಿ ಖರೀದಿ ವಿಚಾರವಿದ್ದಲ್ಲಿ ಅದನ್ನು ಮುಂದಕ್ಕೆ ಹಾಕುವುದು ಒಳ್ಳೆಯದು. ಅನಾವಶ್ಯಕ ವ್ಯವಹಾರಗಳಲ್ಲಿ ಪಾಲ್ಗೊಳ್ಳದಿರುವುದು ಉತ್ತಮ. ಖರ್ಚಿಗೆ ತಕ್ಕಷ್ಟು ಹಣ ಒದಗಿ ಬರುವುದು.

ಧನಸ್ಸು:

ದಿನ ಭವಿಷ್ಯ

ಧನಸ್ಸು:- ಮಿತ್ರರಿಗೋಸ್ಕರ ನೀವು ಮಾಡಿದ ಸಹಾಯ ಉಪಯೋಗವಾಗಲಿದೆ. ಆಯಾ ಕೆಲಸಗಳನ್ನು ಸರಿಯಾದ ಸಮಯದಲ್ಲಿ ಮಾಡುವುದನ್ನು ಕಲಿಯುವಿರಿ. ಅಪರಿಚಿತ ವ್ಯಕ್ತಿಯ ಸ್ನೇಹದಿಂದ ವ್ಯವಹಾರದಲ್ಲಿ ಮೋಸ ಮಾಡುವ ಸಂದರ್ಭವಿರುತ್ತದೆ. ಕಟ್ಟಡ ಕಾರ್ಮಿಕರು ತಮ್ಮ ಕೆಲಸಗಳಲ್ಲಿ ಅತಿ ಜಾಗರೂಕರಾಗಿರುವುದು ಒಳ್ಳೆಯದು. ಮನೆಯಲ್ಲಿ ಬೆಂಕಿ, ವಿದ್ಯುತ್‌ ವಸ್ತುಗಳ ಬಗ್ಗೆ ಎಚ್ಚರದಿಂದಿರಿ. ಆರೋಗ್ಯದ ಬಗ್ಗೆ ಉದಾಸೀನ ಸಲ್ಲದು. ಜೀವನದಲ್ಲಿ ಹೊಂದಾಣಿಕೆ ಅನಿವಾರ್ಯವಾಗುವುದು. ಕುಲದೇವತಾ ಪ್ರಾರ್ಥನೆ ಮಾಡಿರಿ.

Also read: ರಾಶಿಯ ಪ್ರಕಾರ ನಿಮಗೆ ಶುಭ ದಿನ ಯಾವುದು ಗೊತ್ತೇ?? ಇಲ್ಲಿದೆ ನೋಡಿ ಡೀಟೇಲ್ಸ್.. ಒಳ್ಳೆಯ ಕೆಲಸ ಶುರು ಮಾಡುವುದಿದ್ದರೆ ಈ ದಿನದಲ್ಲೇ ಮಾಡಿ

ಮಕರ:

ದಿನ ಭವಿಷ್ಯ

ಮಕರ:- ಮಕ್ಕಳ ಏಳಿಗೆ ನಿಮಗೆ ತುಸು ನೆಮ್ಮದಿಯನ್ನು ತರಲಿದೆ. ಆಸ್ತಿ ಖರೀದಿಯ ಬಗ್ಗೆ ಚಿಂತಿಸುತ್ತಿರುವವರಿಗೆ ಉತ್ತಮ ಕಾಲ. ಗುರುವಿನ ಕೃಪೆಯಿಂದಾಗಿ ಸ್ಥಿರಾಸ್ಥಿ ಖರೀದಿ ಮಾಡುವಿರಿ. ಮಡದಿ ಮಕ್ಕಳ ಕೋರಿಕೆಗಳ ಪೂರೈಕೆಗೆ ವಿಪರೀತ ಖರ್ಚು ಕಂಡು ಬರುವುದು. ವೈಯಕ್ತಿಕ ಜೀವನದಲ್ಲಿದ್ದ ಭಿನ್ನಾಭಿಪ್ರಾಯಗಳು ದೂರವಾಗುವುದು. ಹೊಸ ಉದ್ಯಮದಲ್ಲಿ ಯಶಸ್ಸನ್ನು ಕಾಣುವಿರಿ. ಮನೆಗೆ ವಿಶೇಷ ಅತಿಥಿಗಳ ಆಗಮನ ಉಂಟಾಗುವುದು. ನವದಂಪತಿಗಳಿಗೆ ಸಂತಾನಭಾಗ್ಯ ಉಂಟಾಗುವುದು.

