ವಾರ-ಭವಿಷ್ಯ: 28 ಜುಲೈ ರಿಂದ 03 ಆಗಸ್ಟ್ ರವರೆಗೆ, 2019!!

0
497

Astrology in kannada | kannada news ವಾರ-ಭವಿಷ್ಯ: 28 ಜುಲೈ ರಿಂದ 03 ಆಗಸ್ಟ್ ರವರೆಗೆ, 2019!!

ವಾರ-ಭವಿಷ್ಯ: 28 ಜುಲೈ ರಿಂದ 03 ಆಗಸ್ಟ್ ರವರೆಗೆ, 2019!!

ಮೇಷ:

ದಿನ ಭವಿಷ್ಯ

ಮೇಷ:- ಈ ವಾರ ನಿರುದ್ಯೋಗಿಗಳಿಗೆ ಉತ್ತಮ ನೌಕರಿ ದೊರೆಯುವ ಸಂಭವವಿದೆ. ದೂರದೃಷ್ಟಿಯಿಂದ ಹಮ್ಮಿಕೊಂಡ ಕಾರ್ಯಗಳಲ್ಲಿ ಯಶಸ್ಸು ದೊರೆಯುವುದು. ಪ್ರೇಮಿಗಳ ವಿವಾಹಕ್ಕೆ ಹಿರಿಯರ ಅನುಮತಿ ದೊರೆಯಲಿದೆ. ಬರಲಿರುವ ಎಲ್ಲಾ ವಿಘ್ನಗಳು ಕುಲದೇವತಾನುಗ್ರಹದಿಂದ ದೂರವಾಗಲಿದೆ. ಉದ್ಯಮಿಗಳು ಬಂದ ಅವಕಾಶವನ್ನು ಕೈಬಿಡಬಾರದು. ಮಿತ್ರರು ಸಕಾಲದಲ್ಲಿ ಕೊಡುವ ಸಲಹೆಗಳನ್ನು ಅಲಕ್ಷಿಸಬೇಡಿ. ರಿಯಲ್ ಎಸ್ಟೇಟ್ ವ್ಯವಹಾರ ಲಾಭದಾಯಕವಾಗಲಿದೆ. ಹೊಸ ಉದ್ಯಮದಲ್ಲಿ ಬಂಡವಾಳ ಹೂಡಬಹುದು. ಪಾರ್ಟನರ್ ಜೊತೆ ವಿವಾದ ಬೇಡ.

ವೃಷಭ:

ದಿನ ಭವಿಷ್ಯ

ವೃಷಭ:- ಬಾಕಿ ಬರಬೇಕಾಗಿದ್ದ ಹಣವು ಸ್ನೇಹಿತರ ಮಧ್ಯಸ್ಥಿಕೆಯಿಂದ ಕೈ ಸೇರಲಿದೆ. ಯಾಂತ್ರಿಕ ಪರಿಣಿತರಾದ ಮಗನಿಗೆ ಅನೇಕ ಅವಕಾಶಗಳು ಹುಡುಕಿಕೊಂಡು ಬರಲಿವೆ. ಆದರೆ ಆಯ್ಕೆಯಲ್ಲಿ ಎಚ್ಚರಿಕೆಯಿಂದ ಇರಬೇಕು. ಕೌಟುಂಬಿಕ ವಾತಾವರಣ ಉತ್ತಮವಾಗಿದ್ದು ಮಾನಸಿಕ ನೆಮ್ಮದಿ ಕಂಡುಬರಲಿದೆ. ಕುಲದೇವತಾರಾಧನೆಯಿಂದ ಉದ್ಯಮದಲ್ಲಿ ಪ್ರಗತಿ ಕಂಡು ಬರುವುದು. ವಿರೋಧಿಗಳು ತಾವಾಗಿಯೇ ನಿಮ್ಮಿಂದ ದೂರ ಸರಿಯಲಿದ್ದಾರೆ. ನಿರೀಕ್ಷಿಸಿದ್ದ ಶುಭ ವಾರ್ತೆಗಳನ್ನು ಕೇಳುವಿರಿ. ಆರ್ಥಿಕ ಪರಿಸ್ಥಿತಿ ಸುಧಾರಿಸಲಿದೆ.

