ವಾರ-ಭವಿಷ್ಯ: 23 ಜೂನ್ ರಿಂದ 29 ಜೂನ್ ರವರೆಗೆ, 2019!!

0
284

Astrology in kannada | kannada news ವಾರ-ಭವಿಷ್ಯ: 23 ಜೂನ್ ರಿಂದ 29 ಜೂನ್ ರವರೆಗೆ, 2019!!

ವಾರ-ಭವಿಷ್ಯ: 23 ಜೂನ್ ರಿಂದ 29 ಜೂನ್ ರವರೆಗೆ, 2019!!

ಮೇಷ:

ದಿನ ಭವಿಷ್ಯ

ಮೇಷ:- ಬೇರೆಯವರಿಗೆ ಸದಾ ಸಹಾಯ ಮಾಡುತ್ತಾ ಬಂದಿರುವ ನಿಮಗೆ ಅವರಿಂದ ಪ್ರತ್ಯುಪಕಾರ ಸಿಗುವುದಿಲ್ಲ. ಹಿರಿಯರು ಈ ನಿಮ್ಮ ನಡವಳಿಕೆಯ ಬಗ್ಗೆ ಅಸಮಾಧಾನ ತಾಳುವರು. ಆರಂಭಿಸಿದ್ದ ಕೆಲಸಗಳು ಅರ್ಧಕ್ಕೆ ನಿಂತು ಆರ್ಥಿಕ ತೊಂದರೆಗೆ ಈಡಾಗಬಹುದು. ಆದರೆ ಬರುವ ಆದಾಯಕ್ಕೇನೂ ಕೊರತೆ ಇಲ್ಲ.

ವೃಷಭ:

ದಿನ ಭವಿಷ್ಯ

ವೃಷಭ:- ಪ್ರಯೋಜನವಿಲ್ಲದ ಪ್ರಯಾಣ ಮಾಡಿ ದಣಿಯುವಿರಿ. ಗಾಯಕರಿಗೆ ಉತ್ತಮ ಅವಕಾಶಗಳು ದೊರೆಯುವವು. ಅನನುಭವಿಗಳ ಮಾತನ್ನು ನಂಬಿ ಆರಂಭಿಸಿದ ಕಾರ್ಯಗಳು ನಿಮಗೆ ಆರ್ಥಿಕವಾಗಿ ಹೊರೆ ಎನಿಸಲಿದೆ. ನಿರ್ಧಾರಗಳನ್ನು ತೆಗೆದುಕೊಳ್ಳುವಾಗ ಎರಡು ಬಾರಿ ಚಿಂತಿಸಿ.

ಮಿಥುನ:

ದಿನ ಭವಿಷ್ಯ

ಮಿಥುನ:- ಮನೆಯ ಶುಭ ಕಾರ್ಯಗಳ ಸಂಪೂರ್ಣ ಜವಾಬ್ದಾರಿ ನಿಮ್ಮದಾಗುವುದು. ಕಾರ್ಯಕ್ರಮದ ಪೂರ್ವ ಸಿದ್ಧತೆ ಉತ್ತಮವಾಗಿದ್ದಷ್ಟು ಯಶಸ್ವಿಯಾಗುವಿರಿ. ಸೋದರನ ವಿವಾಹದ ಬಗ್ಗೆ ಮನೆಯಲ್ಲಿ ಪ್ರಸ್ತಾಪ ನಡೆಯಲಿದ್ದು, ಹಿರಿಯರ ಅಣತಿಯಂತೆ ನಡೆದರೆ ಒಳ್ಳೆಯದು. ಮಿತ್ರರ ವ್ಯವಹಾರ ನಿಮಿತ್ತ ಪ್ರಯಾಣ ಮಾಡಬೇಕಾಗುವುದು.

Also read: ಪುರಾಣಗಳ ಪ್ರಕಾರ ವಾಸ್ತುದೋಷ ಹೋಗಲಾಡಿಸಲು ಇದು ಒಂದು ಇದ್ರೆ ಸಾಕು, ವಾಸ್ತು ದೋಷ ಎಲ್ಲ ಮಾಯಾ ಆಗುತ್ತೆ..!

