ವಾರ-ಭವಿಷ್ಯ: 24 ಮಾರ್ಚ್ ರಿಂದ 30 ಮಾರ್ಚ್ ರವರೆಗೆ, 2019!!

0
316

Astrology in kannada | kannada news ವಾರ-ಭವಿಷ್ಯ: 24 ಮಾರ್ಚ್ ರಿಂದ 30 ಮಾರ್ಚ್ ರವರೆಗೆ, 2019!!

ವಾರ-ಭವಿಷ್ಯ: 24 ಮಾರ್ಚ್ ರಿಂದ 30 ಮಾರ್ಚ್ ರವರೆಗೆ, 2019!!

ಮೇಷ:

ದಿನ ಭವಿಷ್ಯ

ಮೇಷ:- ಬಂಧುಗಳ ಮಧ್ಯೆ ಬಿಟ್ಟು ಹೋಗಿದ್ದ ಸಂಬಂಧ ಮತ್ತೆ ಚಿಗುರಲಿದೆ. ಇದರಿಂದ ಮನೆಯಲ್ಲಿ ಎಲ್ಲರಿಗೂ ಸಂತೋಷವುಂಟಾಗುವುದು. ಚಿಕ್ಕ ಮಕ್ಕಳ ಅನಾರೋಗ್ಯದಿಂದ ಹೆಚ್ಚಿನ ಖರ್ಚಾಗುವುದು. ಇದಕ್ಕಾಗಿ ಹೆಚ್ಚು ಚಿಂತಿಸಬೇಡಿ. ತುಸು ಜಾಗ್ರತೆ ವಹಿಸದಿದ್ದಲ್ಲಿ ಆಹಾರ ಸಂಬಂಧಿಉದರ ಸಮಸ್ಯೆ ನಿಮ್ಮನ್ನು ಕಾಡುವುದು. ಶುಕ್ರವಾರ ಶುಭ ದಿನ. ಶುಭ ಸಂಖ್ಯೆ 2.

ವೃಷಭ:

ದಿನ ಭವಿಷ್ಯ

ವೃಷಭ:- ಮಗಳ ಕುಟುಂಬದಲ್ಲಿ ಮೂಡಿದ್ದ ಭಿನ್ನಾಭಿಪ್ರಾಯ ಬಗೆಹರಿದು ದಂಪತಿಯಲ್ಲಿ ಅನ್ಯೋನ್ಯತೆ ಮೂಡಲಿದೆ. ಕಳೆದೇ ಹೋಗಿದ್ದ ಮುಖ್ಯ ದಾಖಲೆಗಳು ಆಶ್ಚರ್ಯಕರ ರೀತಿಯಲ್ಲಿ ಮತ್ತೆ ನಿಮ್ಮ ಕೈ ಸೇರಲಿವೆ. ನೀವು ದೂರ ಪ್ರಯಾಣ ಮಾಡಬೇಕಾಗುವುದು. ಇದರ ಪೂರ್ವ ತಯಾರಿ ಮಾಡಿಕೊಳ್ಳದೆ ಹೊರಡುವುದು ಸೂಕ್ತವಲ್ಲ. ರಾಜಕೀಯ ಮುಂದಾಳತ್ವ ಸಾಮರ್ಥ್ಯ‌ವಿದ್ದಲ್ಲಿ ವಹಿಸಿಕೊಳ್ಳಿ. ಚಾಡಿ ಮಾತುಗಳಿಗೆ ಕಿವಿಗೊಡದಿರಿ. ಗುರುವಾರ ಶುಭ ದಿನ. ಶುಭ ಸಂಖ್ಯೆ 9.

ಮಿಥುನ:

ದಿನ ಭವಿಷ್ಯ

ಮಿಥುನ:- ನೀವು ಎಷ್ಟೇ ದುಡಿದು ದಣಿದರೂ ಆರ್ಥಿಕ ಪರಿಸ್ಥಿತಿ ಸುಧಾರಿಸುವ ಅವಕಾಶ ಬಹಳ ಕಡಿಮೆ. ನೀವು ಉಳಿಸಿದಷ್ಟು ಹಣವನ್ನು ಮಡದಿ ಮಕ್ಕಳು ಖರ್ಚು ಮಾಡುವರು. ಹೀಗಾಗಿ ಖರ್ಚು ವೆಚ್ಚಗಳನ್ನು ಸರಿದೂಗಿಸಲು ಪರದಾಡುವಿರಿ. ಆದರೂ ದುಡಿಮೆಯ ಉತ್ಸಾಹ ನಿಮ್ಮಲ್ಲಿ ಕಡಿಮೆಯಾಗುವುದಿಲ್ಲ. ಹಿರಿಯರ ಅಣತಿಯಂತೆ ನಡೆದರೆ ಉತ್ತಮ. ಶುಭ ಸಂಖ್ಯೆ 6.