ಮಿಥುನ:

ದಿನ ಭವಿಷ್ಯ

ಮಿಥುನ:- ನಿಮ್ಮ ಸುತ್ತು ಹುಟ್ಟಿಕೊಳ್ಳುವ ಸಮಸ್ಯೆಗಳನ್ನು ಉಪಾಯವಾಗಿ ಪರಿಹರಿಸಲು ಪ್ರಯತ್ನಿಸಿರಿ. ಪ್ರೀತಿಪಾತ್ರರಿಂದ ಸಮಯೋಚಿತ ಭರವಸೆ ಹಾಗೂ ಬೆಂಬಲ ದೊರೆಯಲಿದೆ. ತಂದೆಯವರ ಆರೋಗ್ಯದಲ್ಲಿ ಸುಧಾರಣೆ ಕಂಡುಬರಲಿದೆ. ಕೆಲವು ವಿಚಾರಗಳಲ್ಲಿ ಅನಿವಾರ್ಯವಾಗಿ ರಾಜಿಯಾಗಲೇಬೇಕಾದ ಸನ್ನಿವೇಶ ಇರುತ್ತದೆ. ಸಂಶೋಧನಾ ಕಾರ್ಯದಲ್ಲಿ ಪ್ರಗತಿ ಕಂಡುಬರುವುದರೊಂದಿಗೆ ನಿಮ್ಮ ಕೀರ್ತಿಯು ಹೆಚ್ಚಾಗುವುದು. ಹಣಕಾಸಿನ ಸ್ಥಿತಿ ಉತ್ತಮವಾಗಿರುವುದು.

Also read: ಪುರಾಣಗಳ ಪ್ರಕಾರ ವಾಸ್ತುದೋಷ ಹೋಗಲಾಡಿಸಲು ಇದು ಒಂದು ಇದ್ರೆ ಸಾಕು, ವಾಸ್ತು ದೋಷ ಎಲ್ಲ ಮಾಯಾ ಆಗುತ್ತೆ..!

ಕಟಕ:

ದಿನ ಭವಿಷ್ಯ

ಕಟಕ:- ಸರ್ಕಾರಿ ಉದ್ಯೋಗದಲ್ಲಿರುವ ಮಹಿಳೆಯರಿಗೆ ಅನಿರೀಕ್ಷಿತ ವರ್ಗಾವಣೆ ಆಗುವುದು. ಅನಾವಶ್ಯಕವಾಗಿ ಬೇರೆಯವರ ವಿಷಯದಲ್ಲಿ ತಲೆ ಹಾಕಬೇಡಿ. ಇದರಿಂದ ನಷ್ಟದ ಜೊತೆಗೆ ಅಪಮಾನವನ್ನು ಅನುಭವಿಸಬೇಕಾಗುವುದು. ಆಧ್ಯಾತ್ಮ ಪ್ರಪಂಚ ನಿಮ್ಮನ್ನು ಆಕರ್ಷಿಸುವುದು. ಪತ್ರಿಕಾರಂಗದವರಿಗೆ ಸರ್ಕಾರದಿಂದ ನೆರವು ದೊರೆಯಲಿದೆ. ಆಸ್ತಿ ಸಂಬಂಧ ವ್ಯವಹಾರ ಸುಲಭವಾಗಿ ಪರಿಹಾರವಾಗಲಿದೆ. ಸಾಂಸಾರಿಕ ನೆಮ್ಮದಿ ಆನಂದವನ್ನುಂಟು ಮಾಡುವುದು.