ಕಟಕ:

ದಿನ ಭವಿಷ್ಯ

ಕಟಕ:- ವ್ಯಾಪಾರಿಗಳು ಗ್ರಾಹಕರೊಂದಿಗೆ ಸೌಹಾರ್ದದಿಂದ ವರ್ತಿಸುವಂತೆ ತಮ್ಮ ಕೆಲಸಗಾರರಿಗೆ ಸೂಚಿಸುವುದು ಉತ್ತಮ. ಇಲ್ಲವಾದಲ್ಲಿ ಮನಸ್ತಾಪ ಮತ್ತು ಅನಗತ್ಯ ದೂರುಗಳಿಂದ ತೊಂದರೆ ಪಡುವಿರಿ. ಕೆಲಸದ ತೀವ್ರ ಒತ್ತಡದಿಂದ ಅನಾಸಕ್ತಿ ಮೂಡುವುದು. ಮಿತ್ರರೊಂದಿಗೆ ಹಣಕಾಸಿಗೆ ಸಂಬಂಧಪಟ್ಟ ಮನಸ್ತಾಪ ದೂರವಾಗಲಿದೆ.

ಸಿಂಹ:

ದಿನ ಭವಿಷ್ಯ

ಸಿಂಹ:- ಹಣಕಾಸಿನ ಮುಗ್ಗಟ್ಟು ಕಾಡಬಹುದು. ಆದರೆ ಅದು ವಾರಾಂತ್ಯದಲ್ಲಿ ಸರಿ ಹೋಗಲಿದೆ. ಕೈಗಾರಿಕೋದ್ಯಮಿಗಳ ವ್ಯಾಜ್ಯಗಳು ನ್ಯಾಯಾಲಯದ ಹೊರಗೆ ಬಗೆಹರಿಯಲಿವೆ. ಇದರಿಂದ ಮನಸ್ಸು ನಿರಾಳÜವಾಗುವುದು. ಕುಟುಂಬದ ಸಮಸ್ಯೆಗಳು ನಿಮ್ಮ ಸಹನೆ ಪರೀಕ್ಷಿಸಲಿವೆ. ಚಿಂತಿಸಿ ನಿರ್ಧಾರ ತೆಗೆದುಕೊಳ್ಳಿ. ನಿರೀಕ್ಷಿಸಿದ್ದ ಬಹು ಮುಖ್ಯ ದಾಖಲೆ ಪತ್ರ ನಿಮ್ಮ ಕೈ ಸೇರಲಿದೆ.

ಕನ್ಯಾ:

ದಿನ ಭವಿಷ್ಯ

ಕನ್ಯಾ:- ಕುಟುಂಬಕ್ಕೆ ಸಂಬಂಧಿಸಿದ ಕೆಲವು ವಿಷಯಗಳಲ್ಲಿ ಸ್ವಯಂ ನಿರ್ಧಾರ ತೆಗೆದುಕೊಳ್ಳುವುದಕ್ಕಿಂತ ಹಿರಿಯರ ಅಣತಿಯಂತೆ ನಡೆಯುವುದು ಉತ್ತಮ. ಇದರ ಪರಿಣಾಮ ಮುಂದೆ ನಿಮಗೆ ತಿಳಿಯಲಿದೆ ಮತ್ತು ಅದರ ಕೀರ್ತಿ ನಿಮ್ಮದಾಗಲಿದೆ. ಅಕಾಲ ಭೋಜನ ನಿಮ್ಮ ಆರೋಗ್ಯದ ಮೇಲೆ ಪರಿಣಾಮ ಬೀರುವ ಸಾಧ್ಯತೆ ಇದೆ. ವ್ಯವಹಾರದಲ್ಲಿ ಕರಾರು ಒಪ್ಪಂದದಿಂದ ಒಳಿತಿದೆ.

Also read: ಈ ಏಳು ರಾಶಿಯವರಿಗೆ ಜೀವನದಲ್ಲಿ ಏನೇನೆಲ್ಲ ಬೇಕು ಅಂದುಕೊಳ್ಳುತ್ತಾರೋ ಅದೆಲ್ಲ ಸಿಗುತ್ತೆ!!

