ಮೂತ್ರ ಹೋಗುವಾಗ ಉರಿತ/ನೋವು ಆಗುವುದು ಯಮ ಯಾತನೆ, ಅದರಿಂದ ಮುಕ್ತಿ ಹೊಂದಲು ಈ ಮನೆಮದ್ದುಗಳನ್ನು ಪಾಲಿಸಿ..!!

0
3493

ಅಧಿಕ ಉಷ್ಣ, ಮೂತ್ರದ ಉತ್ಪತ್ತಿ ಮತ್ತು ವಿಸರ್ಜನೆ ಕಡಿಮೆಯಾಗುವುದರಿಂದ, ಮರ್ಮಾಂಗಗಳಲ್ಲಿ ಗಾಯ ಆಗುವುದರಿಂದ, ಮೂತ್ರದ ಸೋಂಕು, ಜನನಾಂಗದ ಅಶುಚಿತ್ವದಿಂದ ಉರಿಮೂತ್ರ ಉಂಟಾಗಬಹುದು. ಮೂತ್ರ ಮಾಡುವಾಗ ಉರಿ, ಕಿಬ್ಬೊಟ್ಟೆ ನೋವು, ಸಣ್ಣ ಜ್ವರ, ಅಲ್ಪ ಮೂತ್ರ, ಇವುಗಳೆಲ್ಲವೂ ಉರಿ ಮೂತ್ರದ ಲಕ್ಷಣಗಳಾಗಿವೆ.

-ತೊಳೆದ ಲೋಳೆರಸದ ತಿರುಳಿಗೆ ಸ್ವಲ್ಪ ಪ್ರಮಾಣದ ಜೀರಿಗೆ, ಕಲ್ಲು ಸಕ್ಕರೆ ಸೇರಿಸಿ ಊಟಕ್ಕೆ ಮುಂಚೆ ದಿನಕ್ಕೆರಡು ಬಾರಿಯಂತೆ ಏಳು ದಿವಸಗಳ ಕಾಲ ಸೇವಿಸಬೇಕು.

-ಒಣಗಿದ ಮುತ್ತುಗದ ಹೂ ಮತ್ತು ಸೊಗದೆ ಬೇರನ್ನು ಸಮ ಪ್ರಮಾಣದಲ್ಲಿ ಸೇರಿಸಿ ಕಷಾಯ ಮಾಡಿ ಕುಡಿಯಬೇಕು.

-ಅತ್ತಿ ಮರದ ಹಾಲನ್ನು ಸಂಗ್ರಹಿಸಿ ದಿನಕ್ಕೊಂದು ಸಲ ಮೂರು ದಿನ ಸೇವಿಸಬೇಕು.

-ಕಿರುಕಸಾಲೆ ಸೊಪ್ಪಿನ ರಸ ೯೦ ml ಗೆ ಸೈನದವ ಲವಣ ಮತ್ತು ೧೨ ಗ್ರಾಂ ಸೌತೆಕಾಯಿ ಬೀಜ ಹಾಕಿ ಅರೆದು ದಿನಕ್ಕೆರಡು ಬಾರಿಯಂತೆ ೧ ರಿಂದ ೨ ವಾರ ಉಪಯೋಗಿಸಬೇಕು.

-ಹನ್ನೆರಡು ಗ್ರಾಂ ಹುಣಸೆಹಣ್ಣನ್ನು ಎಳನೀರಿನಲ್ಲಿ ಕದಡಿ ದಿನಕ್ಕೆ ಎರಡು ಹೊತ್ತು ಎರಡು ವಾರ ಕುಡಿಯಬೇಕು.

-ಅರ್ಧ ಲೋಟ ಬಾಳೆ ದಿಂಡಿನ ರಸವನ್ನು ದಿನಕ್ಕೆರಡು ಬಾರಿ ದಿನ ಬಿಟ್ಟು ದಿನ ಮೂರು ದಿನಗಳ ಕಾಲ ಸೇವಿಸಬೇಕು.

-ಅಕ್ಕಿ ಬಾರ್ಲಿ ಹೆಸರುಬೇಳೆ, ಕಲ್ಲಂಗಡಿ, ಕರಬೂಜ,ನೆಲ್ಲಿಕಾಯಿ, ದ್ರಾಕ್ಷಿ, ಖರ್ಜೂರ,ಎಳನೀರು ಗಳನ್ನೂ ಹೆಚ್ಚು ಹೆಚ್ಚು ಸೇವಿಸಬೇಕು.

-ಹೆಚ್ಚು ನೀರು ಮತ್ತು ಎಳನೀರನ್ನು ಕುಡಿದಲ್ಲಿ ಸಹ ಉರಿಮೂತ್ರ ಶಮನವಾಗುತ್ತದೆ.