ಈ ಬಸಳೆ ಸೊಪ್ಪಿನ ತಂಬುಳಿ ಮಾಡಿಕೊಂಡು ತಿನ್ನಿ, ಉತ್ತಮ ಆರೋಗ್ಯಕ್ಕೆ ಇನ್ನ್ಯಾವುದೇ ಸಪ್ಲಿಮೆಂಟ್ ಮಾತ್ರೆಗಳು ಬೇಡ..

ಬೇಕಾಗುವ ಸಾಮಗ್ರಿಗಳು:

• ಬಸಳೆಸೊಪ್ಪು 10ಎಲೆಗಳು,
• ಜೀರಿಗೆ 1ಚಮಚ,
• ಕಾಳುಮೆಣಸು 1ಚಮಚ,
• ಹಸಿಮೆಣಸೈನಾ ಕಾಯಿ 1,
• ತೆಂಗಿನಕಾಯಿತುರಿ 4ಚಮಚ,
• ತುಪ್ಪ 1ಚಮಚ,
• ಮಜ್ಜಿಗೆ ನಾಲ್ಕು ಸೌಟು,
• ಉಪ್ಪು ರುಚಿಗೆ ತಕ್ಕಷ್ಟು

ತಯಾರಿಸುವ ವಿಧಾನ:

• ಮೊದಲು ಬಸಳೆಸೊಪ್ಪನ್ನು ಸಣ್ಣಗೆ ಹೆಚ್ಚಿ ಒಂದು ಬಾಣಲೆಗೆ ತುಪ್ಪವನ್ನು ಹಾಕಿ ಹೆಚ್ಚಿದ ಬಸಳೆಸೊಪ್ಪನ್ನು ಸಣ್ಣ ಉರಿಯಲ್ಲಿ ಹುರಿದು ಬಾಡಿಸಿ. (ಹಸಿ ಬಸಳೆಸೊಪ್ಪಿನಲ್ಲಿ ಸ್ವಲ್ಪ ಲೋಳೆ. ಬಸಳೆಸೊಪ್ಪಿನ ಲೋಳೆಯ ಅಂಶವು ಬೇಯುವ ತನಕ ಸಣ್ಣ ಉರಿಯಲ್ಲಿ ಬಾಡಿಸಿಬೇಕು)
• ನಂತರ ಬಾಡಿಸಿದ ಬಸಳೆಸೊಪ್ಪು, ಸ್ವಲ್ಪ ತೆಂಗಿನಕಾಯಿತುರಿ, ಜೀರಿಗೆ, ಕಾಳುಮೆಣಸು, ಹಸಿರುಮೆಣಸಿನಕಾಯಿ ಎಲ್ಲವನ್ನು ರುಬ್ಬಿಕೊಳ್ಳಿ.
• ರುಬ್ಬಿದ ಮಸಾಲೆಗೆ 4 ಸೌಟು ಮಜ್ಜಿಗೆ ಮತ್ತು ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ.
• ಈಗ ಒಂದು ಬಾಣಲೆಗೆ ಸ್ವಲ್ಪ ಎಣ್ಣೆ , ಸಾಸಿವೆ, ಉದ್ದಿನಬೇಳೆ, ಒಣಮೆಣಸು ಒಂದು, ಕರಿಬೇವಿನ ಸೊಪ್ಪು ಸ್ವಲ್ಪ ಹಾಕಿ ಒಗ್ಗರಣೆ ತಯಾರಿಸಿಕೊಳ್ಳಿ.
• ರುಬ್ಬಿದ ಮಸಾಲೆ ಮತ್ತು ಮಜ್ಜಿಗೆಗೆ ಕರಿಬೇವಿನ ಒಗ್ಗರಣೆ ಕೊಟ್ಟರೆ ಬಸಳೆಸೊಪ್ಪಿನ ತಂಬುಳಿ ಸಿದ್ಧವಾಗುತ್ತದೆ.