Also read: ಪುರಾಣಗಳ ಪ್ರಕಾರ ವಾಸ್ತುದೋಷ ಹೋಗಲಾಡಿಸಲು ಇದು ಒಂದು ಇದ್ರೆ ಸಾಕು, ವಾಸ್ತು ದೋಷ ಎಲ್ಲ ಮಾಯಾ ಆಗುತ್ತೆ..!

ಕಟಕ:

ದಿನ ಭವಿಷ್ಯ

ಕಟಕ:- ಸ್ನೇಹಿತರ ಹಾಗೂ ಅನುಭವಿಗಳ ಮಾರ್ಗದರ್ಶನ ತುಂಬಾ ಅಗತ್ಯ. ಆಹಾರ ವ್ಯತ್ಯಾಸದಿಂದ ಅನಾರೋಗ್ಯ ಕಾಡುವುದು. ಸೂಕ್ತ ಚಿಕಿತ್ಸೆ ಮಾಡಿಸಿ. ನಿಮ್ಮ ಶ್ರಮಕ್ಕೆ ಹಾಗೂ ದುಡಿಮೆಗೆ ತಕ್ಕ ಪ್ರತಿಫಲ ದೊರೆಯಲಿದೆ. ಮತ್ತೊಬ್ಬರ ಜೀವನದ ಆಗುಹೋಗುಗಳಿಗೆ ತಲೆ ಕೆಡಿಸಿಕೊಳ್ಳಬೇಡಿ. ಇದರಿಂದ ನೀವು ಜೀವನದಲ್ಲಿ ಕಷ್ಟ ಅನುಭವಿಸುವಿರಿ. ಶುಭ ಸಂಖ್ಯೆ 1.

ಸಿಂಹ:

ದಿನ ಭವಿಷ್ಯ

ಸಿಂಹ:- ಗೊತ್ತುಗುರಿಯಿಲ್ಲದೆ ಹಮ್ಮಿಕೊಂಡ ಅನೇಕ ಕಾರ್ಯಗಳಿಗೆ ಆರ್ಥಿಕ ಕೊರತೆ ಕಂಡು ಬರಲಿದೆ. ಕೊಟ್ಟ ಮಾತು ಉಳಿಸಿಕೊಳ್ಳಲು ಪರದಾಡುವಿರಿ. ಮಾತಿನ ತಪ್ಪು ಗ್ರಹಿಕೆಯಿಂದ ಕುಟುಂಬದಲ್ಲಿ ದೊಡ್ಡ ಬಿರುಗಾಳಿ ಏಳುವುದು. ಇದನ್ನು ತಾಳ್ಮೆಯಿಂದ ಹಾಗೂ ವಿವೇಚನೆಯಿಂದ ಬಗೆಹರಿಸಿಕೊಳ್ಳಿ. ಮಗನ ನಿರುದ್ಯೋಗ ಸಮಸ್ಯೆ ಸದ್ಯದಲ್ಲಿಯೇ ಬಗೆಹರಿಯಲಿದೆ. ಶುಭ ಸಂಖ್ಯೆ 4.

ಕನ್ಯಾ:

ದಿನ ಭವಿಷ್ಯ

ಕನ್ಯಾ:- ಎದುರಾಗುವ ಸಮಸ್ಯೆಗಳನ್ನು ನಾಜೂಕಾಗಿ ನಿಭಾಯಿಸುವಿರಿ. ನಿಮ್ಮ ಪರವಾಗಿ ನಿಮ್ಮ ವಕೀಲರು ವಾದ ಮಾಡಿ ಜಯ ತಂದುಕೊಡುವರು. ಹಿತಶತ್ರುಗಳ ವಿಷಯದಲ್ಲಿ ಉದಾಸೀನ ಬೇಡ. ಸಾಲ ತೆಗೆದುಕೊಳ್ಳುವಾಗ ಇದ್ದ ಉತ್ಸಾಹ ತೀರಿಸುವಾಗ ಇಲ್ಲದಿದ್ದರೆ ಮರ್ಯಾದೆ ಹೋಗುವುದು. ಇದಕ್ಕೆ ಅವಕಾಶ ಮಾಡಿಕೊಡದಿರಿ. ಶುಭ ಸಂಖ್ಯೆ 7.

Also read: ಈ ಏಳು ರಾಶಿಯವರಿಗೆ ಜೀವನದಲ್ಲಿ ಏನೇನೆಲ್ಲ ಬೇಕು ಅಂದುಕೊಳ್ಳುತ್ತಾರೋ ಅದೆಲ್ಲ ಸಿಗುತ್ತೆ!!