ಕುಂಭ:

ದಿನ ಭವಿಷ್ಯ

ಕುಂಭ:- ಉದರ ಸಂಬಂಧಿ ತೊಂದರೆಗಳು ಕಾಡುವ ಸಾಧ್ಯತೆ ಇದ್ದು ಸಕಾಲಕ್ಕೆ ವೈದ್ಯರ ಸಲಹೆ ಪಡೆಯಿರಿ. ಮತ್ತು ಸಕಾಲದಲ್ಲಿ ಭೋಜನ ಸ್ವೀಕರಿಸಿರಿ. ಧಾರ್ಮಿಕ ಕಾರ್ಯಗಳಲ್ಲಿ ವಿಶೇಷ ಆಸಕ್ತಿ ಮೂಡಲಿದೆ. ಗ್ರಂಥಗಳ ಖರೀದಿಯನ್ನು ಮಾಡುವಿರಿ. ಪ್ರಭಾವೀ ವ್ಯಕ್ತಿಗಳ ಸಹಾಯದಿಂದ ಸರ್ಕಾರಿ ಕೆಲಸಗಳು ಸುಗಮವಾಗಲಿದೆ. ಮಿತ್ರರು ಮಾಡುವ ಸಹಾಯವನ್ನು ಸಂಕೋಚವಿಲ್ಲದೆ ಸ್ವೀಕರಿಸಿರಿ. ಮತ್ತೊಬ್ಬರೊಂದಿಗೆ ವೈರತ್ವ ಬೇಡ. ಆರ್ಥಿಕ ಸಂಸ್ಥೆಗಳಿಂದ ಸಕಾಲಿಕ ನೆರವು ದೊರೆಯುವುದರಿಂದ ಹಣಕಾಸಿನ ಸ್ಥಿತಿ ಉತ್ತಮವಾಗುವುದು.

ಮೀನ:

ದಿನ ಭವಿಷ್ಯ

ಮೀನ:- ಕೆಲವೊಮ್ಮೆ ನೀವಾಡುವ ಒರಟು ಮಾತುಗಳಿಂದ ಹಾಗೂ ಮುಂಗೋಪದಿಂದಾಗಿ ಕೆಲಸ ಕಾರ್ಯಗಳು ಕೆಟ್ಟುಹೋಗುವವು. ಬಿಟ್ಟು ಹೋಗಿದ್ದ ಸೊದರ ಸಂಬಂಧ ಮತ್ತೆ ಒಂದಾಗುವುದು. ಮಡದಿಯ ಪಾಲುದಾರಿಕೆಯಲ್ಲಿ ಆರಂಭಿಸಬಹುದಾದ ವ್ಯವಹಾರ ಲಾಭದಾಯಕವಾಗಲಿದೆ. ಶ್ರದ್ಧಾವಂತರಾದ ವಿದ್ಯಾರ್ಥಿಗಳಿಗೆ ಉತ್ತಮ ಅವಕಾಶಗಳು ಒದಗಿ ಬರುತ್ತವೆ. ಯಾವುದೇ ದಾಖಲೆಗಳನ್ನು ಓದದೇ ಸಹಿ ಮಾಡದಿರಿ. ಮನೆಯಲ್ಲಿ ಮಂಗಳಕಾರ್ಯಗಳಿಗೆ ವಿವಿಧ ಮೂಲಗಳಿಂದ ಹಣವು ಹರಿದು ಬರುವುದು.

Also read: ಯಾವ ರಾಶಿಯವರು ಯಾವ ಹರಳನ್ನು ಯಾವ ಬೆರಳಿಗೆ ಹಾಕಿಕೊಳ್ಳಬೇಕು?? ಅದು ಎಷ್ಟು ತೂಕವಿರಬೇಕು?? ಇಲ್ಲಿದೇ ಸಂಪೂರ್ಣ ಮಾಹಿತಿ

ವಾರ-ಭವಿಷ್ಯ: 20 ಅಕ್ಟೋಬರ್ ರಿಂದ 26 ಅಕ್ಟೋಬರ್ ರವರೆಗೆ, 2019!!