ಸಿಂಹ:

ದಿನ ಭವಿಷ್ಯ

ಸಿಂಹ:- ಎಲ್ಲವೂ ನನ್ನಿಂದಲೇ ಆಗಬೇಕೆಂಬ ಮನೋವೃತ್ತಿಯನ್ನು ಬಿಡುವುದು ಉತ್ತಮ. ಬಿಡುವಿಲ್ಲದ ಕಾರ್ಯಕ್ರಮದಿಂದಾಗಿ ಆರೋಗ್ಯದಲ್ಲಿ ವ್ಯತ್ಯಾಸವಾಗುವುದು. ಕೆಲಸದ ನಿಮಿತ್ತ ದೂರಪ್ರವಾಸವನ್ನು ಹಮ್ಮಿಕೊಳ್ಳುವಿರಿ. ಸಹೋದ್ಯೋಗಿಗಳ ಬೆಂಬಲ ನಿಮಗುಂಟು. ನಿಮ್ಮ ಪರಿಶ್ರಮಕ್ಕೆ ತಕ್ಕ ಫಲವನ್ನು ಕಾಣುವಿರಿ. ಸ್ಥಿರಾಸ್ಥಿ ಖರೀದಿ ಬಗ್ಗೆ ಚಿಂತನೆ ನಡೆಸುವಿರಿ. ಅನಾವಶ್ಯಕ ಚಿಂತನೆಗಳನ್ನು ಮಾಡದಿರುವುದೇ ಕ್ಷೇಮಕರ. ಪ್ರಯಾಣದಲ್ಲಿ ಮತ್ತು ಬೆಂಕಿಸಂಬಂಧ ಉಪಕರಣಗಳನ್ನು ಬಳಸುವಾಗ ಎಚ್ಚರಿಕೆ ಅಗತ್ಯ. ದುರ್ಗಾಜಪವನ್ನು ಮಾಡಿರಿ.

ಕನ್ಯಾ:

ದಿನ ಭವಿಷ್ಯ

ಕನ್ಯಾ:- ವ್ಯವಹಾರದಲ್ಲಿ ತೋರುವ ಜಾಣತನದಿಂದಾಗಿ ಹೆಚ್ಚಿನ ಲಾಭ ಗಳಿಸುವಿರಿ. ನಿಮ್ಮ ಮಾತಿನ ಮೋಡಿಗೆ ಎಲ್ಲರೂ ತಲೆದೂಗುವರು. ಹಣವನ್ನು ನೀರಿನಂತೆ ಖರ್ಚು ಮಾಡುವುದರಿಂದ ತೊಂದರೆ ಅನುಭವಿಸಬೇಕಾಗುವುದು. ಒಮ್ಮೆ ಹರಿದು ಹೋದ ನೀರು ಮತ್ತೆ ಹಿಂದಕ್ಕೆ ಬರುವುದಿಲ್ಲ ಎಂಬುದು ನೆನಪಿರಲಿ. ಅನುಭವಿಗಳ ಮಾತನ್ನು ಅಲಕ್ಷಿಸುವುದರಿಂದ ನೀವೇ ತೊಂದರೆಯನ್ನು ಅನುಭವಿಸಬೇಕಾಗುವುದು. ವ್ಯವಹಾರದಲ್ಲಿ ತೋರುವ ಅತಿ ಜಿಗುಟುತನದಿಂದಾಗಿ ಏರುಪೇರು ಕಂಡುಬರುವುದು. ಸಾಮಾಜಿಕ ಚಿಂತೆ ವಿಶೇಷವಾಗಿ ನಡೆಯಲಿದೆ. ಹುದ್ದೆಯಲ್ಲಿ ಜವಾಬ್ದಾರಿ ಹೆಚ್ಚಾಗುವುದು.

Also read: ಈ ಏಳು ರಾಶಿಯವರಿಗೆ ಜೀವನದಲ್ಲಿ ಏನೇನೆಲ್ಲ ಬೇಕು ಅಂದುಕೊಳ್ಳುತ್ತಾರೋ ಅದೆಲ್ಲ ಸಿಗುತ್ತೆ!!