ತುಲಾ:

ದಿನ ಭವಿಷ್ಯ

ತುಲಾ:- ಮಾತಿನಲ್ಲಿ ಬಲು ಚತುರರಾದ ನೀವು ವಿಷಯಗಳು ತಿಳಿದಿದ್ದರೂ ಮುಗ್ಧರಂತೆ ಇರುವುದು ಉತ್ತಮ. ಬೇರೆಯವರ ವೈಯಕ್ತಿಕ ವಿಚಾರಗಳಲ್ಲಿ ಅತಿ ಕುತೂಹಲ ಬೇಡ. ಇದರಿಂದ ವೈಯಕ್ತಿಕ ಕೀರ್ತಿಗೆ ಕಳಂಕ ಬರುವುದು. ಮಕ್ಕಳ ವಿದ್ಯಾಭ್ಯಾಸದಲ್ಲಿನ ಪ್ರಗತಿ ಮನಸ್ಸಿಗೆ ನೆಮ್ಮದಿ ನೀಡುವುದು. ಆದಾಯ ಹೆಚ್ಚುವುದು. ಸ್ಥಿರಾಸ್ತಿ ಖರೀದಿ ವಿಚಾರದಲ್ಲಿ ಆಶಾಕಿರಣ ಮೂಡುವುದು. ಶುಭ ಸಂಖ್ಯೆ 3.

ವೃಶ್ಚಿಕ:

ದಿನ ಭವಿಷ್ಯ

ವೃಶ್ಚಿಕ:- ಕುಟುಂಬದ ಸೌಹಾರ್ದತೆ ಕಾಪಾಡಿಕೊಳ್ಳಲು ಹೆಣಗಾಡುವಿರಿ. ನೀವು ಯಾರ ಪರವಾಗಿ ಮಾತನಾಡಿದರೂ ಮತ್ತೊಬ್ಬರಿಗೆ ಅಸಹನೆ ಆಗುವುದು. ಸಮನ್ವಯತೆ ಕಾಪಾಡಿಕೊಳ್ಳಲು ಪ್ರಯತ್ನಿಸಿ. ನಿಮ್ಮ ಯಾವುದೇ ಪ್ರಯತ್ನಗಳಿಗೆ ಮನೆ ಸದಸ್ಯರ ಸಹಕಾರ ಸಿಗದೆ ಕಳವಳ ಪಡುವಿರಿ. ಆದರೆ ನಿಮ್ಮ ಛಲದ ಸ್ವಭಾವ ಅವೆಲ್ಲವನ್ನು ಮೆಟ್ಟಿ ನಿಲ್ಲುವುದು. ದುಡಿಮೆ ಎಷ್ಟಿದ್ದರೂ ಸಾಲದೇ ಹೋಗಬಹುದು. ಶುಭ ಸಂಖ್ಯೆ 5.

ಧನಸ್ಸು:

ದಿನ ಭವಿಷ್ಯ

ಧನುಸ್ಸು:- ಹಿರಿಯರ ಆರೋಗ್ಯದಲ್ಲಿ ತೀವ್ರ ವ್ಯತ್ಯಾಸ ಕಂಡುಬಂದು ಆಸ್ಪತ್ರೆ ಖರ್ಚು ಹೆಚ್ಚಾಗುವ ಸಂಭವವಿದೆ. ಹಿರಿಯ ಅಧಿಕಾರಿಗಳಿಗೆ ಅನಿರೀಕ್ಷಿತ ವರ್ಗಾವಣೆ ಕಂಡುಬರುವುದರಿಂದ ಕೈ ಕೆಳಗಿನ ಕೆಲಸಗಾರರಿಗೆ ಹೆಚ್ಚಿನ ಸಂತೋಷ ಉಂಟಾಗುವುದು. ಸೋದರನ ಕೋರಿಕೆಯನ್ನು ಶಾಂತವಾಗಿ ಆಲಿಸಿ. ಆತನ ಕಷ್ಟಗಳಿಗೆ ಸ್ಪಂದಿಸುವುದರಿಂದ ಸಮಾಜದಲ್ಲಿ ಕೀರ್ತಿ ದೊರೆಯುವುದು. ಶುಭ ಸಂಖ್ಯೆ 4, 2.