ತುಲಾ:

ದಿನ ಭವಿಷ್ಯ

ತುಲಾ:- ಖಾಸಗಿ ಕಂಪನಿ ನೌಕರರಿಗೆ ಹಳೆ ಕಂಪನಿಯಿಂದ ಪದೋನ್ನತಿಯೊಂದಿಗೆ ಹೆಚ್ಚು ವೇತನದ ಆಹ್ವಾನ ಬರಲಿದೆ. ಯೋಚಿಸಿ ನಿರ್ಧಾರ ತೆಗೆದುಕೊಳ್ಳಿ. ಕೆಲಸಗಳಲ್ಲಿ ನಿಮ್ಮ ಕಡೆಯಿಂದಾದ ತಪ್ಪು ನಡೆಗಳಿಂದ ಸಣ್ಣಪುಟ್ಟ ತೊಡಕುಗಳು ಬರುವವು. ಹಾಗೆಂದ ಮಾತ್ರಕ್ಕೆ ಗಾಬರಿ ಪಡಬೇಕಿಲ್ಲ. ಕೂಡಲೇ ಅವು ಸರಿ ಹೋಗುವವು.

ವೃಶ್ಚಿಕ:

ದಿನ ಭವಿಷ್ಯ

ವೃಶ್ಚಿಕ:- ಕಂದಾಯ ಇಲಾಖೆ ನೌಕರರಿಗೆ ಮೇಲಧಿಕಾರಿಗಳ ಉಪಟಳ ಸಹಿಸಿಕೊಳ್ಳದೆ ಬೇರೆ ದಾರಿಯಿಲ್ಲ. ಕುಲದೇವರನ್ನು ಭಜಿಸಿ ಮನಸ್ಸಿನ ತುಮುಲಗಳನ್ನು ಹತೋಟಿಗೆ ತಂದುಕೊಳ್ಳಿ. ಅಪರಿಚಿತರ ಒತ್ತಾಯದ ಮೇರೆಗೆ ಅವರ ಸಮಸ್ಯೆಗಳನ್ನು ಬಗೆಹರಿಸಲು ಹೋಗಿ ನೀವೇ ಸಮಸ್ಯೆಗೆ ಸಿಲುಕಿಕೊಳ್ಳುವಿರಿ.

ಧನಸ್ಸು:

ದಿನ ಭವಿಷ್ಯ

ಧನಸ್ಸು:- ಸಂಪಾದಿಸುವುದರಲ್ಲಿ ನೀವು ಎಷ್ಟೇ ಜಾಣರಾಗಿದ್ದರೂ ಮಿತಿ ಮೀರುತ್ತಿರುವ ಖರ್ಚುಗಳ ನಿಯಂತ್ರಣದ ವಿಷಯದಲ್ಲಿ ವಿಫಲರಾಗುವಿರಿ. ಕುಟುಂಬ ಸದಸ್ಯರ ಕೋರಿಕೆಗಳ ಪಟ್ಟಿಯೇ ನಿಮ್ಮನ್ನು ಹೈರಾಣಾಗಿಸಲಿದೆ. ಪರಿಸ್ಥಿತಿ ಹೀಗಿರುವಾಗ ಉಳಿತಾಯದ ಮಾತು ಇನ್ನೂ ದೂರ. ಸ್ನೇಹಿತರ ಮುಖಾಂತರ ಪರಿಚಯವಾದ ಅಪರಿಚಿತ ವ್ಯಕ್ತಿಯೊಬ್ಬ ನಿಮ್ಮನ್ನು ವಂಚಿಸಲು ಪ್ರಯತ್ನಿಸಬಹುದು.

Also read: ರಾಶಿಯ ಪ್ರಕಾರ ನಿಮಗೆ ಶುಭ ದಿನ ಯಾವುದು ಗೊತ್ತೇ?? ಇಲ್ಲಿದೆ ನೋಡಿ ಡೀಟೇಲ್ಸ್.. ಒಳ್ಳೆಯ ಕೆಲಸ ಶುರು ಮಾಡುವುದಿದ್ದರೆ ಈ ದಿನದಲ್ಲೇ ಮಾಡಿ

ಮಕರ:

ದಿನ ಭವಿಷ್ಯ

ಮಕರ:- ವೈಯಕ್ತಿಕ ವಿಷಯದಲ್ಲಿ ಕಂಡುಬರುವ ಗೊಂದಲಗಳನ್ನು ಪರಿಹರಿಸಿಕೊಳ್ಳಲು ಹಿತೈಷಿಗಳ ಸಮಯೋಚಿತ ಸಲಹೆ ಪ್ರಯೋಜನವಾಗಲಿದೆ. ನವ ದಂಪತಿ ಜೀವನದಲ್ಲಿ ಖಾಯಂ ಅತಿಥಿಯ ಪ್ರವೇಶವಾಗಲಿದೆ. ಮನೆಯಲ್ಲಿ ಸಂಭ್ರಮದ ವಾತಾವರಣ ನೆಲೆಸಲಿದೆ. ಗುರು ಹಿರಿಯರ ಆಶೀರ್ವಾದ ಪಡೆಯಿರಿ. ದುಡುಕಿನ ನಿರ್ಧಾರದಿಂದ ಕೆಲಸಗಳು ಹಾಳಾಗುವ ಸಾಧ್ಯತೆ ಇದೆ.

ಕುಂಭ:

ದಿನ ಭವಿಷ್ಯ

ಕುಂಭ:- ಕೆಲವು ದಿನಗಳ ಪರ್ಯಂತ ಕೆಟ್ಟ ಸ್ವಪ್ನಗಳು ಕಾಡಲಿವೆ. ಇದರಿಂದ ನೀವು ಚಂಚಲರಾಗುವಿರಿ. ರಾತ್ರಿ ಮಲಗುವಾಗ ಕುಲದೇವರನ್ನು ಸ್ಮರಿಸಿ. ನಂಬಿದ ಮಿತ್ರರು ಸಮಯಕ್ಕೆ ಸರಿಯಾಗಿ ಸಹಾಯ ನೀಡದಿರುವುದರಿಂದ ಹಣಕಾಸಿನ ಬಿಕ್ಕಟ್ಟು ಎದುರಿಸುವಿರಿ. ಅನಾರೋಗ್ಯಕ್ಕೆ ಸೂಕ್ತ ಚಿಕಿತ್ಸೆ ಪಡೆಯಿರಿ. ಹಿರಿಯರ ಆಶೀರ್ವಾದದಿಂದ ವಾರಾಂತ್ಯದಲ್ಲಿ ತುಸು ನೆಮ್ಮದಿ ಕಾಣುವಿರಿ.

ಮೀನ:

ದಿನ ಭವಿಷ್ಯ

ಮೀನ:- ಏಕಾಏಕಿಯಾಗಿ ಅನೇಕ ಯೋಜನೆಗಳನ್ನು ಆರಂಭಿಸಬೇಡಿ. ಮಕ್ಕಳ ವಿದ್ಯಾಭ್ಯಾಸದ ಕಡೆ ತುಸು ಗಮನವಿಡಿ. ಹಿರಿಯರ ಆರೋಗ್ಯ ಸುಧಾರಿಸುವುದು. ಮನೆಗೆ ನೂತನ ಅತಿಥಿಯ ಅಗಮನವಾಗಲಿದೆ. ವ್ಯಾಪಾರ ನಿಮಿತ್ತ ದೂರ ಪ್ರಯಾಣ ಮಾಡುವಿರಿ. ಸರ್ಕಾರದಿಂದ ಶುಭ ಸಮಾಚಾರ ಕೇಳುವಿರಿ. ಅಂಚೆ ಇಲಾಖೆ ನೌಕರರಿಗೆ ಸರ್ಕಾರದ ಯೋಜನೆಗಳಿಂದ ವಿಪರೀತ ಒತ್ತಡ ಉಂಟಾಗುವುದು.

Also read: ಯಾವ ರಾಶಿಯವರು ಯಾವ ಹರಳನ್ನು ಯಾವ ಬೆರಳಿಗೆ ಹಾಕಿಕೊಳ್ಳಬೇಕು?? ಅದು ಎಷ್ಟು ತೂಕವಿರಬೇಕು?? ಇಲ್ಲಿದೇ ಸಂಪೂರ್ಣ ಮಾಹಿತಿ

ವಾರ-ಭವಿಷ್ಯ: 23 ಜೂನ್ ರಿಂದ 29 ಜೂನ್ ರವರೆಗೆ, 2019!!