ತುಲಾ:

ದಿನ ಭವಿಷ್ಯ

ತುಲಾ:- ವ್ಯವಹಾರದಲ್ಲಿ ಅತಿಯಾದ ನಂಬಿಕೆ ಒಳ್ಳೆಯದಲ್ಲ. ಲೆಕ್ಕಾಚಾರ ಪಕ್ಕಾ ಇರುವಂತೆ ನೋಡಿಕೊಳ್ಳಿರಿ. ಅನಿರೀಕ್ಷಿತ ಏರಿಳಿತಗಳಿಗೆ ಮಾನಸಿಕವಾಗಿ ಈಗಲೇ ಸಿದ್ಧರಾಗುವುದು ಒಳ್ಳೆಯದು. ಸೋದರ ಸಮಸ್ಯೆಗಳನ್ನು ಬಗೆಹರಿಸಲು ನೀವು ಅಲೆದಾಡಬೇಕಾಗುವುದು. ಗಣ್ಯವ್ಯಕ್ತಿಗಳ ಸಂಪರ್ಕ. ಅಮೂಲ್ಯ ವಸ್ತುಗಳ ಬಗ್ಗೆ ಜಾಗ್ರತೆಯಾಗಿರಿ. ಯಾರದೋ ಚಾಡಿ ಮಾತು ಕೇಳಿ ಸ್ನೇಹಿತರೊಂದಿಗೆ ಮನಸ್ತಾಪ ಮಾಡಿಕೊಳ್ಳದಿರಿ. ಷೇರು ವ್ಯವಹಾರ ಲಾಭದಾಯಕ. ಕೆಲಸದ ನಿಮಿತ್ತ ಅತಿಯಾದ ತಿರುಗಾಟದಿಂದಾಗಿ ಸಂಸಾರದಲ್ಲಿ ವಿರಸ ಮೂಡುವ ಸಂದರ್ಭ. ಅತಿಯಾದ ಒತ್ತಡದ ಜೀವನ ಆರೋಗ್ಯಕ್ಕೆ ಒಳ್ಳೆಯದಲ್ಲ.

ವೃಶ್ಚಿಕ:

ದಿನ ಭವಿಷ್ಯ

ವೃಶ್ಚಿಕ:- ಈ ವಾರ ಕೆಲವು ದುಡುಕಿನ ನಿರ್ಧಾರಗಳಿಂದ ಮುಂದೆ ತೊಂದರೆಯನ್ನು ಅನುಭವಿಸುವಿರಿ. ಆದಷ್ಟು ಎರಡು ಬಾರಿ ಚಿಂತಿಸಿ ಕಾರ್ಯಪ್ರವೃತ್ತರಾಗಿರಿ. ಮಾತಿನ ಮೇಲೆ ಹಿಡಿತವಿರಲಿ. ಕೃಷಿಕರು ಗಮನವಿಟ್ಟು ಕೆಲಸ ಮಾಡುವುದು ಉತ್ತಮ. ಔದ್ಯೋಗಿಕ ಸಮಸ್ಯೆಗಳು ತಾತ್ವಿಕವಾಗಿ ಬಗೆಹರಿಯಲಿವೆ. ಆರ್ಥಿಕವಾಗಿ ಸದೃಢರಾಗಿ ಬೆಳೆಯುವಿರಿ. ಹಳೆ ವಾಹನಗಳ ರಿಪೇರಿ ಖರ್ಚನ್ನು ಭರಿಸಬೇಕಾಗುವುದು. ವೈಯಕ್ತಿಕ ವಿಷಯಗಳ ಬಗ್ಗೆ ಜಾಗ್ರತರಾಗಿರಿ. ಗಂಭೀರ ವಿಷಯಗಳ ಬಗ್ಗೆ ಎಲ್ಲರೊಡನೆ ಚರ್ಚೆ ಬೇಡ. ಹಿರಿಯರ ಆರೋಗ್ಯದ ಕಡೆ ಗಮನ ಹರಿಸುವುದು ಒಳ್ಳೆಯದು.