Also read: ರಾಶಿಯ ಪ್ರಕಾರ ನಿಮಗೆ ಶುಭ ದಿನ ಯಾವುದು ಗೊತ್ತೇ?? ಇಲ್ಲಿದೆ ನೋಡಿ ಡೀಟೇಲ್ಸ್.. ಒಳ್ಳೆಯ ಕೆಲಸ ಶುರು ಮಾಡುವುದಿದ್ದರೆ ಈ ದಿನದಲ್ಲೇ ಮಾಡಿ

ಮಕರ:

ದಿನ ಭವಿಷ್ಯ

ಮಕರ:- ಸ್ವಂತ ಉದ್ಯಮಿಗಳು ಸಿಬ್ಬಂದಿ ಮಾಡುವ ತಪ್ಪಿನಿಂದಾಗಿ ಹೆಚ್ಚಿನ ತೊಂದರೆ ಅನುಭವಿಸುವರು. ಅನಿರೀಕ್ಷಿತವಾಗಿ ದೂರ ಪ್ರಯಾಣ ಕೈಗೊಳ್ಳಬೇಕಾಗುವುದು. ಅವಿವಾಹಿತರಿಗೆ ಉತ್ತಮ ಸಂಬಂಧಗಳು ತಾವಾಗಿಯೇ ಬರಲಿದ್ದು, ಅನುಕೂಲ ಕಂಡುಬಂದಲ್ಲಿ ಮಾತುಕತೆ ಮುಂದುವರೆಸಿ. ಚಿಲ್ಲರೆ ವ್ಯಾಪಾರಿಗಳು ಗ್ರಾಹಕರೊಂದಿಗೆ ಸೌಹಾರ್ದದಿಂದ ವರ್ತಿಸಿದರೆ ಅನುಕೂಲವಿದೆ. ಶುಭ ಸಂಖ್ಯೆ 2.

ಕುಂಭ:

ದಿನ ಭವಿಷ್ಯ

ಕುಂಭ:- ಶ್ರಮಜೀವಿಗಳಿಗೆ ಹೆಚ್ಚಿನ ದುಡಿಮೆಯಿಂದ ಅಧಿಕ ಧನಲಾಭವಾಗಲಿದೆ. ಮತ್ತೊಬ್ಬರಿಗೆ ಹಾಸ್ಯ ಮಾಡಲು ಹೋಗಿ ನೀವೇ ಅಪಹಾಸ್ಯಕ್ಕೆ ಗುರಿಯಾಗುವಿರಿ. ವಿದೇಶದಲ್ಲಿರುವ ಮಗನ ಉದ್ಯೋಗ ವೇತನ ಹೆಚ್ಚುವುದು. ರೈತರಿಗೆ ಸರ್ಕಾರದಿಂದ ಬರುವ ಸೌಲಭ್ಯ ಆಶಾಕಿರಣವಾಗಲಿದೆ. ಸಣ್ಣಪುಟ್ಟ ವ್ಯಾಪಾರಸ್ಥರಿಗೆ ಅನುಕೂಲವಿದೆ. ಶುಭ ಸಂಖ್ಯೆ 0.

ಮೀನ:

ದಿನ ಭವಿಷ್ಯ

ಮೀನ:- ಸೋತು ಗೆದ್ದಿರುವ ನೀವು ಹೊಸ ಸ್ಥಳದಲ್ಲಿನ ಕೆಲಸಗಳನ್ನು ಮಾಡಲು ಆತ್ಮವಿಶ್ವಾಸ ಮತ್ತು ಧೈರ್ಯ ರೂಢಿಸಿಕೊಳ್ಳಿ. ಬಾಕಿ ಸಮಸ್ಯೆಗಳೆಲ್ಲವೂ ಕ್ರಮೇಣ ಬಗೆಹರಿದು ನೆಮ್ಮದಿ ಮೂಡಲಿದೆ. ಆಸ್ತಿಗೆ ಸಂಬಂಧಪಟ್ಟಂತೆ ನೆರೆಹೊರೆಯವರಿಂದ ತಗಾದೆ ಬರುವುದು. ಇದು ವಿಕೋಪಕ್ಕೆ ಹೋಗುವ ಮುನ್ನ ಮಾತುಕತೆಯಿಂದ ಬಗೆಹರಿಸಿಕೊಳ್ಳಿ. ಶುಭ ಸಂಖ್ಯೆ 6.

Also read: ಯಾವ ರಾಶಿಯವರು ಯಾವ ಹರಳನ್ನು ಯಾವ ಬೆರಳಿಗೆ ಹಾಕಿಕೊಳ್ಳಬೇಕು?? ಅದು ಎಷ್ಟು ತೂಕವಿರಬೇಕು?? ಇಲ್ಲಿದೇ ಸಂಪೂರ್ಣ ಮಾಹಿತಿ

ವಾರ-ಭವಿಷ್ಯ: 24 ಮಾರ್ಚ್ ರಿಂದ 30 ಮಾರ್ಚ್ ರವರೆಗೆ, 2019!!