ಧನಸ್ಸು:

ದಿನ ಭವಿಷ್ಯ

ಧನುಸ್ಸು:- ನಿಮ್ಮ ನೆಮ್ಮದಿಗೆ ಭಂಗ ತರುತ್ತಿದ್ದ ಆಸ್ತಿ ವಿಚಾರ ಈ ವಾರದೊಳಗೆ ಇತ್ಯರ್ಥವಾಗುವುದು. ವ್ಯವಹಾರದಲ್ಲಿ ನಷ್ಟ ಅನುಭವಿಸುತ್ತಿರುವ ಮಿತ್ರನಿಗೆ ಸಹಾಯ ಮಾಡುವಿರಿ. ನೀಡಿದ ಸಾಲಗಳು ಮರುಪಾವತಿಯಾಗುವ ಸಾಧ್ಯತೆಗಳು ಬಹಳ ಇವೆ. ಮಗನ ವಿದ್ಯಾಭ್ಯಾಸದಲ್ಲಿ ಪ್ರಗತಿ ಕಂಡುಬರಲಿದೆ. ಕಾರ್ಮಿಕ ವರ್ಗದವರೊಂದಿಗೆ ಸೌಹಾರ್ದತೆಯಿಂದ ವರ್ತಿಸಿರಿ. ಹೊಸ ಉದ್ಯಮದ ಅಭಿವೃದ್ಧಿಗೆ ಧನ ಸಂಗ್ರಹವಾಗಲಿದೆ. ಸಂಗಾತಿಯೊಂದಿಗೆ ವಿರಸ, ವಿರೋಧ ಮೂಡದಂತೆ ನೋಡಿಕೊಳ್ಳಿರಿ. ಆರೋಗ್ಯದ ಕಡೆ ಗಮನ ಕೊಡುವುದು ಒಳ್ಳೆಯದು. ವೃತ್ತಿಯಲ್ಲಿ ಯಶಸ್ಸು ಕಾಣುವಿರಿ.

Also read: ರಾಶಿಯ ಪ್ರಕಾರ ನಿಮಗೆ ಶುಭ ದಿನ ಯಾವುದು ಗೊತ್ತೇ?? ಇಲ್ಲಿದೆ ನೋಡಿ ಡೀಟೇಲ್ಸ್.. ಒಳ್ಳೆಯ ಕೆಲಸ ಶುರು ಮಾಡುವುದಿದ್ದರೆ ಈ ದಿನದಲ್ಲೇ ಮಾಡಿ

ಮಕರ:

ದಿನ ಭವಿಷ್ಯ

ಮಕರ:- ಈ ವಾರದಲ್ಲಿ ಕೆಲವು ಸಮಸ್ಯೆಗಳನ್ನು ಬಗೆಹರಿಸಿಕೊಳ್ಳಲು ಬಡಬಗ್ಗರಿಗೆ ಅಥವಾ ದೀನದಲಿತರಿಗೆ ಆಹಾರವನ್ನು ನೀಡಿರಿ. ಕೈಗೊಳ್ಳುವ ಕೆಲಸದ ವಿಷಯದಲ್ಲಿ ದುಡುಕುತನ ಬೇಡ. ಕೃಷಿ ಕಾರ್ಯಗಳಲ್ಲಿ ಸಾಕಷ್ಟು ಪ್ರಗತಿ ಕಾಣಲಿದೆ. ಮನೆ ಹಿರಿಯರ ವಿರೋಧ ಕಟ್ಟಿಕೊಳ್ಳಬೇಕಾದ ಪ್ರಸಂಗ ಬರುವುದು. ತಾಳ್ಮೆಯಿಂದ ವರ್ತಿಸಿದಲ್ಲಿ ಸಮಸ್ಯೆ ಬಗೆಹರಿಯುವುದು. ಸಾಂಸಾರಿಕ ಸಮಸ್ಯೆಗಳು ದೊಡ್ಡವರ ಮಧ್ಯಸ್ಥಿಕೆಯಿಂದ ಒಳಿತಾಗುವುದು. ಸ್ಥಿರಾಸ್ಥಿ ಸದ್ಯಕ್ಕೆ ನಿಮ್ಮ ಹೆಸರಿಗೆ ಬೇಡ. ಧಾರ್ಮಿಕ ಕಾರ್ಯವೊಂದು ವಿಶೇಷವಾಗಿ ಜರುಗುವುದು.

ಕುಂಭ:

ದಿನ ಭವಿಷ್ಯ

ಕುಂಭ:- ಆಸ್ತಿ ಸಂಬಂಧ ವ್ಯವಹಾರ ಸುಲಭವಾಗಿ ಬಗೆಹರಿಯುವುದು. ಸಾಂಸಾರಿಕ ನೆಮ್ಮದಿ ಆನಂದವನ್ನುಂಟು ಮಾಡಲಿದೆ. ಹಣಕಾಸಿನ ವಿಷಯಕ್ಕೆ ಸಂಬಂಧಪಟ್ಟ ವಿಷಯದಲ್ಲಿ ನೀವು ಪ್ರಯಾಣ ಬೆಳೆಸಬೇಕಾಗುವುದು. ಸರಕಾರದ ವತಿಯಿಂದ ಬರುವ ಹಣಕಾಸು ಒದಗಿ ಬರಲಿದೆ. ಹಿರಿಯರ ಮಾರ್ಗದರ್ಶನವನ್ನು ಅನುಸರಿಸುವುದರಿಂದ ಒಳಿತಾಗುವುದು. ಮಕ್ಕಳು ವಿದ್ಯೆಯಲ್ಲಿ ಪ್ರಗತಿ ಸಾಧಿಸುವರು. ಯಾಂತ್ರಿಕ ವೃತ್ತಿರಂಗದಲ್ಲಿರುವವರಿಗೆ ಉತ್ತಮ ಪ್ರಗತಿ ಇರುತ್ತದೆ. ಹಣಕಾಸಿನ ಪರಿಸ್ಥಿತಿ ಉತ್ತಮವಾಗಿರುವುದು.

ಮೀನ:

ದಿನ ಭವಿಷ್ಯ

ಮೀನ:- ವಿದೇಶದಿಂದ ಬರಲಿರುವ ಮಕ್ಕಳಿಂದ ಆರ್ಥಿಕ ನೆರವು ದೊರೆಯಲಿದೆ. ಪರಿವಾರದೊಂದಿಗೆ ಈ ವಾರ ಕುಲದೇವರ ದರ್ಶನ ಪಡೆಯುವಿರಿ. ಲೋಹ ವ್ಯಾಪಾರಿಗಳು ಅಧಿಕ ಲಾಭಾಂಶವನ್ನು ಹೊಂದುವರು. ಮಂತ್ರಿ ಮಹೋದಯರ ಸಹಕಾರದಿಂದಾಗಿ ವೃತ್ತಿಗೆ ಸಂಬಂಧಿಸಿದ ಸಮಸ್ಯೆಗಳು ಬಗೆಹರಿಯುವವು. ಕೆಲಸ ಕಾರ್ಯಗಳು ನಿಮ್ಮ ಇಚ್ಛೆಯಂತೆ ಆಗುವವು. ವಾತ ಸಂಬಂಧಿ ರೋಗಗಳು ಬಾಧಿಸುವ ಸಾಧ್ಯತೆ ಇದೆ. ಸೂಕ್ತ ವೈದ್ಯಕೀಯ ಚಿಕಿತ್ಸೆ ಪಡೆಯುವುದು ಉತ್ತಮ.

Also read: ಯಾವ ರಾಶಿಯವರು ಯಾವ ಹರಳನ್ನು ಯಾವ ಬೆರಳಿಗೆ ಹಾಕಿಕೊಳ್ಳಬೇಕು?? ಅದು ಎಷ್ಟು ತೂಕವಿರಬೇಕು?? ಇಲ್ಲಿದೇ ಸಂಪೂರ್ಣ ಮಾಹಿತಿ

ವಾರ-ಭವಿಷ್ಯ: 28 ಜುಲೈ ರಿಂದ 03 ಆಗಸ್ಟ್ ರವರೆಗೆ, 2019!!